Lumans 9:1 - The New Testament in the Babanki language

¹ Ma kəŋ ə gàʼ kənyʉ̀ luwen kə diʼ to no nəmwèʼè, fʉ̀ to no fa mo tyɨm, à diʼi Kəzhwì kə Ŋwoʼkə. Ma gàʼa to nəmwèʼè byìʼì ando ma diʼi to kənyʉ̀ kə mùʼ yo Yesò.

Lumans 9:1 Referans Kwoze

1 Timotì 2:7

Və ntsuʼ mò byìʼì kənyʉ̀ a kenkə a nə̀ wù ə ntɨm la mà shə̀ʼtə̀ kənyʉ̀ kə Nyìngòŋ bè ziʼi viʼi ətɨm nə̀ kənyʉ̀ ki a kə diʼi nəmwèʼè. Kənyʉ̀ kənkə a ma gàʼà lə ə diʼ tò no nəmwèʼè. Mà ko wamə wamə.

Lumans 1:9

Ma jɨ̀mə̀ a ghə̀ŋ to məzhʉ̀ ə ntsèm. Nyìngòŋ ghèn a ma shyèʼ a wen nə̀ ətyɨm ə ghomə no tsèm, shə̀ʼtə̀ ntɨm ə jùŋ kumə Wàyn, ghə kɨ kənyʉ̀ kenkə a ma gàʼ lə̀.

Gàlesìyà 1:20

Kənyʉ̀ kèn a ma nyòʼò a ghə̀ŋ lə diʼ to nə̀ nəmwèʼè. Nyìngòŋ ə kɨ la ma ko zhò ndzɨ̀ŋ!

Filìbàyns 1:8

Nyìngòŋ zi ghə̀ tɨmə a nə̀ ncho nsoʼ la ma kòŋ ghə̀ŋ no nə̀ tyɨm ə ghomə no tsèm nə̀ kòŋ yì a Yesò Klistò ə diʼi fa wen ngə̀ŋ.

2 Kolìntyàns 11:10

Ma saŋlə la ma ko shì tebè kəfo kətsenkə fa ghə̀ŋ, ko kəfo kə zizi kə tàm mò la kə mà be nsaŋlə̀ to alə̀ ashə lòʼ ə Akayà. Yesò kɨ la mà gàʼà to nəmwèʼè,

Lumans 8:16

A diʼ Kəzhwì kə Nyìngòŋ na kènkə a kə gaʼa a zhwi vəghəŋ, diʼi a vəghəŋ la vəghəŋ diʼ vunə Nyìngòŋ.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Tèsàlonyà 2:5

Ghə̀ŋ kɨli la yes əko vi a ghə̀ŋ ə gàʼa gaʼa kənlobtə no faphen. Nyìngòŋ ə kɨ no nəmwèʼè la yes ə nko shə̀ʼtə̀ ntɨm ə jùŋ a ghə̀ŋ la ghə̀ŋ ku kəfo kətsenkə a yes.

2 Kolìntyàns 12:19

Ghə̀ŋ kwòʼtə la yès nyoʼtə nyʉ̀ venə alə byìʼì ando yès ə kəŋ ntaŋ ə chʉ̀ yèsə laynə a ghə̀ŋ ashɨ mu? Jòʼ! yès ə gaʼa to nə̀ viʼi Yesò ashɨ Nyìngòŋ. Yès sə gaʼa nyʉ̀ a venə a ghə̀ŋ no ətsèm alə̀ to byìʼì ando yès ə kòŋ ghə̀ŋ, kəŋ la ghə̀ŋ nkwi a jisə yi a Nyìngòŋ ə kəŋ fa tsu a vəlemə.

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

1 Timotì 5:21

Mà gàʼà à wù no nə̀ kədyòʼ kə, a ashɨ ə̀ Nyìngòŋ nə̀ Yesò Klistò nə̀ ntsɨ̀ŋ shisə a Nyìngòŋ tsuʼtə la, wù shɨtə ghaʼ əghʉ ənyʉ̀ a venə a mà gàʼa a wù lə̀. Wù sə ə ne ənyʉ̀ a venə, kə wù ə ne to viʼi vətsenvə ghʉsə vətsevə.

2 Kolìntyàns 11:31

Tìʼ Bobo Yesò, ə Nyìngòŋ yi a və diʼ nkuʼsə wen to məzhʉ̀ ə tsèm ə kɨ la ma ko zhò ndzɨŋ.

2 Kolìntyàns 1:23

Mà tə faŋ ke be ə vi a Kolìn byìʼì ando ma ko tə ə kòŋ ə vi ə kəŋkə̀ ghə̀ŋ a kənyʉ̀. Nyìngòŋ ə kɨ la ma gàʼà to nəmwèʼè.

Lumans 2:15

Vəwenə ne ali, kə ə diʼi la Nyìngòŋ ə nyòʼò li kənyʉ̀ ki a Əsoʼ ə kəŋ a vəwenə tətyɨm. Təkwòʼtə̀ tə vəwenə ti to nəmwèʼè, tomsə vəwenə, be gyamtə vəwenə.

Lumans 9:2

Ə nyʉ̀ diʼ a mò a tyɨm a və ku ngəʼ a mò no nànto.