Lumans 12:12 - The New Testament in the Babanki language

¹² Ghə̀ŋ saŋlə kumə nyʉ̀ vyi a ghə̀ŋ kɨ la və diʼ ambì. Ngəʼsə nvi a ghə̀ŋ, ghə̀ŋ wensə to wensə be jɨ̀mə̀ to məzhʉ̀ ə tsèm.

Lumans 12:12 Referans Kwoze

Lumans 15:13

Nyìngòŋ ghə̀ŋ a ghə̀ nè viʼi tsi, kɨ nəmwèʼè la və lu kiʼi kəfo kì a və nki dyʉ̀sə nə̀ kəwenkə kə nè ghə̀ŋ ə saŋlə no nànto ə be ku mbwaʼmə a ghə̀ŋ byìʼì ando ghə̀ŋ byɨmə a Nyìngòŋ. Ghə̀ nè alə̀ ndi ghə̀ŋ ə̀ kɨ nəmwèʼè, ko ghə̀ŋ lu kwoʼtə kənyʉ̀ kwoʼtə a ghə̀ŋ əbyɨmə a Nyìngòŋ chò fa kədyòʼ yi a kəzhwì kə Ŋwoʼkə ə ku a ghə̀ŋ.

Hibùlù 10:36

Ghə̀ŋ diʼ ə nto a ghə̀ŋ əbyɨmə ndiʼ ghə̀ŋ nè kənyʉ̀ kì a Nyìngòŋ ə kəŋ la ghə̀ŋ nè, ghə̀ lu ku kəfo kì a ghə̀ ghʉ̀ la ghə̀ lu ə ku a ghə̀ŋ.

1 Bità 4:13

Ghə̀ŋ ə boŋsə saŋlə la ghə̀ŋ yenə ngəʼ ndə̀ŋndəŋ to nə̀ Yesò ndiʼ ghə̀ lù sə bwenə vi a ntìntìn əbayn ə ghoʼo ghə̀ ə wen, ghə̀ŋ ə saŋlə no nànto.

Jems 5:7

Ghə̀ŋ ə nwensə̀ lì a vəlèmə̀ vwomə, ə zaʼa fa tʉʼ a Bobo lu vì. Ghə̀ŋ kwoʼtə ando wù shyèʼè sɨ̀m lu nkə̀ʼtə̀ la fo sɨm ə̀ wen ku ə̀ ndiʼ a mə̀ kəŋ. Ghə̀ lu wensə ə zaʼa fa zhʉ a mbì ghʉ̀ nə̀ kəmwètə̀ kə ghʉ̀ kə nə̀ vi əfo wen ə̀ kwi.

Hibùlù 6:15

Ablaham ə nghaʼ li ətyɨm, Nyìngòŋ mù ne kənyʉ̀ a ken kə a ghə̀ nghʉ lə̀.

Hibùlù 6:12

Yès ko kòŋ tebè la ghə̀ŋ ə bwaʼa. Yès ə boŋsə kəŋ to la ghə̀ŋ nshəmə viʼi vyi a və byɨmə li a Nyìngòŋ ə sə wensə, diʼ lù kiʼi kəfo kì a Nyìngòŋ ə ghʉ̀ li.

Filìbàyns 4:4

Ghə̀ŋ ə saŋlə̀ a Bobo no mənzhʉ̀ tsèm. Mà gàʼà be kùmtə̀ la ghə̀ŋ ə nsaŋlə̀.

Hibùlù 12:1

Ando vəghəŋ sə diʼ mù və yen li ənòyn ə nchwò nsòʼ kumə əbyɨmə mu və kaʼ li mbum vəghəŋ to kədə̀ŋ lə, vəghəŋ maʼa li no tèbe kəbyèʼè kə kò ki a kə taʼsə vəghəŋ be maʼa no mbyɨ ə kò yi a ghə̀ kwiʼi vəghəŋ ə wensə nyɨŋə kənyɨŋ ki a Nyìngòŋ ə ghʉ̀ la vəghəŋ nyɨŋə.

Kòlòsyàns 4:2

Ghə̀ŋ ne njɨ̀mə̀ to jɨ̀mə̀, kə ghə̀ŋ a bwaʼ, ku kəzòŋ a Nyìngòŋ.

2 Tèsàlonyà 3:5

Yès ə jɨ̀mə̀ la Bobo nè ghə̀ŋ yen əkòŋ yì a Nyìngòŋ ə kòŋ ghə̀ŋ ə be nè la ghə̀ŋ ə wensə to wensə to nə̀ Klistò.

