Matìyò 10:17 - The New Testament in the Babanki language

¹⁷ Ghə̀ŋ tùʼmə̀. Və lu ghaʼ ku ghə̀ŋ la və soʼo bè ghòm ghə̀ŋ a vəwenə a loʼ soʼ nsoʼsə nə̀ a lo aloʼ ntsèntə̀sə vəwenə.

Matìyò 10:17 Referans Kwoze

Ŋwàʼlə̀ Mak 13:9

“Nkàntə̀ ghə̀ŋ diʼ ntùʼmə̀. Və lu ghaʼ ghə̀ŋ ə ku la və soʼ ə̀ ghòm ghə̀ŋ a aloʼ ntsèntə̀sə a shɨ viʼi a və soʼo nə̀ təfòyn tə byìʼì mò, ghə̀ŋ lyɨ kəshi kom ə̀ tùʼtə̀ shə̀ʼtə̀ ntɨm jùŋ ə ghom a vəwenə.

Matìyò 23:34

Mà mù sə gàʼà à ghə̀ŋ la mà ne tɨm nshə̀ʼtə̀sə nə̀ viʼi və tofəvə bènə̀ ndìʼsə̀sə kɨ la ghə̀ŋ ne a zhwilə vətsenvə ə bantə vətsenvə a kəntò be ghom vətsenvə fà ghə̀ŋ a aloʼ ntsèntə̀sə, be ndzɨ̀mə̀ vətsenvə no fa ntə̀ʼ ko a vəwenə dyʉ̀ tsu.

Shwèʼ 26:11

Mà nku ngəʼ à vəwenə no a aloʼ ntsèntə̀sə no tsèm no a məzhʉ̀ ntsèm be mwòmsə̀ la vəwenə tyen byɨmə vəwenə à Yesò. Mà mbàynə̀ vəwenə no a jì a mà nlu dyʉ̀ a təloʼ tə tɨm ku ngəʼ à vəwenə tsu.

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Ŋwàʼlə̀ Luk 12:11

“Və sətsen ghaʼ ghə̀ŋ ə dyʉ̀ nə̀ ghə̀ŋ ashɨ viʼi a və soʼo nsoʼ a ngə̀ŋ ntsentə, kò ashɨ tʉtʉ loʼ, kə ghə̀ŋ nə̀ kayntə la ghə̀ŋ a gàʼ la ghò ndi shisə̀ tə wen təŋtə fa kənyʉ̀ lo,

Matìyò 5:22

Ma be sə gàʼà à ghə̀ŋ luwen la no ndò a ghə̀ fwisə̀ tyin à lèmə̀ wen və le sòʼ wen, à te no ndò tè lèmə̀ wen la, ‘Kəfo kə maʼa kènkə!’ mu və lu dyʉ̀ nə̀ wen a shɨ ntsèntə̀ viʼi nsoʼ. A be tè no mə ndò tè lèmə̀ wen la, ‘Kəndzɨ̀ŋtə̀ kə kəfo kènkə!’ mu ghə̀ zì ghə̀ pfʉ̀ a zhìʼ byɨ ghə̀.

Shwèʼ 22:19

Ma bwènsə̀ gàʼ à wen la, ‘Bobo, vəwenə kɨ li nəmwèʼè la no nkàntə̀ mò tə njèʼè fà a loʼ ntsèntə̀sə ghaʼtə̀ viʼi vyi a və byɨmə à wù dyʉ̀ shwìntə̀ a mfɨŋ be ghòmə̀.

Hibùlù 11:36

Və nghaʼa vətsevə, ə we a nfɨŋ, ghòmə vətsevə, kwiʼi vətsevə nə̀ məkwinkwinə.

2 Timotì 4:15

Nkàyntə̀ wù be diʼ tùʼmə̀ byìʼì wen byìʼì ando ghə̀ tə ə ngàʼà ənyʉ̀ no a kədyòʼ, ko və boŋ byìʼì ntɨm ə jùŋ yì a vəghəŋ ə ziʼi.

Filìbàyns 3:2

Ghə̀ŋ tuʼmə wen və viʼi nè ənyʉ̀ byɨvə venə a vəwenə diʼ to nə̀ bʉsə lə̀. Vəwenə ghʉ tò la və diʼ shɨtə ndyə̀ ə̀ wìʼ.

Joyn 11:47

Vəwenə ghaʼ ntsèntə̀ wenə tʉtʉ vəpfèm və ngə̀ŋ Nyìngòŋ sə ghoʼkəsə nə̀ viʼi və soʼ nsoʼsə ə bèm la, “vəghəŋ a nè ale? Yen nyʉ̀ ə kaynəvə vyi a wìʼ ə ghèn mwomə a.

Ŋwàʼlə̀ Mak 13:12

Tʉʼ ayi lu kwʉ̀ʼ, wìʼ nlyɨ̀ lèmə̀ wen ghə̀ kù la və zhwi, tìʼ lyɨ̀ wàyn ghə̀ kù la və zhwi, vunə lu nlù a wèn və mpfi nə̀ vətìʼì, lyɨ̀ vəwenə ku la və zhwilə.

Matìyò 26:59

Tʉtʉ vəpfèm və ngə̀ŋ Nyìngòŋ bènə̀ ntsèntə̀ viʼi nsoʼsə ayì no tsèm mù sə kəŋə viʼi la və vi gàʼ nyʉ ndzɨ̀ŋsə byìʼì Yesò ndi və zhwi wen,

Shwèʼ 17:14

Viʼi vəbyɨməvə tɨm Bol wenə̀ viʼi vətsenvə la vəwenə shiʼi dyʉ̀ a mbyɨ̀ àmù mə ghoʼomə̀ tò a zhʉ ayì, alì Silàs wenə̀ Timotì faŋ tò a Belì.

Matìyò 20:19

Vəwenə ne gàʼ a lì lyɨ̀ wen ə ku tɨmə, vəwenə chəʼ wen, ghòm wen nə̀ ngwàynsə bè bàyntə wen a kəntò ə ghə̀ pfʉ. A nè sə ndiʼ a mətsi ntaʼ Nyìngòŋ lusə wen fa pfʉ.”

Matìyò 10:18

Və lu ghaʼ dyʉ̀ tomə ghə̀ŋ ashɨ ə viʼi və soʼ və nə̀ təfòyn tə byìʼì mo, ə ghə̀ŋ shə̀ʼtə̀ ntɨm ə jùŋ ə mo a vəwenə ə bè shə̀ʼtə̀ a viʼi ətɨm.

Shwèʼ 9:2

ə̀ gàʼ à wen la ghə̀ ku ŋwàʼlə̀ à yì, a ghə̀ dìʼì wìʼ a yì dìʼi wen, bènə̀ kədyòʼ kì a yì kiʼi ndi yì dyʉ̀ a aloʼ ntsèntə̀ Vəjew a Damaskus ə̀ ghaʼtə ndzɨ̀mtə̀sə Yesò no sətsèm ə̀ bwènsə̀ vì nə̀ vəwenə a Jelusalèm, lʉmə nə̀ ki.