Matìyò 1:21 - The New Testament in the Babanki language

²¹ Ghə̀ ne bwi wàyn wulɨm ə wù chʉ zhiʼ wen nə̀ Yesò byìʼì ando ghə̀ lu bwòŋsə viʼi wen fa vəwenə a mbyɨsə.

Matìyò 1:21 Referans Kwoze

Shwèʼ 13:23

Nyìngòŋ nghʉ li la ghə̀ lu tsuʼ wìʼ mu ghə̀ lù fa ngwaʼa ngə̀ŋ Devìt, la ghə̀ bwòŋsə viʼi Islel. Wìʼ aghèn diʼ Yesò.

Shwèʼ 4:12

A diʼ tò wen nyɨŋ a ghə̀ zi ghə̀ bwòŋsə viʼi fà vəwenə a mbyɨsə byìʼe Nyìngòŋ ko mbè kù wùtsen a mbi no fa a mpfen a vəghəŋ zì vəghəŋ dzàŋə zhiʼ wen ə ghə̀ bwoŋsə vəghəŋ.”

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

1 Joyn 3:5

Ghə̀ŋ ə kɨ la Klistò ə̀ mvì ə shʉ mbyɨsə viʼi, kò ndìʼ la ghə̀ kiʼi mbyɨ.

Ŋwàʼlə̀ Luk 2:21

A ndi a bàmə mətsi fwomə, və shətə ndyə̀ wàyn, ə chʉ zhiʼi wen nə̀ Yesò, byèʼè ando a ndiʼi zhiʼi a ntsɨ̀ŋ ngə̀ŋ Nyìngòŋ chʉ mimbu ghə̀ sə ndiʼi a bèm li wen.

Shwèʼ 5:31

Nyìngòŋ ə kuʼsə li wen à wen a shyə kwoŋ toghə ə ne la ghə̀ ndiʼ kətʉ be diʼi mbwòŋsə̀ ndi ghə̀ ne la viʼi Islel kiʼi jì əkaʼsə tətyɨm tə vəwenə fà vəwenə a nyʉ̀ byɨvə ndi Nyìngòŋ lyesə mbyɨsə vəwenə.

Ŋwàʼlə̀ Luk 1:31

Wù kɨ la, wù a tɨmə nə̀ bèmə ə bwi wàyn wulɨm ə chʉ zhiʼi wen nə̀ Yesò.

Taytùs 2:14

Ghə̀ nku li ə̀wen ə wen ə̀ zèn ətʉ vəghəŋ fa mbyɨsə no sətsèm ə̀ bè nè la vəghəŋ layn ə̀ kwʉ̀ʼ ə ndiʼ viʼi wen a və kòŋə̀ ə nè tò ənyʉ̀ juŋəvə.

Ŋwàʼlə̀ Luk 2:11

Və bwili mbwòŋsə̀ lan a ghə̀ŋ a loʼo fòyn Devìt a diʼi Klistò a ghə̀ diʼi Bobo.

1 Joyn 1:7

Vəghəŋ sətsèn ə njèʼè a tyì əbayn ndə̀ŋndəŋ ando Nyìngòŋ dìʼ a tyì əbayn mu vəghəŋ tsèntə̀ dìʼ a kənyʉ̀ kə mùʼ, mənlyuŋ mə̀ wàyn wen ə Yesò Klistò be shʉ̀ vəghəŋ fa vəghəŋ a mbyɨsə no sətsèm.

Shwèʼ 3:26

Nyìngòŋ mù tsuʼ wù shyèʼ wen ə̀ tɨ̀m à ghə̀ŋ a mbì ndi ghə̀ bwaʼsə ne la no tè ndò à ghə̀ŋ a ntìntìn ghʉsə jisə byɨsə wen.”

Kəmwetə 7:14

Mà bwènsə̀ à wen la, “Ba, à kɨ̀ tò wù.” Ghə̀ mù gàʼ à mò la, “Venə diʼ viʼi a və cho li fa tì ngəʼsə sə̀ fàynsə sə̀. Vəwenə nshʉ li vədàlə və vəwenə ne mənlyuŋ mə wàyn bi ənjɨ̀ və sə fəfə fəfə.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Ŋwàʼlə̀ Luk 1:13

Ali ntsɨ̀ŋ Bobo yì gàʼa wen la “Kə a fayn a zakaliya; byiʼè Nyìngòŋ zhʉli jɨ̀mə̀ wu. Wi wù Elizabet nè bwi wàyn wulɨm a wù a chʉ zhiʼ wen nə̀ Joyn.

Matìyò 1:25

alì kò ghə̀ lə tsi nə̀ wen əzaʼa fa tʉʼ a Mèli bwi wàyn wulɨm, Josèf chʉ zhiʼ wen nə̀ Yesò.

Joyn 4:42

ə gàʼ a wùwì na yì la, “Yès ə byɨmə li luwen, a ko diʼ to byìʼì kənyʉ̀ kì a wù shə̀ʼtə̀ a yès. Yès ə zhʉ li əziʼi ə wen no fa yès a ngeŋsə nkɨ la à diʼ tò no wen Mbwòŋsə̀ mbyi.”