Kòlòsyàns 3:3 - The New Testament in the Babanki language

³ byìʼì ando ghə̀ŋ sə diʼ mù ghə̀ŋ pfʉ li, və lyomtə ə ntsìnə̀ ghə̀ŋ vye və Yesò yi a ghə̀ diʼi wenə Nyìngòŋ amuʼ.

Kòlòsyàns 3:3 Referans Kwoze

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Lumans 6:2

Kə zizi ko kə lu ndiʼ ali no fa mphen! Mbyɨ ko be kiʼi kənyʉ̀ kumə vəghəŋ no fa mphen. Vəghəŋ sə diʼ mù və ə mpfʉ li a mbyɨ ko vəghəŋ zizi vəghəŋ be ntsi a ti mbyɨ.

Kòlòsyàns 2:20

Ghə̀ŋ sə diʼ to sə ghə̀ŋ və Klistò pfʉ li amuʼ zhwi vi a və soʼo mbi li ko be kiʼi kədyòʼ a ghə̀ŋ kətʉ. Kə le diʼ alə̀, ghə̀ŋ sə bo ghʉ̀ to təsoʼ tə mbi to nə̀ viʼi mbyi byìʼì ghò?

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Lumans 8:2

Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

Lumans 5:10

Kə diʼ alə̀ byìʼì ando andiʼ ando vəghəŋ bo diʼ viʼi kəbayn Nyìngòŋ, Wàyn Nyìngòŋ vi ə pfʉ ə nè la vəghəŋ və Nyìngòŋ bwensə mbaʼtə ə ntsi a kənyʉ̀ kə muʼ. Kə le diʼi la luwen ando vəghəŋ sə diʼ mù və bwensə li mbaʼtə ə ntsi a kənyʉ̀ kə muʼ vəghəŋ və Nyìngòŋ, Yesò lu ne la vəghəŋ shɨtə bwòŋ mwetə nəmwèʼè byìʼì ando ghə̀ diʼ.

2 Kolìntyàns 5:14

Yès nè shwèʼè ghenə mu yès zizi ko yès sə lu faŋ ke nè byìʼì ando Yesò ə kòŋ yès. Yès ə kɨ la ghə̀ mpfʉ̀ tò a viʼi vətsèm, kə diʼi la viʼi vətsèm ə lu ə pfʉ̀ boʼsə a wen.

Joyn 5:21

Ndə̀ŋndəŋ to ando Bobo ə lùsə viʼi fa pfʉ, be ku ə bwòŋ a vəwenə, a be diʼ ndə̀ŋndəŋ to ando wàyn ə ku ə bwoŋ a no ndò a ghə̀ koŋə.

Joyn 3:16

Byìʼì ando Nyìngòŋ nkòŋ li viʼi mbyi no nànto, ə tɨm wàyn wen tò əmùʼ yi a ghə̀ nkiʼi, la no ndò a ghə̀ byɨmə a wen, mu ghə̀ ko lu pfʉ lè, mu ghə̀ lu kiʼi bwòŋ yi a ghə̀ faŋ to ghayn əmùʼ.

Joyn 14:19

A laʼtə to lə, ko viʼi mbyi be yen mo, ali ghə̀ŋ yenə. Byìʼàndo ma tsi, ghə̀ŋ be boŋ tsi.

1 Bità 3:4

Əboŋ na yi ə boŋsə diʼ ə ndiʼ a ghə̀ŋ a ntsìnə̀sə. Tənki tə bòŋ nà tèntə ə diʼ bòŋ kəzhwì, məbwaʼmə, ə ko nə̀ musɨ, be kuʼmə ashɨ Nyìngòŋ.

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Kòlòsyàns 3:4

Yesò a diʼ ə ntsìnə̀ shəŋsə. A lu ndiʼ ando ghə̀ bwenə vi a ndayn, ghə̀ŋ ndiʼ vye vəwenə ati əghoʼ ə wen.

Hibùlù 7:25

A lə kənyʉ̀ ki a Yesò diʼ no zhʉ̀ko mu ghə̀ zizi a ghə̀ bwoŋsə viʼi vyi a və vì a Nyìngòŋ chò fa wen a kəvu byìʼì ando ghə̀ tsi, jɨ̀mə̀ to jɨ̀mə̀, sensə Nyìngòŋ a vəwenə kəshi.

Kòlòsyàns 2:3

Ətof no tsèm diʼi mu ghə̀ lyomtə li a ti Klistò. Ghə̀ bù no nànto.

Joyn 5:40

Alì, ko ghə̀ŋ byɨmə ə vì a mò ə kiʼi ə ntsìnə̀ a ghèn.

Joyn 4:14

Alì, mu à nyʉ̀ no ndò nyʉ mu mì a ma ku, mu ətoŋ mu ko lu be zɨmə wen. Wìʼ ə sətsen nyʉ mu na mèyn, ma dyʉ̀ kaʼkə ndiʼ a wen a wèn to nə̀ fədyàn fə, ə ne wen la ghə̀ kiʼi ntsìnə̀ yì a ghə̀ ko lu mè.”

