Bib sou entènèt

Lumans 10:9 - The New Testament in the Babanki language

⁹ Yès ə gàʼa la no ndò sətsen ə gàʼ nə̀ əchʉ̀ ə wenə la Yesò diʼ Bobo ə byɨmə a wen a tyɨm la Nyìngòŋ ə nlùsə li wen fa pfʉ, ghə̀ lù bwòŋ.

Gade chapit la Kopi

tounen moute ⬆

Lumans 10:9
22 Referans Kwoze

Ŋwàʼlə̀ Luk 12:8

“Mà sə gàʼà ghə̀ŋ la, no məndo sə tsen diʼ ashɨ viʼi la ghə̀ diʼ wù ghom, Wàyn Wìʼ lu boŋ byɨmə ashɨ ntsɨŋsə Nyìngòŋ la ghə̀ diʼ wù wen.

Shwèʼ 16:31

Vəwenə gàʼ à wen la, “Byɨmə à Bobo Yesò, a Nyìngòŋ a bwòŋsə wù wenə̀ viʼi ngə̀ŋ wù no vətsèm.”

Filìbàyns 2:11

No tè ndò be ə ngàʼà a ndayn la Yesò Klistò dìʼ Bobo gàʼà a lì, ghoʼsə̀ Nyìngòŋ a diʼì Nyìngòŋ ə̀ Tìʼ.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.

Lumans 8:34

A zizi a be gàʼ ndo la vəwenə nè li ə byɨbsə kənyʉ̀ a? A zizi a gàʼ Yesò Klistò yi a ghə̀ ə pfʉ mu? Ghə̀ zizi ko ghə̀ lu gàʼ byìʼì ando ghə̀ ə pfʉ ə bwensə lù fa pfʉ ə sə nyʉ̀ʼ luwen a kwoŋ ətoghə Nyìngòŋ jɨ̀mə̀ a vəghəŋ.

Lumans 14:11

Kə diʼ to ndə̀ŋndəŋ ando və nyoʼ li la Bobo gàʼ la, “Ma diʼ Nyìngòŋ ghə̀ŋ a ma tsi, gàʼa la no ndò lu gʉʼtə alʉ ə wen a mo ashɨ, no ndò gàʼ nə̀ əchʉ̀ ə wen la ma diʼ Nyìngòŋ.”

1 Kolìntyàns 12:3

A lə kənyʉ̀ kì a ghə̀ŋ ə kɨ la wìʼ zizi ko ghə̀ lu sə ngàʼ ə telə Yesò, a li kəzhwì kə Nyìngòŋ kə tisə wìʼ ayì. Wìʼ zizi ko ghə̀ lu sə ngàʼa ə gàʼa la, “Yesò diʼ Bobo,”a bwen la ghə̀ kiʼi kəzhwì kə Ŋwoʼkə.

2 Joyn 1:7

Viʼi ndzɨ̀ŋsə no vəghoʼo ə fʉ li sə jèʼè tò mbi tsèm à diʼ viʼi a və ko byɨmə la Yesò ə mvi li a nse a wèn ə wìʼ. Nki wìʼ ayi diʼ wù ndzɨ̀ŋsə be diʼ wù kəbàyn ə̀ Klistò.

Joyn 9:22

Tìʼ wen wenə lì wen ə ngàʼa alə byìʼàndo vəwenə ə nfwaynə viʼi Jus venə. Vəwenə ndiʼ mu və ə ghʉ̀ li la no ndò a ghə̀ byɨmə la Yesò diʼ wìʼ ə yi a və tsuʼ li ghʉ̀, mu və a dzɨ̀m ə wen, ko ghə̀ lu be kwen tebè a ngə̀ŋ ntsèntə̀.

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Shwèʼ 2:24

alì Nyìngòŋ nè ghə̀ lù fa pfʉ ə̀ bwòŋsə̀ wen fa kədyòʼ kə pfʉ byìʼàndo ji ko ndìʼ a pfʉ nzì ghə̀ lə̀ ghaʼa wen.

Shwèʼ 2:32

Nyìngòŋ nkye li la Yesò aghèn lu fa pfʉ. Vəghəŋ vətsèm dìʼ viʼi və yenəvə a kənyʉ̀ aghèn.

Lumans 4:24

Və mbe nyòʼ a vəghəŋ vyi a və byɨmə Nyìngòŋ yi a ghə̀ nlùsə Bobo vəghəŋ Yesò fa pfʉ.

Lumans 10:10

Kə diʼ alə̀ byìʼì ando wìʼ ə byɨmə a wen tyɨm, Nyìngòŋ ə lyɨ̀ wen a wù kənyʉ̀ kətɨməkə, ghə̀ gàʼa nə̀ əchʉ̀ ə wenə la Yesò diʼ Bobo, ghə̀ a bwòŋ.

Lumans 14:9

Kə diʼ alə̀ byìʼì ando Yesò ə mpfʉ ə bwensə lù fa pfʉ, ə ndiʼ Bobo a viʼi vyi a və tsi nə̀ viʼi a və pfʉkə li.

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

Swiv nou:

Lyen patwone

Piblisite

Piblisite