1 Tèsàlonyà 5:8

Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.

Shwèʼ 1:14

A ndìʼ a lì, vəwenə nghoʼo zhùŋtə̀ əjɨ̀m a ntsèntə̀ wenə̀ ki vətsenvə nə̀ Mèli ə lì Yesò bènə̀ vəlèmə̀ və wen.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

Hibùlù 10:32

Ghə̀ŋ bwensə li kwòʼtə ando əbayn ə nvi a ghə̀ŋ, ghə̀ŋ kɨ Nyìngòŋ. A ghə̀ŋ ə nyenə ngəʼ avù ə viʼi achʉʼ a yi no nànto ali wensə to wensə.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

Kòlòsyàns 1:11

Yès ə jɨ̀mə̀ la Nyìngòŋ ə ku kədyòʼ kə kaynə kə wen a ghə̀ŋ no kə tsèm ndi ghə̀ŋ tuʼtə, kwiʼ ətyɨm akayn, be əwensə, be saŋlə,

Hibùlù 5:7

A ndiʼ ando Yesò bo tsì a nse ashə, ghə̀ ne sə jɨ̀mə̀ a Nyìngòŋ, ghə̀ sə zɨ̀mə dì. Ghə̀ ə njɨ̀mə̀ alə̀ byìʼì ando ghə̀ ə nkɨli la Nyìngòŋ ə kiʼi kədyòʼ ə bwoŋsə wen fa pfʉ. Nyìngòŋ ə nzhʉ li wen byìʼì ando ghə̀ ə ntsi ntsìnə̀, shiʼsə wèn.

Kəmwetə 13:10

Və sətsèn ə̀ ndiʼ ə ghaʼ no tè ndò a ghòŋ və à ghàʼ tò ghaʼa, No ndò a ghə̀ ə shyə nə̀ nyì ngwoləŋ, və lù bè shyə wen tò nə̀ nyì ə ngwoləŋ. Nakènkə dìʼì la viʼi Nyìngòŋ ə diʼi ə nwensə̀ be shɨ̀tə̀ ghaʼa əbyɨmə vəwenə.

2 Bità 1:6

Ghə̀ŋ sə tsì to nə̀ viʼi və tofəvə, ghə̀ŋ be ə nghaʼa təwen ə təŋtə, kɨ ə nwensə̀, kə ghə̀ŋ a wensə to wensə ghə̀ŋ be tsi ntsìnə̀ yì a ghə̀ nè Nyìngòŋ ə saŋlə.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

2 Tèsàlonyà 1:4

A le kənyʉ̀ ki a yès ə zhʉsə ngaʼa a nòynə viʼi və byɨməvə vətsenvə, yès sə naynə kumə ghə̀ŋ. Yès nə̀ nè alə̀ byìʼì ando ghə̀ŋ timə li to a ghə̀ŋ a byɨmə no tèbe ando viʼi ə tsuʼ kəghʉ ə kəŋkə̀, ghə̀ŋ be yenə ngəʼ sə tsensə ali wensə to wensə.

1 Kolìntyàns 13:13

Luwen, nyʉ̀ venə ə tàʼ, à lə əbyɨmə nə̀ kənyʉ̀ kì a vəghəŋ ə ki kəʼtə kəwenkə, kɨ nəmwèʼè la və lu ndiʼ, nə̀ kòŋə ə diʼ mu və faŋ li to nəmwèʼè ali no kənyʉ̀ ki a kə to chò a ntìntìn nyʉ̀ a ghèn diʼ əkòŋ.

Lumans 15:4

Nò tèbe ghò a və nyoʼo a Ŋwàʼlə̀ Nyìngòŋ ə ndiʼ ziʼi a vəghəŋ ndiʼ vəghəŋ ə kɨ nəmwèʼè la kənyʉ̀ kì a vəghəŋ ə ki dyʉ̀sə nə̀ kəwenkə lu kwʉ̀ʼ byìʼì mə̀ wensə nə̀ ətyɨm ə to ghə̀ yi a kənyʉ̀ kə Nyìngòŋ kə ku a vəghəŋ.

Ŋwàʼlə̀ Luk 21:19

Mətɨmə ghə̀ŋ a nkàyn a ghə̀ŋ a byɨmə lu nè ghə̀ŋ bwoŋ.”

