Lumans 9:17 - The New Testament in the Babanki language

¹⁷ Və və be nyòʼò la Nyìngòŋ ə ngàʼa a fòyn Ijìb la, “Ma lu wʉ̀ wù a fòyn to no byìʼì ando ma ə kəŋ ə diʼ kədyòʼ ə komkə chò fa wù, la viʼi zhʉ mo to mbi ə tsèm.”

Lumans 9:17 Referans Kwoze

Joyn 17:26

Ma diʼi li wù a vəwenə, diʼ ə bo diʼi dyʉ̀ to ambì ndi vəwenə ə kiʼi kòŋ fa vəwenə a ngeŋsə byìʼì ando ma diʼ to diʼ a vəwenə a ntìntìn. Əkòŋ a ghənə diʼ to kòŋ yì a wù kiʼi a mò.”

Gàlesìyà 3:22

Alì Ŋwàʼlə̀ Nyìngòŋ gàʼa la kədyòʼ kə mbyɨ kə diʼ a kətʉ viʼi vətsèm a mbyi. Kə diʼi alə̀ ndiʼ Nyìngòŋ ə ghʉ kənyʉ̀ kə ghʉkə ki a ghə̀ nghʉ, a viʼi vyi a və byɨmə a Yesò Klistò.

Gàlesìyà 4:30

Alì Ŋwàʼlə̀ Nyìngòŋ ə gàʼa la ghò? Ghə̀ gaʼa la, “Saŋ ə wùwì kəkòs yi wenə wàyn wen, byìʼì ando wàyn kəkòs na ghèn ko lu zhɨ̀ tebè fa kəfo ə tiʼi vəwenə. A lu zhɨ to wàyn wùwì yi à ko diʼ kəkòs.”

Gàlesìyà 3:8

Ŋwàʼlə̀ Nyìngòŋ sə diʼ mù ghə̀ nshə̀ʼtə̀ li la, Nyìngòŋ ə lu nè ə viʼi kətɨm ə vəwenə ndiʼ viʼi kənyʉ̀ kətɨməkə byìʼì əbyɨmə ə vəwenə. Byìʼì kənyʉ̀ a kenkə, Nyìngòŋ ə be mu shə̀ʼtə̀ ntɨm ə jùŋ a mbì a Ablaham la, “Ma lu bwaʼsə viʼi təloʼ tə tsèm chò fa wù”.

Lumans 11:4

Ghə̀ gaʼa ali, Nyìngòŋ ə gàʼ a wen la, “A ko faŋ to wù. Mà bo kiʼi viʼi vətsenvə nkamsə sòmbo, və zhʉ fa mò, mu vəwenə nyɨŋ li la və ko kuʼsə tebè Bàl.”