Matìyò 13:24 - The New Testament in the Babanki language

²⁴ Yesò bè mò ngàyn tsen a vəwenə la, “Soʼo foynə Nyìngòŋ diʼ to nə̀ wìʼ a ghə̀ nlù mòʼ ngwàʼa jùŋ a wen a sɨm.

Matìyò 13:24 Referans Kwoze

Matìyò 25:1

Yesò bè mò ngàyn ə tsen gàʼà la, “Wàyn Wìʼ lu sə mbwènə̀ vì, soʼo Fòyn Nyìngòŋ ndiʼ tò nə̀ fətitì fə ngòynsə ki sətsensə ə̀ wum, a sə nlù dyʉ̀ sə kə̀ʼtə̀ wùlɨm lam a ghə̀ ndiʼi vì. Vəwenə sə ndyʉ̀ no ndò lyɨ̀ kənkàʼtə̀ kəwen.

Matìyò 20:1

Yesò dyʉ̀ a mbì nə̀ ziʼi wen gàʼà la, “Soʼo Fòyn Nyìngòŋ diʼ tò nə̀ fətitì fə tì sɨ̀m tsen a ghə̀ nlu a boʼòngə̀ŋ tsen fʉ̀ ədyʉ̀ kəŋ viʼi la və dyʉ̀ shwèʼ a wen ə sɨm.

Matìyò 13:47

Soʼ fòn Nyìngòŋ bè dìʼ tò nə̀ fəlàm a wìʼ mòʼò à mù ə tənkì tə shʉsə tə kwen tsu tò tətsèm,

Matìyò 22:2

“Və zì və shəʼmə Fòyn Nyìngòŋ nə̀ fətitì fə fòyn tsen a ghə̀ nlù baʼtə kəzhɨ kə lam wàyn wen wùlɨm.

Matìyò 13:37

Yesò gàʼ à vəwenə la, “Wìʼ yì a ghə̀ nwe ngwàʼ jùŋə lì diʼ Wàyn Wìʼ.

Ŋwàʼlə̀ Luk 13:20

Yesò bè bwènsə̀ bèm la, “Mà le zì ma be shəʼ soʼ foyn Nyìngòŋ no nə̀ ghò?

Ŋwàʼlə̀ Luk 13:18

Yesò ə mù bèm à vəwenə la, “Soʼ fòyn Nyìngòŋ diʼ tò nə̀ ghò? Mà lè zì mà shəʼ wen ghə̀ no nə̀ gho?

Matìyò 13:33

Yesò be mò ngàyn tsen à vəwenə la, “Soʼo Fòyn Nyìngòŋ diʼ tò nə̀ fəshɨ̀ŋ a wùwì nè ghə̀ lyɨ̀ wè a tì kəbayn no kə ghoʼo la kə kuʼ ə sə fɨ̀ŋə̀ əzaʼa fa zhʉ a kə a kuʼ no kətsèm.”

1 Bità 1:23

Kə diʼ ə ndiʼ alə byìʼì ando və bwensə li bwi ghə̀ŋ a nfi chò fa kənyʉ̀ kə Nyìngòŋ yi a ghə̀ŋ tsi, mu kə faŋ li to ghayn ə mùʼ. A ko bwi wìʼ bwi ghə̀ŋ a ghə̀ zizi a ghə̀ pfʉ.

Matìyò 13:31

Yesò bè mò ngàyn tsen à vəwenə la, “Soʼo Fòyn Nyìngòŋ diʼ tò nə̀ shɨ fəkòʼ fə mostàd, a wìʼ nwe à wen a sɨm fə sə kwi.

Matìyò 18:23

Mà gàʼà alə̀ byìʼàndo soʼ Fòyn Nyìngòŋ diʼ tò nə̀ fòyn tsen a ghə̀ nkəŋə əyen la viʼi shwèʼ wen ghʉ ko wen ale lo.

Matìyò 13:19

Viʼi vi a və zhʉ ntɨm kùmə̀ soʼ Fòyn Nyìngòŋ kò və lù nkɨ dìʼ to nə̀ ashɨ ngwàʼ yi a ghə̀ fəŋkə a kəghʉ̀ kə ji lì vəwenə zhʉ Deblə̀ vì soʼ lu nə̀ kəwenkə fà vəwenə a tətyɨm.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 21:33

Yesò bè gàʼ à viʼi vi la vəwenə bè zhʉ̀tə ngàyn tsen. “Tì sɨ̀m tsen nlù bòʼ sɨm lamsə̀ lwi wen, kwìʼi mbàyn kaʼsə wen sɨm ayi, tyùŋə nkwòŋ yì a və ne nwìʼì lamsə̀ ayì tsu mu shɨ̀tə məlyʉ̀ʼ bè bwòm kəmbaŋ kə ngə̀ŋ ntsɨ̀ŋ a kəntìntìn kə sɨm ayì mù kù sɨm ayi la viʼi nshwèʼè gə̀tə̀ ku yì nə̀ fo vi a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə.

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

Kòlòsyàns 1:5

Ghə̀ŋ ne alə̀ byìʼì ando ghə̀ŋ kəʼtə kɨ əfo vi a Nyìngòŋ ə ghʉ̀ a ghə̀ŋ akàŋ. A ndiʼ ando viʼi nshə̀ʼtə̀ ntɨm ə jùŋ nəmwèʼè a ghə̀ŋ a ambì, ghə̀ŋ zhʉ kənyʉ̀ kumə fo a vyi a ghə̀ŋ kəʼtə lə.

Matìyò 13:25

Tʉʼ lə jɨ kətsi kətsenkə viʼi beynkə no vətsèm, wù kəbàyn ə wen tsen nyoʼtə dyʉ̀ wè kəfʉ̀ʼ tsu, mù lù.