Lumans 10:2 - The New Testament in the Babanki language

² Ma kɨli la vəwenə sùtə̀ kòŋ ə kuʼsə Nyìngòŋ ali ko və kuʼsə a ji ətof.

Lumans 10:2 Referans Kwoze

Shwèʼ 21:20

Vəwenə zhʉ nyʉ̀ avenə sə ghoʼsə̀ Nyìngòŋ mù gàʼ à Bol la, “wu zi wu yen la ngwaʼ və Jus a və zi ko və lu taŋ əbyɨmə li be ghʉ soʼ Mosìs no nkayn.

Filìbàyns 3:6

Na ki kə nè tyɨmə ghomə sə lɨmə, ma sə tsuʼu kəghʉ kə ntsèntə̀sə viʼi vəbyɨməvə Yesò Klistò. A kənyʉ̀ kə tɨməkə, ma nghʉ təsoʼ no tə tsèm to nkayn.

Filìbàyns 1:9

Ma jɨ̀mə̀ la əkòŋ ghə̀ŋ a Nyìngòŋ nə yi ghə̀ŋ kiʼ a ghə̀ŋ təwen ə tò dyʉ̀ to nə̀ mbì be jɨ̀mə̀ la ghə̀ŋ kɨ ənyʉ̀ Nyìngòŋ, be kɨ nəkwoŋ fa nyʉ̀ byɨvə benə nyʉ̀ jùŋvə.

Lumans 10:3

Vəwenə ko kɨ ji yì a Nyìngòŋ nə̀ lyɨ viʼi kənyʉ̀ kətɨməkə fa tsù. A le kənyʉ̀ ki a vəwenə tensə li ji na ghèn ə boŋsə shɨtə ghə̀ vəwenə.

Gàlesìyà 1:14

Ma ə nkɨli ə dzɨ̀mtə̀ ji shisə a viʼi Jus nkuʼsə Nyìngòŋ fa tsu chò tebe mbvòʼò ghom a ndiʼ viʼi Jus, ghʉ kətʉ tsu no nànto ntsi ntsìnə̀ a vətìʼ vwomə ntsi.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Shwèʼ 22:3

“Mà dìʼ alə̀, diʼ wu Jus, mu və mbwì mo a Talsus, a loʼ Silisiyà, mà kwi ə kuʼ tò a ntə̀ʼ a shə̀, ndìʼsə̀ ghom ndìʼ Gamalè. Ghə̀ ndìʼsə̀ li mò nə̀ təsoʼ tə vətìʼ və vəghəŋ və mbì no tətsèm. Kənyʉ̀ kə Nyìngòŋ kə sə̀ lɨ̀mə̀ à mo a wèn tò ndə̀ŋndəŋ ando kə be lɨ̀mə̀ à ghə̀ŋ a təwèn layn.

2 Kolìntyàns 8:3

Ma shə̀ʼtə̀ kənyʉ̀ a ghə̀ŋ, mu ma tə yen yenə. Vəwenə ko tə nku to kəfo kì a vəwenə nkiʼi, vəwenə ə kuli chò. Vəwenə tə ku to fa vəwenə a tətyɨm,

Shwèʼ 21:28

mù sə zɨmə gàʼà la, “Wo viʼi Islel, ghə̀ŋ gyàmtə̀! Ghèn dìʼ wìʼ yì a ghə̀ jèʼè ziʼì nyʉ̀ byɨvə byìʼì viʼi Islel nə̀ soʼ Mosìs bènə̀ ngə̀ŋ Nyìngòŋ ghèn. A sə diʼ luwèn, ghə̀ be nlyɨ̀ viʼi tɨm ə̀ nkwen wenə̀ vəwenə a ngə̀ŋ Nyìngòŋ, sə mbyɨ shi nè la kə və ndiʼ ŋwoʼo.”

Gàlesìyà 4:15

A tə fʉ ghò kumə saŋlə yì a ghə̀ŋ tə nkiʼ a? Ma gaʼa to no nəmwèʼè la, kə tu tə mbwaʼmə mu ghə̀ŋ ə ntsuʼtə li ashɨ à ghəŋə ə ku a mò.

Kòlòsyàns 4:13

Ma ti to no a nchwò nsòʼ a ghə̀ shwèʼè li a ghə̀ŋ nə̀ kədyòʼ kə be shwèʼè a viʼi vyi a və tsi a Làdisìyà nə̀ viʼi a və tsi a Hìlabolìs.

Shwèʼ 22:22

Bol ngàʼà a lì, vəwenə zhʉtə̀ tò zhʉ̀tə. Ghə̀ nè gàʼ ə̀ zaʼa kəlyɨŋ kènkə, vəwenə zìtə̀ sə̀ zɨmə̀ no a gɨsə sə̀ tosə gàʼà la, “Ghə̀ŋ zhwi kəfo akènkə ə̀ màʼà dyʉ̀! Ghə̀ ko kwʉ̀ʼ əndiʼ.”

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Lumans 10:1

Ma kòŋ no nànto be jɨ̀mə̀ to jɨ̀mə̀ a vəlemə vwomə la Nyìngòŋ ə bwoŋsə viʼi Jus.