Kəmwetə 2:17

No ndò a ghə̀ kiʼi ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ soyn ə̀ zhɨ mbyɨ, mà à kù ə̀fo zhɨvə lyomtəvə tsenəvə à wen a və dzàŋə̀ nə̀ manà. Mà be nè ku ngùʼ fəfə à no ndò mu və nyòʼò li əzhiʼ fighə tsu a no wìʼ ko kɨ əchò to wìʼ a ghə̀ shi ngùʼ ayì.

1 Joyn 3:2

Vəlèmə̀ və kòŋ ə̀ mò, vəghəŋ vətsèm dìʼ vunə Nyìngòŋ luwèn. Vəghəŋ ə ko təmə kɨ̀ la vəghəŋ ə lu ndiʼ ale lo, alì vəghəŋ ə kɨ la ghə̀ lu bvʉ̀tə fʉ̀ ə vəghəŋ ə ndiʼ tò nə̀ wen byìʼàndo vəghəŋ ə lu yen ə wen tò ando ghə̀ diʼì.

Filìbàyns 4:7

Ghə̀ŋ sətsen ənè alə̀, Nyìngòŋ a ku əbwaʼmə a ghə̀ŋ a diʼ mbwaʼmə a ghə̀ cho no ghò, ko no wìʼ zi ghə̀ kwoʼtə. Əbwaʼmə ghèn a nè tətyɨm təŋtə nə̀ təkwòʼtə̀ təŋtə əzhʉtə byiʼə ghə̀ŋ diʼ wenə və Yesò Klistò.

1 Kolìntyàns 15:45

Və nyòʼò li a Ŋwàʼlə̀ Nyìngòŋ la, “Adàm ə wù mbì ndiʼ wìʼ a Nyìngòŋ ə ne, ghə̀ sə tsi” ali Adàm ə bàm, a diʼ Yesò tə vi sə diʼ kəzhwì kì a kə ne la viʼi nkiʼ ntsìnə̀.

1 Kolìntyàns 2:14

Wìʼ yi a ghə̀ ko kiʼ kəzhwì kə Ŋwoʼkə ə tyenə əfo vyi a kəzhwì kə Nyìngòŋ əku, byìʼì ando à diʼ əfo kəkoyn a wen. Ghə̀ zizi ko ghə̀ lu ə kɨ əfo a venə byìʼì ando à zizi a ne to Kəzhwì kə Ŋwoʼkə la ghə̀ ə kɨ.

Lumans 5:21

Mbyɨ ə diʼi kədyòʼ kì a ghə̀ kiʼi chò fa pfʉ ali Nyìngòŋ ə diʼi la ətyɨm ə jùŋə ə wenə ə kiʼi kədyòʼ ə lyɨ̀ vəghəŋ a viʼi kənyʉ̀ kətɨməkə ə ku ntsìnə̀ yì a ghə̀ ko lu mè a vəghəŋ chò fa a Bobo vəghəŋ Yesò Klistò.

Kòlòsyàns 1:5

Ghə̀ŋ ne alə̀ byìʼì ando ghə̀ŋ kəʼtə kɨ əfo vi a Nyìngòŋ ə ghʉ̀ a ghə̀ŋ akàŋ. A ndiʼ ando viʼi nshə̀ʼtə̀ ntɨm ə jùŋ nəmwèʼè a ghə̀ŋ a ambì, ghə̀ŋ zhʉ kənyʉ̀ kumə fo a vyi a ghə̀ŋ kəʼtə lə.

2 Kolìntyàns 5:7

Kə diʼ alə̀ byìʼì ando vəghəŋ ə tsì byìʼì ə byɨmə yì a vəghəŋ ə kiʼi, a ko diʼ byìʼì nyʉ̀ a vəghəŋ ə yenə.

Lumans 6:11

Kə le diʼi la ghə̀ŋ diʼ ə lyɨ̀ la ghə̀ŋ boŋ li pfʉ a mbyɨ, ko mbyɨ ə be kiʼi kənyʉ̀ kətsen kə ə nè kumə ghə̀ŋ, vye və Yesò Klistò na ə tsi luwen ə kùʼsə to Nyìngòŋ.

Efisyàns 3:9

be shə̀ʼtə̀ diʼ laynsə ji yì a shwèʼ ə kaynə ghə̀ Nyìngòŋ a ghenə nə̀ jèʼe fa tsù a no ndò. Nyìngòŋ yi a ghə̀ shɨtə əfo ə tsèm ə nko ndiʼi a no wìʼ fa viʼi ambì.

1 Bità 4:2

Ghə̀ŋ nè alə, ko ghə̀ŋ be nà tsi ando njòsə wèn ə ghə̀ŋ sə kəŋ, ghə̀ŋ ə ntsi to ando Nyìngòŋ ə kəŋ.