Lumans 11:14 - The New Testament in the Babanki language

¹⁴ Ma kəŋ la viʼi lòʼ ə yès, ə viʼi Jus, yen shyèʼ na ghenə ə shɨmtə ghə̀ŋ, Nyìngòŋ ə bwoŋsə vəwenə vətsenvə.

Lumans 11:14 Referans Kwoze

1 Kolìntyàns 7:16

Wu ə wùwì ə byɨmə wù kɨ fa gho la wù zizi ko wù lu bwòŋsə̀ lɨmə wù a? Wu wulɨm ə byɨmə kɨ fa gho la wù zizi ko wù lu bwòŋsə̀ wi wù a?

1 Timotì 4:16

Wù tùʼmə̀ nə̀ wen ə wu, be tùʼmə̀ nə̀ jì yi a wù ziʼi viʼi fatsu. Wu sətsen ə ne tò alə, ə Nyìngòŋ ə bwòŋsə wù, bè bwòŋsə no viʼi vi a wù ziʼi.

Taytùs 3:5

ghə̀ bwòŋsə̀ vəghəŋ. Ghə̀ ko ə̀ mbwòŋsə̀ vəghəŋ la vəghəŋ nè kənyʉ̀ kə jùŋə kə kətsenkə alì ghə̀ mbwòŋsə̀ vəghəŋ byìʼì kusə nshinsə wen əchò fà kəzhwì kə ŋwoʼkə. Kəzhwì kə ŋwoʼkə akènkə shʉ li vəghəŋ,vəghəŋ ə nlayn ə̀ mbe ku ntsìnə̀ fi à vəghəŋ.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

1 Timotì 2:4

Nyìngòŋ ə kəŋ la viʼi və tsèm bwoŋ, bè kəŋ la viʼi və tsèm kɨ kənyʉ̀ ki a kə diʼ nəmwèʼè.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

Lumans 11:11

Ma bèmə la, viʼi Jus ə kòyntə fəŋ mwetə mu? Kə ko diʼ ali no fa mphen! A ə ndiʼ ando vəwenə ne mbyɨ, Nyìngòŋ ə kwòʼtə viʼi ətɨm ə ku bwoŋ a vəwenə. Ghə̀ ə ne alə ndiʼ viʼi Jus kaʼkə ə shɨmtə viʼi ətɨm.

Jems 5:20

ghə̀ nkɨ la à bwènsə̀ visə tè ndò ə̀ vìsə̀ wù ne nyʉ̀ byɨvə fà wen a ji byɨ, mu ghə̀ a bwòŋsə kəzhwì kə wen fa pfʉ ə be chiʼtə nyʉ̀ byɨvə no ghoʼo.

Lumans 9:3

Ma zizi mà ə kòŋ la Nyìngòŋ ə telə mo, ko mà be ə kiʼi kənyʉ̀ kətsen kə ə ne yo Yesò byìʼì vəlemə vwomə. Ma gaʼa vəlemə vwomə, viʼi lòʼ ə yès. Ma zi mà ə kòŋ ə lè azhʉ̀ a kə zi kə a gyamtə la vəwenə bwòŋ.

Filimùyn 1:12

Ma bwensə tɨmə wen a wù luwèn lə, kòŋə̀ wen no nə̀ ətyɨm ə ghomə no tsèm.

Lumans 10:19

Ma bèmə la, kə lə diʼ la viʼi Islel ko tə zhʉ kɨ kənyʉ̀ ki a və nshə̀ʼtə̀ mu? Mosìs ngaʼa kumə kənyʉ̀ na kènkə ə gàʼ la Nyìngòŋ ə gàʼ la: “Ma na ne ghə̀ŋ, ghə̀ŋ ə kiʼ kənghə̀ʼ kumə viʼi, a vəwenə ko kwʉ̀ʼ ə kiʼ əloʼ ə wen ə vəwenə. Ma na ne, ghə̀ŋ fwisətin kumə viʼi lòʼ ə tsen ghə̀, ko vəwenə kiʼ ətof.”

1 Kolìntyàns 10:33

Ghə̀ŋ ə ne to ando ma mwomsə ə ne la viʼi vətsèm ə nsaŋlə̀, no tèbe a gho a ma nè. Ma ko kəŋ to njùŋ ghom, ma kəŋ jùŋ a viʼi və ghoʼo və ndi Nyìngòŋ ə bwoŋsə vəwenə.

1 Timotì 1:15

Kənyʉ̀ a kenkə la Yesò Klistò ə nlu vi a mbyi ə bwòŋsə̀ viʼi və byɨvə ə diʼi to no nəmwèʼè, wìʼ ə zi ko ghə̀ lə tensə. Mà dìʼ tò no fòyn a ntìntìn ə̀ viʼi və byɨvə a venə.

2 Timotì 1:9

Nyìngòŋ ə mbwòŋsə̀ li vəghəŋ ə ne la vəghəŋ ə ndìʼ viʼi wen. Ghə̀ nko ne alə byìʼì ando vəghəŋ ə nè kənyʉ̀ kə jùŋ kə kətsenkə à wen. Ghə̀ ne a lì tò fa wen a ngeŋ byìʼì ətyɨm ə jùŋə̀ ghə̀. Ghə̀ ghʉ̀ kənyʉ̀ a kenkə mimbu no mbyi sə zìtə̀, la ghə̀ lu ne ənyʉ̀ a venə əcho fa Yesò Klistò ə diʼ ətyɨm ə jùŋ ghə̀ ə̀ wen.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Hibùlù 2:3

Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.