Lumans 12:3 - The New Testament in the Babanki language

³ Nyìngòŋ ə kiʼi li ətyɨm ə jùŋə ghə̀ a mò ə ku shyèʼ ə wen la mà ə nè, ma sətsèn ə gàʼ a ghə̀ŋ no və tsèm la, kə ghə̀ŋ ə̀ lyɨ təwen ə təŋtə shəʼmə a nsəʼ, a ghə̀ŋ ko zàʼa tebè tsu. Ghə̀ŋ shiʼsə tə kwoʼtə ə təŋtə ə lyɨ̀ təwen ə təŋtə to ando ghə̀ŋ diʼi. Ghə̀ŋ ə ki təwen ə təŋtə chò fa əbyɨmə yi a ghə̀ ku li a ghə̀ŋ.

Lumans 12:3 Referans Kwoze

Gàlesìyà 6:3

No ndò a ghə̀ sətsen kwoʼtə la ghə̀ diʼ kəfo, ali ko ghə̀ diʼ kəwenkə, mu ghə̀ lobtə to wen ə wen.

1 Bità 5:5

Mbvòʼò ə wìʼ, ghə̀ŋ ə be zhʉ to fa vəchəʼ və ngə̀ŋ Nyìngòŋ. Ghə̀ŋ nò vətsèm mòʼ gumlə a ghə̀ŋ wèn a nə̀ ndisə ə gumlə təwen ə təŋtə. Ghə̀ŋ kɨli la Nyìngòŋ ə baynə viʼi vyi a və ghaŋsə əwen, ali tùʼmə̀ nə̀ viʼi a və shiʼsə təwen tə vəwenə.

Lumans 12:16

Ghə̀ŋ ə ntsi to a kənyʉ̀ kə mùʼ. Kə ghə̀ŋ a ghaŋsə əwen. Ghə̀ŋ boŋsə tsèntə vye və viʼi a və bwaʼa. Kə ghə̀ŋ a wʉ̀ la ghə̀ŋ kɨli nyʉ̀ ə tsèm.

1 Bità 5:8

Ghə̀ŋ ə nyʉ̀ʼ bvɨtə be ghaʼ təwen ətəŋtə byìʼì ando wù kəbàyn ghə̀ŋ a diʼ Deblə̀ nyoʼo kaʼa to nə̀ nyàm ə kəbo, bufə, kəŋ wìʼ ə mì.

1 Bità 4:7

Ghə̀ŋ ə shɨtə ghaʼa təwen ətəŋtə be bvɨtə ə njɨ̀mə̀ byìʼì ando kəmwetəkə mbi kə boʼsə li.

Jems 4:6

Alì boŋə tyɨm ə̀ wen à vəghəŋ ə kwi dyʉ̀ tò nə̀ mbì. Ŋwàʼlə̀ Nyìngòŋ ə mu sə gàʼà la, “Nyìngòŋ ə ko kòŋ viʼi a və kuʼsə̀ təwen tə vəwenə, alì kiʼ boŋə tyɨmə à viʼi a və shiʼsə̀ təwen tə vəwenə.”

1 Bità 4:11

Wìʼ yi a ghə̀ shə̀ʼtə̀ kənyʉ̀ kə Nyìngòŋ, ghə̀ nshə̀ʼtə̀ to no kənyʉ̀ ki a kə lù fa Nyìngòŋ. Wìʼ yi a diʼ wù ə shwèʼè, ghə̀ ə shyèʼ to no nə̀ kədyòʼ kì a Nyìngòŋ ə kù li a wen. Ghə̀ŋ ə nè to alə ndiʼ viʼi ə kuʼsə Nyìngòŋ chò fa a Yesò Klistò. Ghə̀ kiʼi kùʼsə nə̀ kədyoʼkə to məzhʉ̀ ə tsèm. Amèyn.

1 Kolìntyàns 7:17

Kə lə diʼ la no ndò ə̀ diʼ ə ə̀ tsi to a ji yi a Bobo ghʉ̀ la ghə̀ ə ntsi, be tsi to ando ghə̀ ntsì a tʉʼ a Nyìngòŋ ə dzàŋ wen. A lə kənyʉ̀ ki a ma ziʼi a loʼ Nyìngòŋ no a tsèm.

Taytùs 2:12

Adìʼ əbòŋə tyɨm ə̀ Nyìngòŋ aghenə a ghə̀ dìʼsə̀ vəghəŋ la vəghəŋ ghʉsə ntsìnə̀ yì a Nyìngòŋ ə ko kòŋ bènə̀ koŋə fo nse, ə ntsi nə̀ mbwaʼmə̀, tsi ntsìnə̀ tɨmə be tsi a ji a Nyìngòŋ ə kəŋə a mbi ashyə̀.

