Lumans 1:25 - The New Testament in the Babanki language

²⁵ Vəwenə byɨmə li dzɨŋ ə boŋsə tensə kənyʉ̀ ki a kə diʼ kənyʉ̀ nəmwèʼè kumə Nyìngòŋ, ə se kuʼsə Vənyìngòŋ və ndzɨ̀ŋsə. Vəwenə moʼtə li Nyìngòŋ yi a ghə̀ diʼi nəmwèʼè ə sə boŋsə kuʼsə be gumlə əfo mu à shɨtə Nyìngòŋ ali ko və kuʼsə tebè Nyìngòŋ yi a ghə̀ shɨtə əfo a vi, a diʼ wen yi a və diʼi və nkuʼsə no to wen no məzhʉ̀ ntsèm! Amèyn.

Lumans 1:25 Referans Kwoze

2 Kolìntyàns 11:31

Tìʼ Bobo Yesò, ə Nyìngòŋ yi a və diʼ nkuʼsə wen to məzhʉ̀ ə tsèm ə kɨ la ma ko zhò ndzɨŋ.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Lumans 1:23

Vəwenə lyɨ̀ li əkuʼsə yì a və diʼ ə kuʼsə Nyìngòŋ yi a ghə̀ fàŋ to aghayn mùʼ ə sə boŋsə ku a nshəʼsə mu və shɨtə nə̀ avu, və sə fʉsə̀ viʼi, be fʉsə̀ mənyinə nə̀ nyamsə nə̀ əfo ə ŋaŋləvə.

2 Timotì 3:4

Vəwenə mbaʼlə̀ viʼi nə̀ ə gaʼa ə vəwenə, shenə nè kənyʉ̀ ko və kwòʼtə̀, chasə viʼi vətsenvə. Vəwenə ko lu nkòŋə̀ Nyìngòŋ, bòŋsə kòŋ tò nyʉ̀ njòsə wen.

Lumans 1:18

Nyìngòŋ ə diʼi li tin ə fwi ə wen a viʼi vyi a və tsi a nse ashə̀, ko və kɨ wen, ne dyʉ̀ to nə̀ mbyɨ, mbyɨ na ghèn ə tamə la kə viʼi ə nkɨ kənyʉ̀ ki a kə diʼi nəmwèʼè kumə Nyìngòŋ.

Matìyò 6:24

“Wìʼ ə zi ko ghə̀ lə ə ndìʼ wù ə shyèʼ a viʼi və bò. Kə diʼ ali, a ghə̀ a bàynə̀ ghə̀ mùʼ kòŋ ghə̀ tsen; ali, ghə̀ nə̀ ngumlə̀ əmùʼ to fa əzhʉ. Wù zi ko wu lə shwèʼ a Nyìngòŋ bè shwèʼ a ə ko.

1 Tèsàlonyà 1:9

Yes ə kɨ la viʼi na venə ə zhʉ li byìʼì ando vəwenə ə gaʼa kumə ando ghə̀ŋ nshisə yes no a ji ə jùŋ ando yes nvi ə gyàmtə̀ ghə̀ŋ, be shə̀ʼtə̀ ando ghə̀ŋ əwʉ̀sə li nshəʼsə ə sə shyèʼ to a Nyìngòŋ yi a ghə̀ tsi be diʼ nəmwèʼè.

1 Timotì 1:17

Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

1 Timotì 1:11

Ənyʉ̀ a venə ə diʼ a ntìntìn ntɨm ə jùŋ yi a Nyìngòŋ ku la mà shə̀ʼtə̀. A diʼ Nyìngòŋ kaynə yì a viʼi ə kuʼsə.

Matìyò 10:37

“A kòŋ no ndo kòŋ tìʼ wen be nə̀ li wen chò to ando ghə̀ nkoŋə mò, mu ghə̀ ko kwʉʼ ə ndiʼ ndzɨ̀mtə̀ bàm ə̀ mò; à ə kòŋ no ndo kòŋ wàyn wen chò ando ghə̀ nkòŋə̀ mò, mu ghə̀ ə ko kwʉʼ ə ndiʼ ndzɨ̀mtə̀ bàm ə̀ mò.

Efisyàns 3:21

Əbayn ə ghoʼo ghə̀ Nyìngòŋ sə vi faŋ to faŋ a viʼi və byɨməvə vyi a və diʼ wenə və Yesò Klistò to məzhʉ̀ ə tsèm! Amèyn.

Joyn 2:8

Ghə̀ be mu gàʼ a vəwenə la, “Ghə̀ŋ ŋwaʼtə mətsenə ə dyʉ̀ ku a wìʼ yi a ghə̀ tisə nyʉ̀ a làm a shèn.” Vəwenə ŋwaʼtə ə dyʉ̀ ku.