Lumans 2:5 - The New Testament in the Babanki language

⁵ Wù boŋsə ne la tin nə̀ Nyìngòŋ ə fwi dyʉ̀ to ambì byìʼàndo wù to li kətʉ̀ ko wù lù kòŋ ə kwitə. Nyìngòŋ ə lu diʼ la ghə̀ fwisə li tin a wù a kətsi kə nsòʼ ə wen ə soʼ wù to fəchìʼ.

Lumans 2:5 Referans Kwoze

Lumans 1:18

Nyìngòŋ ə diʼi li tin ə fwi ə wen a viʼi vyi a və tsi a nse ashə̀, ko və kɨ wen, ne dyʉ̀ to nə̀ mbyɨ, mbyɨ na ghèn ə tamə la kə viʼi ə nkɨ kənyʉ̀ ki a kə diʼi nəmwèʼè kumə Nyìngòŋ.

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.

2 Bità 3:7

To byìʼì ə gaʼa Nyìngòŋ na ghenə əkaŋə yì a ghə̀ diʼi luwen nə̀ nse diʼ ghə̀ byətə byətə ndiʼ əzhʉ̀ lù kwʉʼ ghə̀ byɨbsə nə̀ zhiʼi. Ndiʼ zhʉ̀ lù kwʉʼ ghə̀ soʼo byɨbsə viʼi vyi a və ko zhʉtə tebè fa wen.

Hibùlù 3:15

Kə diʼ to ando və nyoʼ a Ŋwàʼlə̀ Nyìngòŋ la: “Ghə̀ŋ zhʉ gɨ Nyìngòŋ layn, kə ghə̀ŋ to kətʉ ando vətiʼi vəŋə nto kətʉ ando vəwenə ndiʼ a nse zɨm.”

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.

Hibùlù 4:7

Nyìngòŋ ə mu ghʉ̀ ə kwʉ̀ʼsə kətsi kə tsenkə lù lyɨ̀ viʼi akəshi kə zhʉ̀təkə ə wen, toŋtə kətsi na kì la, “Layn.” A ndiʼ ando Nyìngòŋ ə gàʼ a vunə Islel, no fa kəgaf kə ə dyèfə kə, ghə̀ ə be gàʼ ə chò fa Devìt, to ndə̀ŋndəŋ ando ghə̀ŋ sə diʼ mù ghə̀ŋ zhʉ li la: “Ghə̀ŋ zhʉ gɨ Nyìngòŋ layn, kə ghə̀ŋ a to kətʉ̀.”

Hibùlù 3:13

Ghə̀ŋ boŋsə gyamtə tyɨftə təwenə tyəŋtə to mətsi ə tsèm ə zàʼa ando Nyìngòŋ ə bo gaʼa a ghə̀ŋ, ndi kə mbyɨ na lobtə ghə̀ŋ ə ne la ghə̀ŋ to kətʉ.

Lumans 9:22

Kə lə diʼ ndə̀ŋndəŋ ando Nyìngòŋ ə nè. Ghə̀ kòŋ li ə diʼ la ghə̀ fwisə tin ə be kòŋ ə diʼ kədyòʼ kì a ghə̀ kiʼi a viʼi. A lə kənyʉ̀ ki a ghə̀ wensə to wensə ko ghə̀ lù kù ngəʼ a viʼi vi a ghə̀ ə fwisə tin a vəwenə, vəwenə kwʉ̀ʼʉ̀ to la ghə̀ byɨbsə vəwenə.

Kəmwetə 6:17

Kə diʼ a lə̀ byìʼe kətsi kə ghoʼkə vəwenə diʼ tin ə fwi ə̀ vəwenə vi li a no wìʼ muʼ ko zì ghə̀ nyɨŋ.”

Jems 5:3

Kəmbàŋ kə lu ghaʼ ə̀fo gol bènə̀ ə̀fo silva ə̀ ghə̀ŋ. Kəmbàŋ akènkə lu bòʼtə nàʼà vəŋə be pfiʼ kətsoʼ kə wèn ə̀ ghə̀ŋ tò nə̀ zhiʼ. Ghə̀ŋ ə ghʉ li ghoʼ a mətsì mə̀ kəmwetə alì ghə̀ lu vì nə̀ ngəʼ à ghə̀ŋ.

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

2 Kolìntyàns 5:10

Kə diʼ alə̀ byìʼì ando no vəghəŋ vətsèm lu tɨmə ashɨ ə Yesò ə ghə̀ soʼ vəghəŋ. Ghə̀ lu loʼ no ndò to nyʉ̀ yi a ghə̀ tə nè a nse, kò à tə ndiʼ nyʉ̀ ə byɨvə, kò à tə ndiʼ ə jùŋə və.

2 Tèsàlonyà 1:5

Əwensə ə ghəŋə ə diʼi to ndayn la Nyìngòŋ ə nə̀ soʼo viʼi to ji tɨmə, diʼ ə nè la ghə̀ŋ ə kwʉ̀ʼ li ə ndiʼ akəshi kə əfòynə ə Nyìngòŋ yi a ghə̀ŋ nyenə ngəʼ byìʼì kəwenkə.

Kəmwetə 2:21

Mà tə kù əzhʉ à wen la ghə̀ kwitə tyɨm ə wen ə̀ ghʉ̀sə mbyɨsə wensə, alì ghə̀ ko kòŋ əghʉsə ntsìnə̀ dzɨ̀mtə̀ lʉmə.