Taytùs 2:2

Dìʼsə lyʉmə vətovə la vəwenə nghaʼa təwen tə vəwenə, nè nyʉ̀ a ji a viʼi a ngumlə̀ vəwenə, nè nyʉ̀ nə̀ tofə. Vəwenə diʼ ghaʼ byɨmə vəwenə ghə̀ to be nkɨ ə nwensə̀.

2 Kolìntyàns 12:7

Nyìngòŋ ə ko tə kòŋ la mà nsaŋlə̀ chòsə̀ kumə nyʉ̀ ə kaynə və vyi a ghə̀ diʼi a mò, və diʼ to kədə̀ŋ. A lə kənyʉ̀ ki a ghə̀ moʼtə əkwaʼa ghə̀ kwen a mo wèn ə sə ku ngəʼ a mò no nànto. Əkwaʼa na yi ə nvi to nə̀ wù ntɨm a Satan tɨmə la ghə̀ vi nku ngəʼ a mò, la kə mà nghaŋsə əwèn.

Lumans 11:20

Kə diʼ no nəmwèʼè la və tə ə kwàʼtə̀ maʼa vəwenə, a diʼ byìʼì ando vəwenə kò byɨmə, ə wʉ̀sə ghə̀ŋ, a diʼ byìʼì ando ghə̀ŋ byɨmə, ali ghə̀ŋ ko diʼ ə ghaŋsə əwen. Ghə̀ŋ ə mbòŋsə̀ fwàynə̀ Nyìngòŋ,

Lumans 1:5

Nyìngòŋ ə kiʼi ətyɨm ə jùŋə a mò ə ghʉ̀ mò a wù ə ntɨm la mà njèʼè shə̀ʼtə̀ ntɨm ə jùŋ kuʼsə Yesò ndi viʼi zhʉ ə byɨmə to təloʼ tə tsèm. Ghə̀ ne alə̀ chò fa a Yesò Klistò.

1 Bità 1:13

Ghə̀ŋ baʼtə̀ li tə wen ə təŋtə, bvɨtə ə nè shyèʼ yì a Nyìngòŋ ə kəŋ. Ghə̀ŋ ə shɨtə ghaʼa təwen ə təŋtə, ghʉ̀ tə kwoʼtə təŋtə a bwaʼmə a ghèn a Nyìngòŋ ə diʼ lù ku a ghə̀ŋ a tʉʼ a Yesò Klistò lu bwenə vì.

Taytùs 2:4

ndi vəwenə ədìʼsə ki a və làm tò lamə la vəwenə nkòŋə̀ vəlɨm və vəwenə bènə̀ vunə vəwenə.

1 Kolìntyàns 15:10

Alì byìʼì ətyɨm ə jùŋə Nyìngòŋ, ma sə diʼ kəfo kì a ma diʼi kəwenkə luwen. Ətyɨm ə jùŋə na ghenə ko lè kədyàŋ. Ma boŋsə li shwèʼ no nə̀ kədyoʼkə, shwèʼ chò no ndò a ntìntìn ə̀ viʼi ntɨm no tèbe ando à ko tə nlaynsə shwèʼè mò, à tə nshwèʼè ətyɨm ə jùŋə Nyìngòŋ na yi a mò a wèn.

Joyn 3:34

Wìʼ a ghèn a Nyìngòŋ ə tɨmə lə̀, ə shə̀ʼtə̀ to kənyʉ̀ kə Nyìngòŋ byìʼì ando ghə̀ kù kəzhwì a wen, ku mwètə̀ to mwètə̀.

Efisyàns 4:16

Klistò tsentə li viʼi a kənyʉ̀ kə mùʼ ando əbàs wen ə tsèm ə diʼ a kənyʉ̀ kə mùʼ, no tèbe zhuŋ ə kò a wen ə gyamtə ə ghaʼ to əwen ə tsèm. No tèbe əshyə ə kò ne shwèʼè to ando ghə̀ diʼ ə nshwèʼè, əwèn ə tsèm ə sə kwi be shɨtə totə. Adiʼ ji a ntsèntə̀sə viʼi vəbyɨməvə diʼi ndiʼ a zhʉ a vəwenə ə kòŋmə təwentə vəwenə.

Ŋwàʼlə̀ Luk 18:11

Wù Falàsi yì mù dyʉ̀ tɨmə wen nyɨŋ ə mù sə jɨ̀mə, gàʼà la, ‘Mà ku kəzòŋ kə̀ a Nyìngòŋ byiʼ ando ma ko diʼ a nə̀ viʼi vətsen vyi a və zàŋsə shi fo viʼi tò kədyàŋ, kò diʼ a nə̀ viʼi vyi a və kwàʼtə̀ təsoʼ, ko dzɨ̀mtə̀ kyi viʼi. Ma ko diʼ a nə̀ wù tinə̀ kənsè ghèn.

