Matìyò 10:7 - The New Testament in the Babanki language

⁷ Ghə̀ŋ dyʉ̀, ghə̀ŋ nə̀ shə̀ʼtə̀ la, əfòyn ə Nyìngòŋ ə boʼsə li.

Matìyò 10:7 Referans Kwoze

Shwèʼ 28:31

be shə̀ʼtə̀ nyʉ̀ byìʼì soʼ fòn Nyìngòŋ, ziʼì byìʼì Bobo Yesò Klistò. Ghə̀ ngàʼà nə̀ tyɨm toghə kò a ndiʼ la kəfo kətsenkə tàʼsə̀ wen.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Ŋwàʼlə̀ Luk 9:60

Yesò gàʼ à wen la, “Ghʉsə, viʼi və pfʉkəvə bvɨ̀mə̀ viʼi və pfʉkəvə, alì fà wù, wu nshə̀ʼtə̀ dyʉ̀ nə̀ soʼgho kùmə̀ soʼ fòyn Nyìngòŋ.”

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Ŋwàʼlə̀ Luk 16:16

“Və nlù sə jèʼè a tyì soʼ Mosìs bè jèʼè à tyi ziʼi nshə̀ʼtə̀sə ghoʼkə sə əkuʼ zaʼa a tʉʼ Joyn wù ku àmù. Əzìtə̀ fa tʉʼ ayì, və mù sə shə̀ʼtə̀ ntɨm jùŋə kùmə̀ soʼ fòyn Nyìngòŋ, no məndo sə soynə tò soynə əkwen a kəshi kə fòyn na kèn.

Ŋwàʼlə̀ Luk 9:2

tɨm vəwenə la və fʉ̀ dyʉ̀ ə shə̀ʼtə̀ nyʉ̀ kùmə̀ soʼ fòyn Nyìngòŋ bè chʉʼ viʼi və kwaʼa kə və.

Ŋwàʼlə̀ Mak 6:12

Vəwenə fʉ̀ mù sə ziʼì dyʉ̀ à viʼi la vəwenə kwitə tətyɨm tə vəwenə fà vəwenə a nyʉ̀ byɨvə

Shwèʼ 10:25

Bità sə nkwenə vì tò kwenə a kəbəŋ ayì, Kòneliyòs dyʉ̀ tòŋtə wen ə̀ shìʼi à wen alwi ə̀ ghoʼsə wen.

Shwèʼ 4:2

Vəwenə mvì a lì mu tinsə vəwenə sə fwi li byìʼàndo Bità wenə̀ Joyn nziʼi viʼi la Yesò lu li fa pfʉ, kə mu dìʼì la viʼi vətsèm be lu lù fa pfʉ.

Joyn 3:2

Ghə̀ ə vi li a Yesò nə̀ ntʉʼ ə tsen ə gaʼa a wen la, “Ndìʼsə̀, yès ə kɨli la wù diʼ ndìʼsə̀ a ghə̀ lu fa Nyìngòŋ byìʼì wìʼ ko diʼ a ghə̀ zizi ghə̀ nè nyʉ̀ ə kaynə venə a wù ne lə̀ a bwen la Nyìngòŋ diʼ wenə wen.”

Ŋwàʼlə̀ Luk 9:6

Viʼi ntɨm wen a vyi mù fʉ̀ sə jèʼè dyʉ̀ no ntə̀ʼ sə tsèm shə̀ʼtə̀ dyʉ̀ nə̀ ntɨm jùŋ, bè chʉʼʉ viʼi no fe a vəwenə yenə.

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 21:43

Ghə̀ŋ be ko təmə̀ ndzàŋ kəshi akènkə? Byìʼì ntsìnə̀ ghə̀ŋ aghèn, “Mà gàʼà a ghə̀ŋ la və lu shi soʼ Fòyn Nyìngòŋ fa ghə̀ŋ, ə ku a viʼi vyi a və kumə ashɨ.

Matìyò 21:31

Yesò mù bèm à vəwenə la, “A lè ne wàyn ko fa ntìntìn vunə vi vəbò nè kənyʉ̀ kì a tìʼ vəwenə nkəŋə a? Vəwenə bwènsə̀ la. ‘A ne wù mbì.’ Yesò mù gàʼ la, ‘Mà gàʼà a ghə̀ŋ’ nəmwèʼè la, viʼi vyi a və tinə kənsè bènə̀ njèʼtə̀sə lu kwen a soʼ Fòyn Nyìngòŋ à ghə̀ŋ a mbì.”

Matìyò 11:1

Andìʼ ando Yesò mwètə̀ əziʼi ndzɨ̀mtə̀sə bàm wen shì njʉ̀sə̀ bò, ghə̀ lù fa tsu sə shə̀ʼtə̀ kənyʉ̀ kə Nyìngòŋ be tyɨftə dyʉ̀ nə̀ viʼi a ntə̀ʼsə sətsensə a Galìlì.

Matìyò 10:8

Ghə̀ŋ ə shə̀ʼtə̀ ali, chʉʼʉ viʼi və kwaʼa və nə̀ vyi a və kiʼ kənsòtə̀, dzɨ̀mə̀ shisə əzhwì ə byɨvə. Wìʼ ə pfʉ, ghə̀ŋ lusə wen fa ə pfʉ. Ghə̀ŋ ə nkɨ la ghə̀ŋ kiʼ adyòʼ a ghenə to kədyàŋ, ghə̀ŋ dyʉ̀ ghə̀ŋ ə nè ənyʉ̀ na venə to kədyàŋ.