Lumans 13:7 - The New Testament in the Babanki language

⁷ Wìʼ ə diʼ ə lòʼ kəfo no tèbe a ndo fa ntìntìn ə viʼi a venə, a ghə̀ diʼ lòʼ. A diʼ kensè kə wòŋ, ghə̀ lòʼ, a ndiʼ no tèbe ghə̀ kətʉ wen, ghə̀ lòʼ, a ndiʼ tèbe gumlə, ghə̀ ə shɨtə gumlə vəwenə, a ndiʼ əkuʼsə ə ku a vəwenə, ghə̀ ə ku.

Lumans 13:7 Referans Kwoze

Ŋwàʼlə̀ Luk 20:25

Yesò mù gàʼ la, “Kə ndiʼ alì, ghə̀ŋ nku fo fòyn tò à fòyn bè ku fo Nyìngòŋ tò à Nyìngòŋ.”

Matìyò 17:25

Ghə̀ byɨmə ə̀ gàʼ la ghə̀ mòʼò. Bità nè kwèn a ngə̀ŋ, Yesò zìtə̀ ə gàʼ a mbì bèmə̀ à wen la, “Wù kwòʼtə̀ la ghò a Simon, la təfòyn tə mbi tə nshi ko kənsè fà viʼi vəwenə mu fà viʼi və vi və lo?”

1 Timotì 5:17

Və diʼ ə ngumlə̀ bè loʼo zomtə vəchəʼ vi a və shɨtə ne shwèʼ ə vəwenə, bè shɨtə loʼo zomtə əvi a və shə̀ʼtə̀ ntɨm ə jùŋ be ziʼi viʼi,

Matìyò 22:21

Vəwenə gàʼ la, “A dìʼ kəʼə Kaysa nə̀ zhiʼi wen tsu.” Yesò mù gàʼ à vəwenə la,“Kə ndiʼ a lì ghə̀ŋ kù fo Kaysa a Kaysa, bè kù fo Nyìngòŋ à Nyìngòŋ.”

Efisyàns 6:5

Əkòs, ghə̀ŋ ə̀ zhʉ to fa vətiʼ və əshwèʼ ə ghə̀ŋ, shɨtə gumlə vəwenə to nə̀ tətyɨm təŋtə tə tsèm. Ghə̀ŋ ə̀ shwèʼè to sə ghə̀ŋ shwèʼè a Klistò.

1 Bità 3:7

Nkàyntə̀ ghə̀ŋ a lʉmə be diʼ ntsi ətsìnə̀sə jùŋsə a ki ə vəŋə, kɨ la vəwenə bwaʼa chò ghə̀ŋ. Kə le diʼi la ghə̀ŋ diʼ ə tuʼmə nə̀ vəwenə byìʼì ando Nyìngòŋ ə lu tsèntə ku ə ntsìnə̀ yì a ghə̀ ko lu mè to a ghə̀ŋ və tsèm. Ghə̀ŋ ə tsi to alə ndiʼ ghə̀ŋ ne sə əzhʉsə jɨ̀m, ko to kənyʉ̀ kə a taʼsə əjɨ̀m ə ghəŋə.

1 Timotì 6:1

Viʼi vi a və shyèʼ to nə̀ əkòs ə diʼ ə ngumlə̀ vətìʼ və shyèʼ ə̀ vəwenə ndi kə viʼi a ngàʼà ənyʉ̀ ə byɨvə byìʼì zhiʼ ə Nyìngòŋ, kò byìʼì ənyʉ̀ vyi a vəghəŋ ə ziʼi.

Efisyàns 5:33

Luwen le no wulɨm ko kòŋ wi wen ndə̀ŋndəŋ ando ghə̀ kòŋ wèn ə wen. No wùwì ko be gumlə lɨmə wen.

Ŋwàʼlə̀ Luk 23:2

mù zìtə̀ sə̀ zuʼu nyʉ̀ a wen a wèn gaʼa la “Yes tə̀ ghaʼ wìʼ ghèn ghə̀ dìʼsə̀ jì byɨ a viʼi vəghəŋ, tensə la kə vəwenə a loʼ kənsè a fòyn ghoʼo a Lum. Ghə̀ be gaʼà la ghə̀ diʼ Klistò a diʼ fòyn tsen.”

Ŋwàʼlə̀ Mak 12:17

Yesò mù gàʼ à vəwenə la, “Kə ndiʼ a lì, ghə̀ŋ nku fo fòn tò à fòn, ku fo Nyìngòŋ tò à Nyìngòŋ.” Gaʼa wen ghenə nè təchʉ̀ tə vəwenə tə zɨm.

1 Timotì 5:13

Vəwenə ə jèʼè loʼsə, kwenə tò ngə̀ŋ a ngə̀ŋ, moʼo kùwòŋ, kwenə chò a nyʉ̀ nə̀ viʼi bè gàʼà ənyʉ̀, a ko diʼ kəshi kə vəwenə ə və gaʼa.

Ŋwàʼlə̀ Luk 20:22

Soʼo lè byɨmə la yès lòʼ kənsè à fòyn ghoʼo a Luma mu ghə̀ ko byɨmə à?”

Lumans 12:10

Ghə̀ŋ ne kòŋ təwen ə təŋtə to nə̀ vəlemə, be nyʉ̀ʼ məzhʉ̀ ə tsèm, gumlə təwen ə təŋtə.

Lumans 13:6

A lə kənyʉ̀ kì a ghə̀ŋ diʼ ə lòʼo kensè byìʼì ando viʼi a və soʼo diʼ mu vəwenə ku li təwen tə vəwenə ə nè shyèʼ a ghenə a Nyìngòŋ.