Matìyò 11:1 - The New Testament in the Babanki language

¹ Andìʼ ando Yesò mwètə̀ əziʼi ndzɨ̀mtə̀sə bàm wen shì njʉ̀sə̀ bò, ghə̀ lù fa tsu sə shə̀ʼtə̀ kənyʉ̀ kə Nyìngòŋ be tyɨftə dyʉ̀ nə̀ viʼi a ntə̀ʼsə sətsensə a Galìlì.

Matìyò 11:1 Referans Kwoze

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

Ŋwàʼlə̀ Luk 8:1

Fa bàm a tsu Yesò sə jèʼè shə̀ʼtə̀ ntɨm jùŋ byìʼì soʼ fòyn Nyìngòŋ a ntə̀ʼ sə ghoʼkə sə nə̀ sə tyetəsə. A ndiʼ alì ndzɨ̀mtə̀sə bàm wen shì njʉ̀sə̀ bò diʼ wenə vəwenə,

Matìyò 9:35

Yesò ə sə jèʼè kwenə a ntə̀ʼ sə ghoʼkə sə nə̀ sə tyetəsə, ziʼi a aloʼ ntsentə ə vəwenə, shə̀ʼtə̀ ntɨm ə jùŋ byìʼì əfòyn ə Nyìngòŋ, bè chʉʼʉ tənkyì tə kwaʼa tò tə tsèm.

2 Tèsàlonyà 3:10

A ndiʼ tèbè ando vəghəŋ bo diʼ amuʼ, yès gàʼ a ghə̀ŋ la, “A tyen no ndo la ghə̀ ko shyèʼè, kə wìʼ fa ghə̀ŋ a ku kəfo la ghə̀ zhɨ̀.”

2 Tèsàlonyà 3:6

Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.

1 Tèsàlonyà 4:2

Yes ə sensə alə̀ byìʼì ando ghə̀ŋ sə kɨ nyʉ̀ vyi a yes ə ziʼi a ghə̀ŋ. Ənyʉ̀ na venə diʼ mu və lù fa Bobo vəghəŋ Yesò.

Shwèʼ 10:42

Ghə̀ ku a soʼ la yès shə̀ʼtə̀ ntɨm jùŋ ə̀ dìʼ nəmwèʼè la ghə̀ dìʼ wìʼ yì a Nyìngòŋ ntsuʼ li ə̀ ghʉ la ghə̀ nsoʼo viʼi a və diʼì və to nə̀ vi a və pfʉkə li.

Shwèʼ 1:2

əzaʼa fà zhʉ a Nyìngòŋ nlyɨ wen ə̀ kùʼsə a kàŋ. Mibu və sə lyɨ wen əkuʼsə a kàŋ mu kəzhwì kə ŋwoʼəkə ku li kədyòʼ, ghə̀ ziʼi nyʉ̀ vyi a viʼi ntɨm wen vi a ghə̀ ntsuʼù lì ndiʼi ne nè.

Joyn 15:14

Ghə̀ŋ nè to ando əsoʼ ə ghomə əgàʼa, ghə̀ŋ ne ndiʼ doŋ shomsə.

Joyn 15:10

Ghə̀ŋ ghʉ̀ təsoʼ ə tyomtə, ghə̀ŋ faŋ a mo kòŋ ndə̀ŋndəŋ ando mà fàŋ a kòŋ Tìʼ ghom byìʼàndo ma ghʉ̀ təsoʼ tə wen.

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Matìyò 7:28

A sə diʼ to ando Yesò ziʼì mwetə ənyʉ̀ na venə, ə chʉ zɨm ənòyn ə viʼi vyi,

Matìyò 4:23

Yesò sə̀ jèʼè fa loʼ Galìlì no tsèm ziʼi a aloʼ ntsèntə̀ vəwenə, shə̀ʼtə̀ ntɨm jùŋə byìʼì soʼo fòyn Nyìngòŋ, be chʉʼʉ no nkì kwaʼa kò a viʼi nkiʼi.

1 Timotì 6:14

Wù ghʉ əsoʼ ghenə a ma chòsə̀ a wù lə tò nəmwèʼè ə zaʼa fa zhʉ Bobo vəghəŋ Yesò Klistò lu bwenə vi.

Ŋwàʼlə̀ Mak 6:12

Vəwenə fʉ̀ mù sə ziʼì dyʉ̀ à viʼi la vəwenə kwitə tətyɨm tə vəwenə fà vəwenə a nyʉ̀ byɨvə

Ŋwàʼlə̀ Luk 23:5

Vəwenə bè sə̀mtə̀ gàʼ tò gàʼ la “Ghə̀ bosə viʼi la və dyʉ̀ a jì byɨ, a loʼ Judiyà no vətsèm, ghə̀ tə̀ zìtə̀ fa ntə̀ʼ Galìlì, luwèn ghə̀ sə̀ diʼ a shə̀.”