Matìyò 16:6 - The New Testament in the Babanki language

⁶ nè dyàŋ zaʼa tsu, Yesò gàʼ à vəwenə la, “Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

Matìyò 16:6 Referans Kwoze

Ŋwàʼlə̀ Luk 12:1

A ndiʼ ando Yesò ngàʼà nyʉ̀ venə, viʼi tsèntə̀ a nkamsə a nkamsə ghə̀ zìtə̀ mù sə gàʼà ndzɨ̀mtə̀sə bàm wen la, “Ghə̀ŋ ntùʼmə̀ kùmə̀ viʼi Falàsi venə a vəwenə diʼi la vəwenə diʼi viʼi Nyìngòŋ ali kò a ndiʼ fa vəwenə tətyɨm.

Gàlesìyà 5:9

Ngàyn tsen nə̀ diʼ la, fəshɨ̀ŋ fə nə̀ tyetə tèbe a le, fə ne makàlà mə kuʼ.

Ŋwàʼlə̀ Mak 8:15

Yesò gàʼ à vəwenə la, “Ghə̀ŋ ntùʼmə̀ byìʼì fəshɨ̀ŋ fìfə a Və Falàsi bènə̀ Helòd kiʼi à vəwenə a ntìntìn.”

Matìyò 16:12

Ghə̀ gàʼ a lì ndzɨ̀mtə̀sə bàm wen sə mù kɨ̀ la ghə̀ ko yi ngàʼà byìʼì fəshɨ̀ŋ fə kəbayn alì la ghə̀ ngàʼà kùmə̀ ziʼi viʼi Falàsi bènə̀ Vəsadùsis.

Ŋwàʼlə̀ Luk 12:15

Ghə̀ bè dyʉ̀ a mbì əgàʼ à nòyn ayi la, “Ghə̀ŋ ə ntùʼmə̀ kumə kənbàŋbàŋ byiʼ ando ntsìnə̀ ko diʼ tò byìʼì fo ghoʼvə vyi a ghə̀ kiʼi, kòŋ ghə̀ nkiʼi ghoʼ no tə ale.”

Matìyò 3:7

Joyn ne yen ando viʼi Falàsi nə̀ viʼi Sadùsi mbe vì no və ghoʼo la ghə̀ ku mu à vəwenə kèn la vəwenə kwitə li tətyɨm tə vəwenə, ghə̀ mù gàʼ à vəwenə la,“Zhusə byɨ sènsə, a tofsə ndò ghə̀ŋ, ghə̀ŋ sə kəŋ nyɨŋ ngəʼ yì a Nyìngòŋ kəŋ tɨm a ghə̀ŋ a?

Matìyò 16:1

Viʼi Falàsi bènə̀ Vəsadùsis vətsenvə vì à Yesò sə kəŋə jì əghaʼ wen fa tsu mù gàʼ la ghə̀ ne kənyʉ̀ kə kaynə kə kətsen kə ədìʼ kəchwitə la kədyòʼ kə wen kə lù fà Nyìngòŋ.

Matìyò 16:5

Yesò wenə̀ ndzɨ̀mtə̀sə bàm wen nè sə dyàŋ a ndzèn mo tsen yì, ndzɨ̀mtə̀sə bàm wen sə lyèsə̀ əlyɨ̀ kəbayn kəməka,

Matìyò 16:7

Ndzɨ̀mtə̀sə bàm wen shìsə sə̀ bèsə̀ kənyʉ̀ akì à vəwenə a ntìntìn gàʼà la, “Ghə̀ gàʼà alə̀ byìʼàndo vəghəŋ yì lyèsə̀ əlyɨ̀ kəbayn kəməka.”

Matìyò 16:11

A nè ghò a ghə̀ŋ ko kɨ̀ la mà ko yi ngàʼà à ghə̀ŋ byìʼì kəbayn a? Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

Joyn 4:33

Ndzɨ̀mtə̀sə bàm ə wensə sə kayntə to vəwenə ntìntìn bèm la, “A lə diʼ la wìʼ ə yì vì nə̀ kəfo kəzhɨkə a wen mu?”