Lumans 1:30 - The New Testament in the Babanki language

³⁰ gaʼa nyʉ̀ ə byɨvə kùm viʼi, baynə Nyìngòŋ, zəʼtə viʼi vətsevə, ghaŋsə əwen, gaʼa ə gaʼa ghaŋsə ə wen, kəŋ to ji ə nè mbyɨ, ko və lu zhʉ tebè fa və tìʼ və vəwenə.

Lumans 1:30 Referans Kwoze

2 Timotì 3:2

Viʼi lu ə ntùʼmə̀ tò nə̀ təwen tə vəwenə, kòŋ ə ko no a nànto, ghaŋsə əwen, ko və lu lyɨ la wùtsen ə diʼ kəfo. Vəwenə lu ə telə̀ viʼi, bè to kətʉ fà vətìʼ vəwenə nə̀ vəlì vəwenə. Vəwenə ko lu nku kəzòŋ à wìʼ byìʼì no kənyʉ̀ kə tyetəkə kətsenkə a wìʼ ə ne à vəwenə, ko mfwàynə̀ Nyìngòŋ.

Ŋwàʼlə̀ Jud 1:16

Viʼi a venə faŋ li sə dèmkə̀ to dèmkə̀, be ghàmə̀ viʼi vətsenvə to ghàmə̀. Vəwenə ə nè to nyʉ̀ vyi a təkwòʼtə̀ tə vəwenə tə diʼ, a ghoʼtə to gaʼa ə ghaŋsə əwen a vəwenə a təchʉ̀. Vəwenə ə lobtə viʼi gaʼa gaʼa ə jùŋ ghə̀ ə kiʼi kəfo a vəwenə kəŋ.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

Jems 4:16

Alì luwèn, ghə̀ŋ ə bòŋsə̀ kùmə̀ dyʉʼ vəŋə, kuʼsə̀ təwen ə̀ təŋtə. Əkumə kədyùʼ bènə̀ kuʼsə wèn aghenə diʼ mbyɨ.

Jems 3:5

A bè dìʼ tò ndə̀ŋndəŋ ando kəlyɨmə kə dìʼ kəshi kə wèn wìʼ tyetə nànto alì gàʼà nyʉ̀ fansəvə. Ghə̀ kwoʼtə ando fəsèsè fə zhìʼ fə zì fə nyùʼ ku ghoʼoghə.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

2 Tèsàlonyà 2:4

Wù byɨ na ghèn lu fʉ ə soyn Vənyìngòŋ və tsenəvə no tèbè nə̀ gho ə tsen yi a viʼi ə gumlə, ə diʼ la ghə̀ to chò Vənyìngòŋ na vi. Ghə̀ lu dyʉ̀ kwen nyʉ̀ʼmə a ngə̀ŋ Nyìngòŋ ə ghoʼo ə gàʼa la à diʼ to no wen diʼ Nyìngòŋ.

2 Kolìntyàns 10:15

Yès ə ko kumə kədyʉ̀ʼ shi əkuʼsə a shwèʼè viʼi kədyàŋ. Yès ə kəŋ to la ghə̀ŋ kwi a ghə̀ŋ a byɨmə ndi shyèʼ yì a yès ne a ghə̀ŋ a ntìntìn boŋ kwi.

Lumans 3:27

Kə le diʼi la wìʼ zizi ko ghə̀ be ghaŋsə ə wen luwen byìʼì gho? Əghaŋsə ə wen ə ko be kiʼi kəshi. Ghə̀ ko be kiʼi kəshi byìʼì ando wìʼ ko bwòŋə byìʼì shyèʼ wen. Ghə̀ bwòŋ byìʼì ə byɨmə.

Lumans 2:23

Ghə̀ŋ ghaŋsə chò nə̀ tə wenə təŋ la ghə̀ŋ kɨli Əsoʼ ə Nyìngòŋ ali diʼsə kətʉ kə Nyìngòŋ byiʼàndo ghə̀ŋ kwaʼa Əsoʼ a yi.

Lumans 2:17

Ghə̀ŋ viʼi Jus ə naynə gàʼa la ghə̀ŋ tsi to a soʼ, vye Nyìngòŋ ə diʼ akayn.

Shwèʼ 5:36

Andìʼ a tʉʼ tsenghə Tyodas fʉ̀ sə̀ gàʼà la yì dìʼ no wu ghoʼo, viʼi dzɨ̀mtə̀ wen əzaʼa no a ghɨ̀ kàʼ. A nè sə̀ diʼ no a zhʉ̀ kò a və nzhwi wen, ndzɨ̀mtə̀sə bàm wen sə gə̀sə̀ tò mùʼ mùʼ.

Ŋwàʼlə̀ Luk 21:16

Vətiʼi vəŋə, vəlì vəŋə, və lèmə̀ vəŋə, viʼi ndoŋsə ghə̀ŋ bènə̀ viʼi loʼ ne ku ghə̀ŋ à viʼi kəbàyn ghə̀ŋ la və zhuŋsə ghə̀ŋ bè zhwilə ghə̀ŋ vətsenvə.

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 15:4

Nyìngòŋ ngaʼà li la, Zhʉ gɨ̀ tìʼ wù wenə̀ lì wù! bè gàʼ la, No ndò a ghə̀ te tìʼ wen ko lì wen, və diʼi zhwi wen.

Joyn 7:7

Viʼi mbyi ko bàynə̀ ghə̀ŋ, ali bàynə̀ mò byìʼàndo ma diʼi làynsə jisə nyʉ̀ ə byɨvə ə vəwenə.

2 Kolìntyàns 12:20

Ma əfwanə la ma ne vì, ko ghə̀ŋ diʼ ando ma kəŋ la ghə̀ŋ ndiʼ, ə ghə̀ŋ boŋsə yèn mo, ko ma diʼ ando ghə̀ŋ kəŋ la mà ndiʼ. Mà zizi a mà sə vi, ə yen ghə kəngùmə̀ kə diʼ a ghə̀ŋ a ntìntìn, nə̀ kəghəʼ kə, nə̀ tinə fwi, nə̀ kənywi kə, nə̀ gàʼà əbyɨghə, nə̀ kùwòŋ nə̀ əghaŋsə ə wèn, be yen ghə̀ŋ, ghə̀ŋ tsi a kəngəsə kumə tsi to tsi.