Lumans 10:17 - The New Testament in the Babanki language

¹⁷ Kə le diʼi nəmwèʼè la wìʼ ə byɨmə to azhʉ̀ a ghə̀ zhʉ̀ ntɨmə Nyìngòŋ, wìʼ ə zhʉ̀ to azhʉ̀ a və shə̀ʼtə li ntɨm kumə Yesò a wen.

Lumans 10:17 Referans Kwoze

Gàlesìyà 3:2

Ghə̀ŋ shə̀ʼtə̀ kənyʉ̀ kəmùʼ ken a mò. Ghə̀ŋ shə̀ʼtə̀ a mò la, Nyìngòŋ nku kəzhwì kə wen a ghə̀ŋ byìʼì ando ghə̀ŋ ghʉ Əsoʼ mu ghə̀ nku byìʼì ando ghə̀ŋ zhʉ̀ ntɨm ə jùŋ ə byɨmə lo?

Gàlesìyà 3:5

Nyìngòŋ ə nku kəzhwì kə wen a ghə̀ŋ ə be nè nyʉ̀ ə kaynəvə a ghə̀ŋ a ntìntìn byìʼì ando ghə̀ŋ ghʉ Əsoʼ mu, mu byìʼì ando ghə̀ŋ nzhʉ̀ ntɨm ə jùŋ ə byɨmə lo?

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

Ŋwàʼlə̀ Luk 11:28

Yesò bwènsə̀ la, “Mbwaʼmə bòŋsə dìʼ a viʼi vyì a və zhʉ kənyʉ̀ kə Nyìngòŋ be nè tò ndo kə gaʼa!”

Ŋwàʼlə̀ Mak 4:24

Ghə̀ bè gàʼ à vəwenə la, “Ghə̀ŋ ntùʼmə̀ nə̀ nyʉ̀ vyi a ghə̀ŋ zhʉ. No nshə̀ʼ ko a ghə̀ŋ ku fo tsu à viʼi à dìʼi ndə̀ŋndəŋ nshə̀ʼ a və be lə ku tsu à ghə̀ŋ ə be ku tè ku ə chò.”

Ŋwàʼlə̀ Luk 8:21

Yesò gàʼ à vəwenə la, “Lì ghom bènə̀ vəlèmə vwomə diʼ viʼi a və zhʉ kənyʉ̀ kə Nyìngòŋ, nè ando ghə̀ gàʼà.”

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Lumans 10:14

Alì viʼi sətsen ə ndiʼ ko ndiʼ la və byɨmə a wìʼ, və a loynə ə gyamtə fa wen a? Və zizi və byɨmə a wen ale ko ndiʼ la və zhʉ̀ ntɨm kumə wen a? Və zizi və zhʉ̀ ntɨm kumə wen ale ko ndiʼ la wìʼ shə̀ʼtə̀ li a?

1 Bità 1:23

Kə diʼ ə ndiʼ alə byìʼì ando və bwensə li bwi ghə̀ŋ a nfi chò fa kənyʉ̀ kə Nyìngòŋ yi a ghə̀ŋ tsi, mu kə faŋ li to ghayn ə mùʼ. A ko bwi wìʼ bwi ghə̀ŋ a ghə̀ zizi a ghə̀ pfʉ.

Ŋwàʼlə̀ Luk 8:11

“Kènkə diʼ kənyʉ̀ a ngàyn ghèn ziʼì. Ngwaʼ ayì diʼ tò nə̀ kənyʉ̀ kə Nyìngòŋ.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

2 Kolìntyàns 2:17

Yès ko diʼ to nə̀ nghoʼo wìʼ a və lyɨ kənyʉ̀ kə Nyìngòŋ a fo wòŋ, baʼlə a əko. A tɨm Nyìngòŋ ntɨm yès la yès ə nè shwèʼ a ghenə, Yès sə shə̀ʼtə̀ to no nəmwèʼè a nə̀ viʼi shyèʼ ə Yesò, Nyìngòŋ ə lyè yès.

Hibùlù 4:2

Vəghəŋ sə diʼ mù və zhʉ li ntɨm ə jùŋ to ndə̀ŋndəŋ ando vətiʼ və vəghəŋ ə nzhʉ a nse zɨm. Vəwenə ə nzhʉ no tèbè ali, kò ghə̀ lə gyamtə vəwenə byìʼì ando vəwenə ə nzhʉ ko və lu byɨmə.

Joyn 1:37

Ndzɨ̀mtə̀sə bàm ə wen na shìsə zhʉ̀ ali ə lu ə sə dyʉ̀ fa bàm ə Yesò.