Taytùs 2:6

Wù diʼ be dìʼsə mbvòʼò wìʼ to ndə̀ŋndəŋ əjì la vəwenə nghaʼa təwen tə vəwenə.

1 Timotì 2:15

Alì Nyìngòŋ lu bwòŋsə no te wùwì ko a ghə̀ bwi vunə, a zhʉ a ghə̀ nkwiʼ ətyɨm ə faŋ ə nto tò to a wen a byɨmə bè kòŋ viʼi vətsenvə bè tsi ntsìnə̀ yi a ghə̀ ko kiʼ məghàm. Ghə̀ diʼ ə ne ənyʉ̀ a venə nə̀ ətof.

1 Timotì 2:9

Mà be kəŋ la ki ə ndzènsə̀ ə lafə, kə a ndiʼ əlaf ə yi a ghə̀ zì ghə̀ nkù ngəʼ ashɨ ə viʼi. Kə vəwenə ə nyùʼù chòsə̀ ətʉ, we chòsə̀ mpfɨŋsə ko təfo tə ŋwòʼətə. Kə vəwenə ə lafsə təwen tə vəwenə nə̀ ndisə shi a əko yi ə to chòsə̀.

1 Timotì 1:14

Bobo vəghəŋ ə ndiʼ li ətyɨm ə jùŋ ghə̀ wen à mò no nànto, ə ne la mà byɨmə à wen ə bè nkiʼ ə kòŋ a ghə̀ lu fà Yesò Klistò.

Efisyàns 3:4

Ghə̀ŋ a dzàŋ nyʉ̀ a venə no zhʉ̀ko ə yenə kɨ la ma kɨli nyʉ̀ ə lyomtəvə a vyi a Nyìngòŋ ə baʼtə̀ kumə Klistò a wìʼ kò kɨ.

2 Kolìntyàns 12:13

A diʼ gho ə jùŋ a mà tə ne a ənòyn ə viʼi və byɨməvə vətsenvə ə fàŋ ke nè a ghə̀ŋ a? Kənyʉ̀ kì a mà tə faŋ ke nè a ghə̀ŋ tə ndiʼ to la ma ko tə ku ngəʼ a ghə̀ŋ. A sə diʼ kənyʉ̀ kə kəbyɨkə a mà tə ne, ghə̀ŋ lyèsə li ku a mò!

1 Kolìntyàns 3:10

Ma tə lyɨ̀ kəku kì a Nyìngòŋ ə tə kù a mò byìʼì kusə nshinsə wen ə we kəchɨ kə ngə̀ŋ a nə̀ wìʼ a ghə̀ shɨtə kɨ kəmbwom, wìʼ ə tsen ə sə ə bwòm ayi kwì. No ndò ə ntùʼmə̀ a ji yi a ghə̀ bwomə fa tsù.

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

3 Joyn 1:9

Mà tə nyòʼ ŋwàʼlə̀ à ntsèntə̀ viʼi və byɨməvə ghèn, alì Dyòlefes a ghə̀ koŋə ndiʼ kətʉ, tyen əzhʉtə kənyʉ̀ a ma gàʼà tsu.

Kòlòsyàns 2:13

A ndiʼ fa ambì, ghə̀ŋ ndiʼ mù ghə̀ŋ phɨkə li a ghə̀ŋ a mbyɨsə, be diʼ ko andiʼ la və shisə ətyɨm ə byɨghə yi a ghə̀ŋ nkiʼi. Nyìngòŋ ə nè li ghə̀ŋ və Yesò ə bwènsə̀ lù ə sə tsi. Ghə̀ lysə li ku nyʉ̀ ə byɨvə ə vəghəŋ to ə tsèm,

Kòlòsyàns 1:29

A diʼ byìʼì ənyʉ̀ a venə a ma taŋkə, shwèʼè nə̀ kədyoʼkə kì a ghə̀ kù a mo.

Efisyàns 3:2

Ma kɨli la ghə̀ŋ zhʉ̀ li ando Nyìngòŋ ə ndiʼ ətyɨm ə jùŋə a mò ə ku shwèʼ a ghenə la mà ne a ghə̀ŋ, a ghə̀ŋ njùŋ.

2 Kolìntyàns 10:13

Yès zizi ko yès ə lu nkùmə̀ kədyʉ̀ʼ kumə kənyʉ̀ a yès zizi ko yès ə lu nè. Yès ə kumə kədʉʼ to akwi kənyʉ̀ yi a Nyìngòŋ ə kù li la yès ə nè, ə shwèʼè yèsə a ghə̀ŋ a ntìntìn diʼ mùʼ fa tsu.

Filìbàyns 2:13

Kədiʼ a li byìʼàndo Nyìngòŋ diʼ wenə vəwenə no məzhʉ tsèm, ku kədyòʼ la ghə̀ŋ ə nkòŋ ənè nyʉ̀ a ghə̀ kəŋə la ghə̀ŋ ə nè.