Lumans 13:9 - The New Testament in the Babanki language

⁹ Təsoʼ tentə lə la, “kə wù lù tsì nə̀ wì wìʼ kò nə̀ lɨmə wìʼ, kə wù lù zhwi, kə wù lù tsoŋ, kə ashɨ à wu a baŋə a fo ə viʼi.” Təsoʼ a tentə no tə tsèm ə tsèntə fʉ̀ to fa ntsìnə̀ ghèn la, “Kòŋ lèmə̀ wù to ndə̀ŋndəŋ ando wù kòŋ wenə wu.”

Lumans 13:9 Referans Kwoze

Matìyò 22:39

Kənkùmtə̀ ki kə diʼ la, Wù kòŋ lèmə̀ wu tò ndə̀ŋndəŋ ando wù kòŋə̀ wen wu.

Ŋwàʼlə̀ Luk 10:27

Wìʼ ayì bwènsə̀ la “Wù diʼi kòŋ Bobo Nyìngòŋ wù nə̀ tyɨmə wu no tsèm, nə̀ kəzhwì kyè no kə tsèm, nə̀ kədyòʼ kyè no kə tsèm nə̀ kwòʼtə̀ wu no tsèm, bè kòŋə lèmə̀ wù tò ndə̀ŋndəŋ ando wù kòŋə̀ wenə wu.”

Ŋwàʼlə̀ Mak 12:31

Kənkùmtə̀ kə soʼ toghə ghenə diʼ la, ‘Wù diʼ kòŋ lèmə̀ wù tò ndə̀ŋndəŋ ando wu kòŋə̀ wen ə wu.’ Soʼ tsenghə ko bè diʼ a ghə̀ chò tèntə təbò lə̀.”

Gàlesìyà 5:13

Vəlemə vwomə a byɨmə, Nyìngòŋ ntsuʼtə li ghə̀ŋ la kə ghə̀ŋ be andiʼ əkòs a əsoʼ ali, kə ghə̀ŋ ghʉ la ando ghə̀ŋ sə diʼ fa ngə̀ŋ la ghə̀ŋ zizi ghə̀ŋ ə nkwetə tèbe ghò yi a ghə̀ fwomə a ghə̀ŋ njòsə wen, ghə̀ŋ sə ne to ne. Ghə̀ŋ ə boŋsə kòŋ təwenə təŋtə. Ə kòŋ a yi ne ghə̀ŋ shyèʼè a vəlemə vəŋə vətsenvə.

Ŋwàʼlə̀ Luk 18:20

Wù kɨ təsoʼ tèntə a tə gàʼà la, ‘Kə wìʼ à tsi nə̀ wì wìʼ ko wenə lɨm wìʼ, kə wìʼ à zhwi wìʼ, kə wìʼ a tsoŋ, kə wìʼ à tɨmə a bàm wìʼ a ghə̀ zhò ndzɨ̀ŋsə byìʼì wutsen, ngumlə̀ tìʼ wù nə̀ lì wù.’”

Ŋwàʼlə̀ Mak 10:19

Wù kɨ təsoʼ tèntə a tə gàʼà la, “Kə wìʼ à zhwi, kə wìʼ à tsi nə̀ wì wìʼ ko wenə lɨm wìʼ, kə wìʼ à tsoŋ, kə wìʼ à zhò ndzɨ̀ŋsə, kə wìʼ à tɨmə a bàm wìʼ a ghə̀ zhò ndɨ̀ŋ, kə wìʼ à zhɨ wutsen a tof, ngumlə̀ tìʼ wù bènə̀ lì wù.”