Bib sou entènèt

« Previous

Lumans 8:16 - The New Testament in the Babanki language

¹⁶ A diʼ Kəzhwì kə Nyìngòŋ na kènkə a kə gaʼa a zhwi vəghəŋ, diʼi a vəghəŋ la vəghəŋ diʼ vunə Nyìngòŋ.

Gade chapit la Kopi

« Previous

tounen moute ⬆

1 Joyn 4:13

Vəghəŋ ə kɨ la vəghəŋ dìʼ a kənyʉ̀ kə mùʼ vəghəŋ və Nyìngòŋ a ji la Ghə̀ ku li kəzhwì kə wen à vəghəŋ.

Gade chapit la

2 Kolìntyàns 1:22

Ghə̀ chʉtə li vəghəŋ a ji la ghə̀ ku li Kəzhwì kə Ŋwoʼkə ə Nyìngòŋ a vəghəŋ a tətyɨm ə diʼ nəmwèʼè la ghə̀ lu ku mwetə əfo vyi a ghə̀ ghʉ a vəghəŋ.

Gade chapit la

2 Kolìntyàns 5:5

A bàʼtə Nyìngòŋ la kə ndiʼ a ji a ghèn, ə ku kəzhwì kə wen a vəghəŋ ə diʼ nəmwèʼè la vəghəŋ lu kiʼi əwèn ə fighə a ghenə.

Gade chapit la

Nyìngòŋ ə shisə li ghə̀ŋ viʼi Efesùs ə bwòŋsə̀ ghə̀ŋ chò fa a Yesò ando ghə̀ŋ zhʉ ntɨm ə jùŋ yì a ghə̀ diʼi nəmwèʼè ə byɨmə. A ndiʼ ando ghə̀ŋ mbyɨmə, ghə̀ chʉ̀tə̀ ghə̀ŋ nə̀ Kəzhwì kə Ŋwoʼkə kì a ghə̀ ə nghʉ̀,

Gade chapit la

Lumans 8:26

Kəzhwì kə Ŋwoʼkə ə gyamtə vəghəŋ byìʼì ando vəghəŋ ə bwaʼa, ko və kɨ tèbe ji yì a və diʼ ə jɨ̀mə̀ fa tsù ali kə jɨm a vəghəŋ a kəshi a ji mu və zizi ko və lu shə̀ʼtə nə̀ chʉ̀.

Gade chapit la

Efisyàns 4:30

Kə ghə̀ŋ a nə̀ nyʉ̀ a və a nè ko kəzhwì kə Ŋwoʼkə a saŋlə. Kəzhwì kə Ŋwoʼkə ken diʼ to nə̀ kənchʉtə kə a və ə nchʉ̀tə ghə̀ŋ nə̀ kəwenkə kəʼtə kətsi a, Nyìngòŋ lu mwetə zen kətʉ̀ ə kəŋkə̀.

Gade chapit la

2 Kolìntyàns 1:12

Yès ə saŋlə no nànto, kɨ no fa yès a tətyɨm la no tèbe ghò yi a yès tə nè a mbi a shen, nə̀ ji a yès tə tsi vəghəŋ fa tsu, la yès ə nè to nə̀ tətyɨm tə laynə, ti a Nyìngòŋ ə kʉʼʉ. Yès tə ne no tèbe ghò, nè to byìʼì ətyɨm ə jùŋə ghə̀ Nyìngòŋ, a nko diʼ byìʼì ətof ə mbyi.

Gade chapit la

Lumans 8:23

A ko diʼ to fo a venə a və dì. Nò tèbe vəghəŋ vi a və kiʼi kəzhwì kə Ŋwoʼkə, a diʼ kəku kə ə mbì ki a Nyìngòŋ ə kù a vəghəŋ ə be dì to dì a vəghəŋ a ti tətyɨm, bvɨtə la Nyìngòŋ ə lyɨ̀ vəghəŋ a nkàyntə̀ sə vunə wen, ə zen kətʉ kə vəghəŋ ə mwetə.

Gade chapit la

1 Joyn 5:10

No ndò a ghə̀ byɨmə à wàyn Nyìngòŋ ə kɨ kənyʉ̀ akènkə tò a wen a tyɨm. Wìʼ a ghə̀ ko byɨmə Nyìngòŋ, ə ne li wen a wù ndzɨ̀ŋ byìʼàndo ghə̀ ko byɨmə kənyʉ̀ a Nyìngòŋ ə gàʼà byìʼì wàyn wen.

Gade chapit la

Matìyò 5:9

Mbwaʼmə dìʼ a viʼi vyi a və shyə̀ʼ əghʉ mbwaʼmə a viʼi a ntìntìn byiʼàndo və lu dzàŋ vəwenə nə̀ vunə Nyìngòŋ.

