Lumans 7:7 - The New Testament in the Babanki language

⁷ Kənyʉ̀ na kènkə diʼi la gho? Kə le kəʼə la Əsoʼ ə Nyìngòŋ ə diʼ kəfo kə byɨkə mu? Kə ko diʼ ali no faphen byìʼì ando a bwèn fa ə Əsoʼ mu ma ko kɨ kənyʉ̀ ki a mbyɨ diʼ kəwenkə. Əsoʼ tə faŋ ke gàʼ la, “kə ashɨ ə ghəŋə baŋə a fo ə viʼi,” mu ma ko kɨ kənyʉ̀ na kènkə.

Lumans 7:7 Referans Kwoze

Lumans 3:20

Kə le diʼi la Nyìngòŋ ə ko gàʼ tebè la wìʼ diʼ nti akayn a wen a shɨ byìʼì ando ghə̀ ghʉ̀ Əsoʼ. Əsoʼ ə nə̀ gyamtə ə nè la vəghəŋ kɨ kənyʉ̀ a mbyɨ diʼ wen.

Lumans 4:15

Kə diʼ alə̀ byìʼì ando Əsoʼ ə nè to la Nyìngòŋ ə fwisə tin a viʼi byìʼì ando vəwenə kwaʼa əsoʼ a yi, mu əsoʼ ə faŋ ke ndiʼ, ko wìʼ lu kwaʼa.

1 Kolìntyàns 15:56

Əncho pfʉ ə nə̀ fʉ̀ fa mbyɨ, kədyòʼ kə mbyɨ kə lu fa Əsoʼ.

Lumans 13:9

Təsoʼ tentə lə la, “kə wù lù tsì nə̀ wì wìʼ kò nə̀ lɨmə wìʼ, kə wù lù zhwi, kə wù lù tsoŋ, kə ashɨ à wu a baŋə a fo ə viʼi.” Təsoʼ a tentə no tə tsèm ə tsèntə fʉ̀ to fa ntsìnə̀ ghèn la, “Kòŋ lèmə̀ wù to ndə̀ŋndəŋ ando wù kòŋ wenə wu.”

Lumans 7:8

Alì əsoʼ na yi ə boŋsə nè la mbyɨ nè, ashɨ à ghomə ə̀ baŋə no fo ə tsèm. Əsoʼ ə tə faŋ ke ndiʼ mu mbyɨ ko kiʼ kədyòʼ.

1 Tèsàlonyà 4:5

Kə Wìʼ a ku wenə wen a nyʉ̀ njòsə wèn to nə̀ viʼi vyi a və ko kɨ kənyʉ̀ ki a Nyìngòŋ əkəŋ la kə və lu nè.

Lumans 3:5

Viʼi vətsenvə zizi və gàʼ la ntsìnə̀sə ə byɨsə ə vəghəŋ ə boŋsə gyamtə ə ne la viʼi ə ntuʼ yenə jisə tɨməsə Nyìngòŋ. Kə sətsen ə ndiʼ ali, kə ne diʼi la Nyìngòŋ ə ko ne a akayn ando ghə̀ fwisə tin a vəghəŋ mu? Wùmə̀nsòŋ zizi ghə̀ nkwoʼtə dyʉ̀ to fa ji a ghèn.

Kòlòsyàns 3:5

Ghə̀ŋ maʼa nyʉ̀ ə byɨvə no ətsèm. Kə wìʼ ə tsi nə̀ wùwì a kodiʼ wi wen kò nə̀ wulɨm a kodiʼ lɨmə wen. Ghə̀ŋ maʼa ətsìnə̀sə kəfwaʼlə. Kə ghə̀ŋ kiʼi əkwoʼtə a ghə kòŋə̀ ə nè mbyɨ. Ghə̀ŋ maʼa ashɨ bòghə byìʼì ando ashɨ bòghə diʼi la ghə̀ŋ gumlə əfo ə nse, a kodiʼ Nyìngòŋ.

