Matìyò 13:51 - The New Testament in the Babanki language

⁵¹ Yesò gàʼ a lì ə̀ bèm à ndzɨ̀mtə̀sə bàm wen la, vəwenə zhʉ li kɨ nyʉ̀ avenə lo? Vəwenə byɨmə.

Matìyò 13:51 Referans Kwoze

Ŋwàʼlə̀ Mak 4:34

Ghə̀ nko shə̀ʼtə̀ kənyʉ̀ à vəwenə kèn la ghə̀ mò a nə̀ ngàyn, alì ghə̀ nè bwènə̀ dyʉ̀ a bàm, ghə̀ shɨ̀tə̀ shə̀ʼtə̀ kənyʉ̀ a ngàynsə a shìsə dìʼsə à ndzɨ̀mtə̀sə bàm wen.

Matìyò 13:19

Viʼi vi a və zhʉ ntɨm kùmə̀ soʼ Fòyn Nyìngòŋ kò və lù nkɨ dìʼ to nə̀ ashɨ ngwàʼ yi a ghə̀ fəŋkə a kəghʉ̀ kə ji lì vəwenə zhʉ Deblə̀ vì soʼ lu nə̀ kəwenkə fà vəwenə a tətyɨm.

Matìyò 13:11

Yesò bwènsə̀ gàʼ à vəwenə la, Nyìngòŋ ku li tof à ghə̀ŋ la ghə̀ŋ nzhʉ kɨ nyʉ̀ lyomtəvə vi a və diʼì byìʼì soʼo fòyn wen alì kò a ndiʼ la ghə̀ ku li à vəwenə.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Ŋwàʼlə̀ Mak 7:18

Yesò gàʼ à vəwenə la, “Ghə̀ŋ bò bu tò ngu to nə̀ viʼi vətsenvə mu? Ghə̀ŋ kɨ la no tè ghò a wìʼ zhɨ ko zì ghə̀ ne la kə ghə̀ a ndiʼ nə̀ laynə.

Matìyò 24:15

“Zhʉ a ghə̀ŋ a yen kəfo kə faynsə kì a kə fwàʼlə̀ a nshə̀ʼtə̀ Danye ngaʼà byìʼì kəwenkə, ti a kəshi kə laynə kə, (wìʼ a ghə̀ dzàŋə̀ diʼi kɨ).

Matìyò 16:11

A nè ghò a ghə̀ŋ ko kɨ̀ la mà ko yi ngàʼà à ghə̀ŋ byìʼì kəbayn a? Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

Matìyò 15:17

Ghə̀ŋ ko yenə la no ghò a wìʼ zhɨ ə shiʼì à wen a bèm kə be chò fʉ fà wen a wèn,

Matìyò 13:50

ə mòʼ vəwenə a kəshi kə zhìʼ, vəwenə nlyuŋlyuŋ dì be pfiʼi asoŋ tsu.

Matìyò 13:52

Ghə̀ mù gàʼ à vəwenə la, “Ndìʼsə̀sə təsoʼ shì a sə ziʼì li ə̀ kɨ kənyʉ̀ kì a Sòʼ Fòyn Nyìngòŋ diʼ wenə ghə̀, dìʼ mu və se li tò nə̀ tì ngə̀ŋ yì a ghə̀ kiʼi ghoʼ wen à wen a kəntuʼ sə shìsə fo fivə nə̀ muvə fa tsu shyèʼè nə̀ wenəvə no tsèm.”