Ŋwàʼlə̀ Luk 8:15

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

1 Bità 4:7

Ghə̀ŋ ə shɨtə ghaʼa təwen ətəŋtə be bvɨtə ə njɨ̀mə̀ byìʼì ando kəmwetəkə mbi kə boʼsə li.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

Lumans 8:25

Alì mu vəghəŋ sətsen ə ki dyʉ̀sə nə̀ kəfo kə a vəghəŋ ko təmə kiʼi, vəghəŋ a ndiʼ ə kəʼtə wensə, kɨ nəmwèʼè la və lu kiʼi.

Taytùs 3:7

Nyìngòŋ ə nè alə̀ ndi vəghəŋ ə ndiʼ viʼi kənyʉ̀ kə tɨməkə chò fà boŋə tyɨm ə wen. A ji aghèn vəghəŋ lù kiʼi ə̀bwòŋ yi a ghə̀ ko lu mè.

2 Timotì 3:10

Timotì, wù sə dìʼ luwèn alə mu wù ndzɨ̀mtə̀ li əziʼi ə ghomə, nə̀ ntsìnə̀ ghom, nè kənyʉ̀ ki a mà tə ə nkwòʼtə̀ ə lu ə nè. Wù yen li jì yi a ma choʼsə Klistò fatsu, kiʼi ətyɨm ə zhʉtə ghə̀, kòŋ viʼi, kɨ ə kwiʼi ətyɨm.

1 Tèsàlonyà 1:3

Yes ə zhʉsə njɨ̀mə̀ a Nyìngòŋ ə, Tìʼ vəghəŋ, yes ə sə kwoʼtə ando ghə̀ŋ nè shyèʼ ə jùŋ ghə̀ byìʼì ando ghə̀ŋ byɨmə a Bobo vəghəŋ Yesò Klistò be kwoʼtə ando ghə̀ŋ tə nshyèʼ no nə̀ kədyoʼkə byìʼì ando ghə̀ŋ kòŋ wen. Yes be kwoʼtə ando ghə̀ŋ kəʼtə wen, kɨ kɨ la ghə̀ lu bwenə vi.

Filìbàyns 3:1

Ə myètə̀ a vəlèmə̀ vwomə, ghə̀ŋ ə nsaŋlə̀ la ghə̀ŋ dìʼ a kənyʉ̀ kə mùʼ wenə və Bobo. Kə ko ku ngəʼ à mò ə mà be ə̀ zòmtə nyòʼ ənyʉ̀ à ghə̀ŋ a mà sə̀ diʼ mu mà nyòʼò li. Ə nyʉ̀ avenə be a ntsɨ̀ŋə̀ ghə̀ŋ.

2 Kolìntyàns 12:8

Ma sensə Bobo aghayn a tàʼ la ghə̀ shisə əkwaʼa na ghenə fa mo wèn,

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Shwèʼ 12:5

Və ghʉ Bità a ngə̀ŋ mfɨŋ, alì ntsèntə̀ viʼi vəbyɨməvə vi faŋ a bàm sə jɨ̀mə̀ à Nyìngòŋ nə̀ tətyɨm tə vəwenə no tsèm à wen.

Shwèʼ 6:4

Və a nè a lì yès mu nkiʼ zhʉ njɨ̀mə̀ be shə̀ʼtə̀ tò ntɨm ə jùŋ.”

Shwèʼ 2:42

vəwenə bè kù təwen tə vəwenə sə̀ zhʉtə̀ nyʉ̀ vyi a viʼi ntɨm ə̀ Yesò nziʼì gə̀tə̀ no kənyʉ̀ kə kò akì a vəwenə nkiʼi zhɨ be jɨ̀mə̀ tò a kənyʉ̀ kə mùʼ.

Ŋwàʼlə̀ Luk 10:20

Alì kə ghə̀ŋ à nsaŋlə̀ la zhwì byɨvə zhʉ fà ghə̀ŋ, ghə̀ŋ mbòŋsə saŋlə la və nyoʼli təzhiʼ təŋtə a ŋwàʼlə̀ Nyìngòŋ a kàŋ.”

Matìyò 5:12

Və sə nè nyʉ̀ a venə, ghə̀ŋ saŋlə tò saŋlə byiʼàndo mòʼtə̀ ghoʼo ghə̀ kə̀ʼtə̀ ghə̀ŋ a kàŋ. A ndiʼ tò alì a və ntsuʼ aghʉ nshə̀ʼtə̀ sə ghoʼkəsə sə mbìsə.