Efisyàns 5:3

Ghə̀ŋ diʼ alə̀ diʼ viʼi Nyìngòŋ. Və ko be diʼ zhʉ̀ tèbe kənyʉ̀ kumə ə ndzɨ̀mtə̀ ə ki kò ndzɨ̀mtə̀ ə lʉmə nə̀ ashɨ a bàŋ ghə nə̀ nyʉ̀ ə kəfwaʼlə ə tsenəvə a ghə̀ŋ a ntìntìn. Nki nyʉ̀ a venə, və ko diʼ ə zhʉ a ghə̀ŋ a ntìntìn.

Lumans 7:13

A lə diʼ la kəfòkə ə jùŋ kə alə̀ ə boŋsə nè la mà pfʉ mu? Kə ko diʼ ali no fa mpfen! A ə̀ vi nə̀ mbyɨ vi nə̀ əpfʉ̀ a mò. Mbyɨ ne chò fa kəfo kə jùŋ kə, ə vi nə̀ əpfʉ̀ a mò. Kə ə fʉ̀ alə ndiʼ kənàʼ kə mbyɨ kə bayn. Əsoʼ ə diʼ kəfo kì a kə gyàmtə̀ ə diʼ ə làynsə la mbyɨ ə fwàynsə no mwèʼmwèʼ.

Lumans 7:11

Mbyɨ lobtə mo chò fa a nyʉ̀ yi a əsoʼ chuŋsə mo mu zhwi mo.

Lumans 7:5

A ə ndiʼ ando vəghəŋ bo tsi a ji yi a njòsə əwenə vəghəŋ sə ə kəŋ fa tsù, Əsoʼ ə tenə vəghəŋ la və nè mbyɨ, ghə̀ vi to nə̀ əpfʉ̀.

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

Lumans 4:1

Vəghəŋ zizi və gàʼ la gho luwen byìʼì Ablaham ə tìʼ vəghəŋ a?

Shwèʼ 20:33

Mà nko tɨmə̀ shɨ̀m ko wìʼ kò ndisə wen.

Ŋwàʼlə̀ Luk 12:15

Ghə̀ bè dyʉ̀ a mbì əgàʼ à nòyn ayi la, “Ghə̀ŋ ə ntùʼmə̀ kumə kənbàŋbàŋ byiʼ ando ntsìnə̀ ko diʼ tò byìʼì fo ghoʼvə vyi a ghə̀ kiʼi, kòŋ ghə̀ nkiʼi ghoʼ no tə ale.”

Matìyò 5:28

Ma sə gàʼà à ghə̀ŋ luwen la no ndò a ghə̀ ki wi wìʼ shə̀mtə dìʼ mu ghə̀ tsili nəwen à wen a kwòʼtə̀.

Ŋwàʼlə̀ Luk 20:16

Ghə̀ à vì ə zhwilə viʼi a vyi no vətsèm ə lyɨ̀ sɨm ayì ə ku a viʼi kədyàŋ.” Yesò ne myètə̀ ngàyn a ghèn, viʼi vyì zhʉtə alə̀ ə gàʼ la kə Nyìngòŋ lə̀ byɨmə wìʼ ne nki kənyʉ̀ kènkə a viʼi shyèʼ sɨm a vyì nlù mwòm lə̀.

Lumans 5:20

Nyìngòŋ ə nku Əsoʼ ndi və yenə mwetə kədyòʼ kə mbyɨ, ali mbyɨ sə ghoʼ, ətyɨm ə jùŋə Nyìngòŋ ə be ghoʼ dyʉ̀ to ambì.

Hibùlù 7:19

Əsoʼ ə Mosìs nko kiʼi tebè kədyòʼ ə nè la wìʼ diʼ wù kənyʉ̀ kətɨməkə ashɨ Nyìngòŋ. Alì luwen, kənyʉ̀ kə kədyàŋ a və kɨ kə kuʼmə chò əsoʼ, a kə diʼi ji la vəghəŋ nkwèntə boʼsə dyʉ̀ a Nyìngòŋ.