Lumans 16:25 - The New Testament in the Babanki language

²⁵ Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

Lumans 16:25 Referans Kwoze

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

Lumans 2:16

Kətsi kə lu vi ə Nyìngòŋ gàʼ Yesò Klistò soʼ nyʉ̀ ə lyomtəvə no ə tsèm a və diʼi a viʼi a təkwòʼtə̀ to ndə̀ŋndəŋ ando və nyòʼ li a ntɨm ə jùŋ yi a ma shə̀ʼtə̀.

Efisyàns 1:9

Nyìngòŋ ə nè li la vəghəŋ kɨ nyʉ̀ mu ghə̀ baʼtə̀, a sə kɨ to wen. Ghə̀ mbaʼtə nyʉ̀ a venə la və fʉ̀ chò fa a Yesò, mu à nkòŋ to wen la kə ə̀ ndiʼ a ji a ghèn.

2 Tèsàlonyà 2:14

Nyìngòŋ ə ndzàŋ li ghə̀ŋ chò fa a ntɨm ə jùŋ yi a yès ə shə̀ʼtə̀ a ghə̀ŋ ndi ghə̀ŋ vi ə boŋ kiʼ əghoʼ yì a Bobo vəghəŋ Yesò Klistò ə kiʼ.

2 Kolìntyàns 4:3

Kə le yi ndiʼ tèbe la kəfo kə sətsèn be chiʼtə no tèbe ətof wìʼ la kə ghə̀ zhʉ̀ kɨ ntɨm ə jùŋ yì a yès ə shə̀ʼtə̀, à ne diʼ tò wìʼ a ghə̀ le le.

Efisyàns 3:9

be shə̀ʼtə̀ diʼ laynsə ji yì a shwèʼ ə kaynə ghə̀ Nyìngòŋ a ghenə nə̀ jèʼe fa tsù a no ndò. Nyìngòŋ yi a ghə̀ shɨtə əfo ə tsèm ə nko ndiʼi a no wìʼ fa viʼi ambì.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Timotì 2:8

Kwòʼtə̀ Yesò Klistò. Ghə̀ nfʉ̀ fa ngwaʼ ə ngə̀ŋ ə̀ Devìt. Nyìngòŋ ə lusə li wen fa ə pfʉ, a diʼ ntɨm ə jùŋ yi a ma shə̀ʼtə̀.

2 Tèsàlonyà 3:3

Alì Nyìngòŋ ə gàʼa tèbe la ghò, ghə̀ nè to ali. Ghə̀ na nè tətyɨm ə təŋtə ə to ə bwoŋsə ghə̀ŋ fa kəvu ə Deblə̀.

Efisyàns 6:19

Ghə̀ŋ ə njɨ̀mə̀ a mò la Nyìngòŋ əku kənyʉ̀ ə ma shə̀ʼtə̀ a zhʉ a ma kəŋ ə gaʼa, ma kɨ kənyʉ̀ ki a ma zi mà gàʼ, la ma sə shə̀ʼtə̀ ntɨm ə jùŋ yi a viʼi ko kɨ ma nshə̀ʼtə̀ ko ma fwàynə̀ kəfo.

Gàlesìyà 2:2

Ma nkuʼ tsu byìʼì ando Nyìngòŋ ə diʼi a mò la ma diʼ ə kuʼ. A ndiʼ to ando ma diʼi tsu, ma nyoʼtə gàʼ to fa abàm fa abàm yo viʼi vyi a və ndiʼ tʉtʉ ntsèntə̀sə viʼi vəbyɨməvə a Jelusalèm, ə shətə shə̀ʼtə̀ ntɨm ə jùŋ yì a ma ə nshə̀ʼtə̀ a viʼi a nko diʼ viʼi Jus. Ma ə nshə̀ʼtə̀ ali ndiʼ shyèʼ yì a ma ne luwen nə̀ yi a mà tə nè, kə ghə̀ lə lè to kədyàŋ.

2 Kolìntyàns 4:5

Ghə̀ŋ ə kɨ la, yès zhʉsə nshə̀ʼtə̀ ntɨm ə jùŋ a ghèn, ko yès nə nshə̀ʼtə̀ kumə təwen tyetə. Yès ə shə̀ʼtə̀ to la Yesò Klistò diʼ Bobo, yès ə be ku wenə yèsə a viʼi shyèʼ a ghə̀ŋ byìʼì wen.

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

Shwèʼ 20:32

A nə̀ luwèn mà ku li ghə̀ŋ a kəvu Nyìngòŋ nə̀ Ntɨm jùŋ byìʼì boŋə tyɨmə wen, a ghə̀ kiʼì à viʼi a ntùʼmə̀ nə̀ ghə̀ŋ. Nyìngòŋ a ngyàmtə̀ ghə̀ŋ, bwaʼsə̀ ghə̀ŋ nə̀ fo jùŋvə vi a ghə̀ ghʉ̀ tò à viʼi wen no vətsèm.

