Lumans 4:18 - The New Testament in the Babanki language

¹⁸ Ablaham ə byɨmə li Nyìngòŋ ə sə ti to akwi əbyɨmə ə wen no tèbe ando kə ə kəʼə a viʼi la kənyʉ̀ kì a ghə̀ nki dyʉ̀ sə nə̀ kəwenkə ko lù kwʉʼ. Ghə̀ ə ti to akwi əbyɨmə ə wen ə lu sə diʼ tìʼ a viʼi təloʼ no a kədə̀ŋ to ndə̀ŋndəŋ ando və ghʉ̀ a wen ə gàʼ la, “Viʼi ngwaʼa ə ngə̀ŋ ə wù lu ə diʼ to kədə̀ŋ.”

Lumans 4:18 Referans Kwoze

Lumans 8:24

Nyìngòŋ ə bwoŋsə vəghəŋ, vəghəŋ sə ki dyʉ̀ sə to nə̀ kətsi kì a vəghəŋ lù fʉ̀ mwetə fa ngəʼ sèn. Wìʼ sətsen kiʼi kəfo a kəvu, ko ghə̀ be a ki dyʉ̀ sə nə̀ kəwenkə. A diʼ ndo fa vəghəŋ a ntìntìn a ghə̀ zizi a ghə̀ ə gàʼa la ghə̀ nki dyʉ̀sə nə̀ kəfo kə mu kə sə diʼ a kəvu a?

Lumans 5:5

Vəghəŋ zizi ko və lu ə gho kəfo na kènkə a və ki dyʉ̀sə̀ nə̀ kəwenkə lə byìʼì ando Nyìngòŋ ə kù li Kəzhwì kə Ŋwoʼkə, kə sə diʼi kòŋ ə wen a vəghəŋ.

Shwèʼ 27:25

Ma mu sə gàʼà à ghə̀ŋ ə vəlèmə̀ vwomə la, ghə̀ŋ ghaʼ tətyɨm təŋtə byìʼàndo mà byɨmə à Nyìngòŋ, kɨ la no tè ghò nè chò ando və gàʼà à mò.

Lumans 4:17

Kə diʼ to ndə̀ŋndəŋ ando və nyòʼo a Ŋwàʼlə̀ Nyìngòŋ a kəshi yi a ghə̀ ə gaʼa tsu a Ablaham la, “Ma wʉ̀ li wù a tìʼ a təloʼ to kədə̀ŋ.” Nyìngòŋ yi a Ablaham ə mbyɨmə ə wʉ̀ li wen a tìʼ a vəghəŋ. Ghə̀ nè li la viʼi və pfʉkəvə bwensə ə ntsi. Ghə̀ ə gaʼa to nə̀ əchʉ̀ la fo ndiʼ, və sə diʼ ko andiʼ la və ndiʼ.

Ŋwàʼlə̀ Luk 1:18

Zakaliya mù bèm a ntsɨŋ Bobo yi la “Wu ne nè no gho la mà kɨ la kənyʉ̀ a ken diʼ nəmwèʼè a?” Yo wì ghom diʼ mù yes dwinəli no na to.

Lumans 4:19

Ghə̀ ko bwaʼ fa wen a byɨmə no tèbe ando ghə̀ nsə diʼ mu ghə dwinəli ə̀ sə kuʼu dyʉ̀ ngʉ̀ʼ əghɨ, ko andiʼ la ghə̀ kiʼi kədyòʼ, ko wi wen Sela bwi li.

Hibùlù 6:19

Kəfo kì a vəghəŋ ə ki dyʉ̀sə nə̀ kəwenkə nə̀ ne la vəghəŋ ə nti bvɨtə, be tuʼtə, ne la vəghəŋ ə ntinə chò kəbàs kə ndisə kì a kə ghəsə ngə̀ŋ Nyìngòŋ, kwen zàʼa akəshi kə ŋwoʼkə yi a Nyìngòŋ ə diʼ tsu.