Lumans 11:18 - The New Testament in the Babanki language

¹⁸ Kə le diʼi la ghə̀ŋ ko diʼ ə ghaŋsə wen a viʼi vi a vəwenə diʼ to nə̀ tə ntam titə a və kwàʼtə̀ ə maʼa. Ghə̀ŋ kɨli la ghə̀ŋ diʼ to nə̀ təntam, ghə̀ŋ ko ghaʼa aghaŋ, a boŋsə ghaʼa aghaŋ ghaʼa ghə̀ŋ.

Lumans 11:18 Referans Kwoze

1 Kolìntyàns 10:12

Kə le diʼi la no ndò yi a ghə̀ kwòʼtə̀ la ghə̀ ti a nkàyn diʼi tùʼmə̀, kə ghə̀ na fəŋ.

Lumans 11:20

Kə diʼ no nəmwèʼè la və tə ə kwàʼtə̀ maʼa vəwenə, a diʼ byìʼì ando vəwenə kò byɨmə, ə wʉ̀sə ghə̀ŋ, a diʼ byìʼì ando ghə̀ŋ byɨmə, ali ghə̀ŋ ko diʼ ə ghaŋsə əwen. Ghə̀ŋ ə mbòŋsə̀ fwàynə̀ Nyìngòŋ,

Lumans 3:27

Kə le diʼi la wìʼ zizi ko ghə̀ be ghaŋsə ə wen luwen byìʼì gho? Əghaŋsə ə wen ə ko be kiʼi kəshi. Ghə̀ ko be kiʼi kəshi byìʼì ando wìʼ ko bwòŋə byìʼì shyèʼ wen. Ghə̀ bwòŋ byìʼì ə byɨmə.

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Gàlesìyà 3:29

Ghə̀ŋ sətsen ndiʼ viʼi Yesò alə̀, a ghə̀ŋ ne diʼ vunə a Ablaham, diʼi la ghə̀ŋ be lu kiʼi əfo vì a Nyìngòŋ ə ghʉ a wen.

Lumans 4:16

Kə le diʼi la kənyʉ̀ kəwʉkə na kènkə ə diʼ byìʼì byɨmə yì a Ablaham ə nkiʼi. Nyìngòŋ ə ku kənyʉ̀ kəwʉkə na kènkə to ngwaʼ ngə̀ŋ ə Ablaham no tsèm byìʼì ətyɨm ə jùŋə yi a ghə̀ kiʼi. Ghə̀ ko ku to a viʼi vyi a və wʉ̀ Əsoʼ. Ghə̀ ku a viʼi ətɨm vi a və kiʼi byɨmə ndə̀ŋndəŋ to nə̀ Ablaham byìʼì ando Ablaham ndiʼ tìʼ vəghəŋ və tsèm.

Matìyò 26:33

Bità gàʼ la, “Və ne sə nyɨŋ wù no vətsèm kò ma lə̀ nyɨŋə fa tsu.”

Joyn 4:22

Ghə̀ŋ viʼi Sàmalìyà ko kɨ tèbe wìʼ yì a ghə̀ŋ kùʼsə̀, alì yès viʼi Jus əkɨ li wìʼ yì a yès ə kuʼsə, byìʼì ando ə bwòŋ ə nvì ə chò fa viʼi Jus.

Shwèʼ 25:7

Və vì nə̀ wen no a zhʉ̀ kò, Vəjew vi a və nlu fa Jelusalèm ə̀ vì tsu tɨmə kàʼa wen sə zhò ndzɨ̀ŋsə byìʼì Bol no səghoʼo alì kò vəwenə lu ndìʼì la kənyʉ̀ a vəwenə gàʼà byìʼì Bol dìʼ nəmwèʼè.