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Matìyò 13:35

Ghə̀ ə̀ nè alə̀ ndi nè la nyʉ̀ vyi a Nyìngòŋ ngaʼà chò fà nshə̀ʼtə̀ ghoʼo ndiʼ nəmwèʼè la, “Mà lu ngàʼà à vəwenə a ngàynsə. Mà lu nshə̀ʼtə̀ nyʉ̀ à vəwenə a wìʼ nko ntɨmə̀ kɨ no fa tʉʼ a və nshɨtə mbi.”

Matìyò 13:17

Mà gàʼà à ghə̀ŋ nəmwèʼè la nshə̀ʼtə̀sə sə ghoʼkəsə bènə̀ viʼi nyʉ̀ tɨməvə diʼ no vəghoʼo a və nlu li sə kòŋ əyen nyʉ̀ vyi a ghə̀ŋ yenə be kòŋ əzhʉ nyʉ̀ vyi a ghə̀ŋ zhʉ alì kò vəwenə lù yen ko zhʉ.”

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

2 Timotì 1:9

Nyìngòŋ ə mbwòŋsə̀ li vəghəŋ ə ne la vəghəŋ ə ndìʼ viʼi wen. Ghə̀ nko ne alə byìʼì ando vəghəŋ ə nè kənyʉ̀ kə jùŋ kə kətsenkə à wen. Ghə̀ ne a lì tò fa wen a ngeŋ byìʼì ətyɨm ə jùŋə̀ ghə̀. Ghə̀ ghʉ̀ kənyʉ̀ a kenkə mimbu no mbyi sə zìtə̀, la ghə̀ lu ne ənyʉ̀ a venə əcho fa Yesò Klistò ə diʼ ətyɨm ə jùŋ ghə̀ ə̀ wen.

Efisyàns 3:11

Nyìngòŋ ə nè ali to ndə̀ŋndəŋ ando ghə̀ mbaʼtə li əghʉ la kə fʉ̀ ali ə chò fa Bobo vəghəŋ Yesò Klistò mibu ghə̀ shɨtə mbyi.

1 Kolìntyàns 4:1

Viʼi ə diʼ ə̀ nlyɨ̀ mo Bol wenə Abolòs to nə̀ viʼi ə shyèʼ ə Yesò vyi a və ku li nyʉ̀ ə lyomtəvə vyi a və kùmə̀ Nyìngòŋ a vəwenə kəvu.

Lumans 14:4

Wù diʼ no ndò ə nsoʼo wù ə shwèʼè ə wù ə kədyàŋ a? A diʼ to tì shyèʼ ə wen ə kɨ la ghə̀ ne a nkàyn mu ghə̀ ko ne a nkayn lo, ali mu ghə̀ zizi ko ghə̀ lu fəŋ byìʼì ando Bobo kiʼi kədyòʼ a tomsə ə wen.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

Lumans 16:24

(“Bobo vəghəŋ Yesò Klistò ə diʼi ətyɨm ə jùŋə a ghə̀ŋ no vətsèm. Amèyn.”)

Kòlòsyàns 2:2

Ma ne alə̀ ndi vəwenə kiʼ tətyɨm tə totə, ndiʼ to kənyʉ̀ kə mùʼ, kòŋ tə wen tyəŋtə. Ma kəŋ la ghə̀ŋ shɨtə kɨ nyʉ̀ vyi a Nyìngòŋ ə lyomtə ndi ghə̀ŋ tuʼ tə ghaʼ nyʉ̀ na venə ə kiʼ əbwaʼmə ə ghoʼo. Ənyʉ̀ na venə a Nyìngòŋ ə nlyomtə sə diʼ luwen mu ghə̀ diʼi li làynsə a vəghəŋ a diʼ Klistò.

Kòlòsyàns 4:3

Ghə̀ŋ be njɨ̀mə̀ a yes la, Nyìngòŋ ə nè yes kɨ jisə ə shə̀ʼtə̀ ntɨm ə jùŋ kumə ənyʉ̀ ə tò və vi a Nyìngòŋ ə diʼi làynsə a yes kumə Yesò. Ma diʼ a ngə̀ŋ nfɨŋ byìʼì ntɨm ə jùŋ na ghèn a ma shə̀ʼtə̀ lə.

Kəmwetə 10:7

byìʼì a ne ndiʼ a mətsi a yì a ntsɨ̀ŋ ngə̀ŋ ə̀ Nyìngòŋ kəmwetə fa tì ntsɨ̀ŋsə shì sòmbo ə toŋ əsoŋ wen ə Nyìngòŋ ne kənyʉ̀ kə lyomtəkə wen kì a ghə̀ ə̀ nghʉ ando ghə̀ ə̀ nshə̀ʼtə̀ à viʼi ə shyèʼ ə wen a ə̀ ndìʼ nshə̀ʼtə̀sə sə̀ghoʼkəsə.

Matìyò 20:7

Vəwenə gàʼ la,“A dìʼ byìʼàndo wìʼ ko yì lyɨ̀ yès a shwèʼ. Ghə̀ gàʼ à vəwenə la vəwenə fʉ shwèʼ a wen ə sɨm yì.”