Gade chapit la

Ŋwàʼlə̀ Luk 20:36

Kə lə ndiʼ alì byiʼ ando vəwenə ko le be pfʉ. Vəwenə lə ndiʼ ndə̀ŋndəŋ to nə̀ ntsɨ̀ŋsə Nyìngòŋ, bè diʼ vunə Nyìngòŋ byiʼ ando vəwenə luli fa pfʉ.

Gade chapit la

Joyn 1:12

Alì, viʼi vətsenvə shisə wen ə byɨmə a wen, ghə̀ kù kədyòʼ la vəwenə ndiʼ vunə Nyìngòŋ.

Gade chapit la

Shwèʼ 5:32

Yès dìʼ viʼi və yenəvə a nyʉ̀ venə, ndə̀ŋndəŋ to nə̀ kəzhwì kə ŋwoʼəkə a Nyìngòŋ ə ku a viʼi a və zhʉ fà wen.”

Gade chapit la

Lumans 8:14

Kə diʼ alə̀ byìʼì ando no ndo yi a kəzhwì kə Nyìngòŋ kə ə tisə wen diʼ wìʼ yi a diʼi wàyn Nyìngòŋ.

Gade chapit la

Lumans 8:19

Nò əfo ə tsèm a Nyìngòŋ ə shɨtə ə bvɨtə no nànto la Nyìngòŋ ə diʼ nkàyntə̀ a vunə wen.

Gade chapit la

Lumans 9:8

Kə le diʼi la vunə Nyìngòŋ vyi a və gàʼa kumə vəwenə ko diʼ viʼi vətsèm a və bwi a ngwaʼ ngə̀ŋ ə Ablaham. A boŋsə diʼ viʼi a Nyìngòŋ ə ghʉ̀ la və lu bwi və wenə a vunə ngwaʼ ə ngə̀ŋ ə Ablaham.

Gade chapit la

Lumans 9:26

Və lu dyʉ̀ a viʼi vyi a və tə ə gàʼa la vəwenə ko diʼ tebè vunə vwomə ə tòŋtə vəwenə la vunə vwomə, ə mo Nyìngòŋ yi a ghə̀ tsi.”

Gade chapit la

2 Kolìntyàns 6:18

ə ndiʼ Tìʼ a ghə̀ŋ, ghə̀ŋ diʼ vunə vwomə. A gàʼà Bobo, ə Tìʼ adyòʼ no tsèm.”

Gade chapit la

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gade chapit la

Gàlesìyà 4:6

Ando ghə̀ŋ sə diʼ vunə a Nyìngòŋ, ghə̀ wè li Kəzhwì kə Wàyn wen a vəghəŋ a tətyɨm, kə sə ne vəghəŋ dzàŋə Nyìngòŋ gàʼa la, “Bàba, Bàba ghom.”

Gade chapit la

1 Joyn 3:1

Ghə̀ŋ yen ə kòŋ a Nyìngòŋ ə dìʼì à vəghəŋ no ghoʼo a ghə̀ ne li və sə dzàŋə̀ vəghəŋ nə̀ vunə Nyìngòŋ. A mu diʼ nəmwèʼè. Kənàʼ kə kənyʉ̀ a viʼi mbyi ko kɨ̀ vəghəŋ dìʼ la vəwenə nko kɨ Nyìngòŋ.

Gade chapit la

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.

Gade chapit la

1 Joyn 3:10

Byìʼì nakènkə, və a yenə kɨ viʼi vi a diʼì vunə Nyìngòŋ bènə̀ vi a diʼì vunə Deblə̀. Wìʼ a ghə̀ ko nè kənyʉ̀ kətɨməkə ə ko diʼ wàyn Nyìngòŋ tò ndə̀ŋndəŋ a nə̀ wìʼ a ghə̀ ko kòŋə̀ lèmə̀ wen.

Gade chapit la

Kəmwetə 21:7

A sòyn zhɨ no ndo mbyɨ a mà ku mu na mèyn a wen ə ndiʼ Nyìngòŋ ə wen, ghə̀ diʼ wàyn a mò.

Gade chapit la

Swiv nou:

Lyen patwone

Piblisite

Lumans 8:16 - The New Testament in the Babanki language

Lumans 8:16
27 Referans Kwoze

1 Joyn 4:13

2 Kolìntyàns 1:22

2 Kolìntyàns 5:5

Efisyàns 1:13

Lumans 8:26

Efisyàns 4:30

2 Kolìntyàns 1:12

Lumans 8:23

1 Joyn 5:10

Matìyò 5:9

Ŋwàʼlə̀ Luk 20:36

Joyn 1:12

Shwèʼ 5:32

Lumans 8:14

Lumans 8:19

Lumans 9:8

Lumans 9:26

2 Kolìntyàns 6:18

Gàlesìyà 3:26

Gàlesìyà 4:6

1 Joyn 3:1

1 Joyn 3:2

1 Joyn 3:10

Kəmwetə 21:7

Lumans 8:16 - The New Testament in the Babanki language

Lumans 8:1627 Referans Kwoze

Lumans 8:16
27 Referans Kwoze