Matìyò 10:8 - The New Testament in the Babanki language

⁸ Ghə̀ŋ ə shə̀ʼtə̀ ali, chʉʼʉ viʼi və kwaʼa və nə̀ vyi a və kiʼ kənsòtə̀, dzɨ̀mə̀ shisə əzhwì ə byɨvə. Wìʼ ə pfʉ, ghə̀ŋ lusə wen fa ə pfʉ. Ghə̀ŋ ə nkɨ la ghə̀ŋ kiʼ adyòʼ a ghenə to kədyàŋ, ghə̀ŋ dyʉ̀ ghə̀ŋ ə nè ənyʉ̀ na venə to kədyàŋ.

Matìyò 10:8 Referans Kwoze

Shwèʼ 3:6

Bità gàʼ à wen la, “Mà ko kiʼ ko no fa mpfen əku à wù alì diʼì ku tò kəfo kì a mà kiʼì. Mà gàʼà à wù a kədyòʼ Yesò Klistò ə wù Nazalèt la wù lu njèʼè.”

Shwèʼ 4:30

Ne viʼi kɨ la wù kìʼ kədyòʼ ənè viʼi vəkwaʼkəvə to. Gyàmtə̀ yes ə dìʼ chwitə nyʉ̀ kanəvə a kədyòʼ Yesò wù shwèʼè wu ŋwoʼə.

Ŋwàʼlə̀ Luk 10:9

Ghə̀ŋ kwen a ntə̀ʼ ayì ə chʉʼ viʼi və kwaʼkə və a və diʼì tsu ə shə̀ʼtə̀ à vəwenə la soʼ fòyn Nyìngòŋ boʼsə li vəwenə.

Matìyò 10:1

Yesò ə nlu li ə dzàŋtə ndzɨ̀mtə̀sə bàm ə̀ wen sensə njʉ̀sə̀ bò, ə ku adyòʼ a vəwenə la vəwenə ə dzɨ̀mə̀ shìsə əzhwì ə byɨvə bè chʉʼʉ tənkyì tə kwaʼa, tò tətsèm. Ətentə ə diʼ təzhiʼ tə viʼi ntɨm a vyì. Wù ə mbi ə diʼ Simùn yi a və ə ndzàŋ nə̀ Bità, nə̀ lèmə̀ wen Andɨ̀lò; nə̀ Jems wenə lèmə̀ wen Joyn, ə vunə Zebedì;

Ŋwàʼlə̀ Mak 16:18

Vəwenə sətsèn ghàʼ zhusə ko zhɨ ləʼ kò kənyʉ̀ kə à nè vəwenə. Vəwenə a nghʉ avu a tʉ viʼi və kwaʼkəvə, vəwenə to.”

Matìyò 10:7

Ghə̀ŋ dyʉ̀, ghə̀ŋ nə̀ shə̀ʼtə̀ la, əfòyn ə Nyìngòŋ ə boʼsə li.

Matìyò 10:9

Ghə̀ŋ sə ə dyʉ̀, kə ghə̀ŋ we ə ko a kəmbò no fa mpfen.