Lumans 2:6 - The New Testament in the Babanki language

⁶ Ghə̀ lu ku əmoʼtə əshwèʼè no ndò a wen.

Lumans 2:6 Referans Kwoze

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

Matìyò 16:27

Mà gàʼ alə̀ byìʼàndo Wàyn Wìʼ sə̀ laʼtə bwènə̀ vì a tì baynə ghoʼ ghə̀ tìʼ wen wenə ntsɨ̀ŋsə wen ndi ku no moʼtə ndo ando ghə̀ tə nshwèʼè.

Kəmwetə 22:12

Yesò gàʼ la, “Ghə̀ŋ zhʉtə, ma vi to luwen nə̀ əmoʼtə a ghə̀ŋ, diʼ ə ku no tèbè a ndò to ndə̀ŋndəŋ ndo ghə̀ tə nə̀ shyèʼ.

Kəmwetə 20:12

A zhʉ a yi ma mu yen viʼi a və mpfʉ̀kəli, viʼi a ndiʼ ngesə̀ viʼi nə̀ vi a nko diʼ ngesə̀ viʼi ando vəwenə nti a shɨ kəfwoyn. Və nboʼli vəŋwàʼlə̀, ə be jisə boʼ ŋwàʼlə̀ tsen a ndiʼ ŋwàʼlə̀ bwòŋ. Və nsoʼli viʼi a və npfʉ̀ kə li a nyʉ a vəwenə ə ne ando və nyoʼo a ti vəŋwàʼlə̀ a vi.

1 Kolìntyàns 3:8

Wìʼ yi a ghə̀ we nə̀ wìʼ yi a ghə̀ chi diʼ to ndə̀ŋndəŋ, no ando diʼ lù kiʼi əmòʼtə wen ando ghə̀ tə nshwèʼè.

Kəmwetə 2:23

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

Lumans 14:22

Wù byɨmə no tebe la ghò kumə nyʉ̀ a venə, wù moʼtə, a kɨ to vye Nyìngòŋ. Ə jùŋ ne diʼ a wìʼ yi a ghə̀ nè kənyʉ̀, ko ghə̀ lu kwoʼtə kwoʼtə.

2 Kolìntyàns 11:15

Kə le diʼi la ghə̀ŋ ko diʼ ndiʼ nə̀ əkaynə ə la viʼi shyèʼ ə Satan ə bɨ̀lə̀ diʼi təwen tə vəwenə la vəwenə diʼ tò no viʼi shyèʼ və juŋəvə Nyìngòŋ. Ngəʼ yì a Nyìngòŋ ə lu ku a vəwenə a kəmwètə lu kwʉ̀ʼ a vəwenə a shyèʼè a ghèn.

2 Timotì 4:14

Alèksandà a ghə̀ tì kəlàm tə mwòm kənyʉ̀ à mò wen kə fànsə̀ no nànto. A ne loʼ to Bobo loʼ wen byìʼì kənyʉ̀ a kì.