Kòlòsyàns 3:24 - The New Testament in the Babanki language

²⁴ kɨ la Nyìngòŋ ə na ku moʼtə ghə̀ŋ nə̀ fo vi a ghə̀ ghʉ̀ a viʼi wen. Byìʼì ghə̀ŋ shwèʼè to Bobo.

Kòlòsyàns 3:24 Referans Kwoze

Efisyàns 6:8

Ghə̀ŋ kɨli la wìʼ ə sətsen nè no tèbe jùŋ ə kò, kò ghə̀ diʼ kəkòs kò ghə̀ ko diʼ, Nyìngòŋ ə lù ku əmòʼtə wen.

Ŋwàʼlə̀ Luk 14:14

Wù sətsèn nè alì mbwaʼmə lu ndiʼ à wù byiʼàndo vəwenə ko lu bwènsə̀ lòʼ wù, Nyìngòŋ lu lòʼ wù a kətsi kyì a viʼi vyì a diʼ viʼi və jùŋə və ashɨ Nyìngòŋ bwènə̀ lù fa pfʉ.”

Gàlesìyà 1:10

Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

1 Kolìntyàns 7:22

Wìʼ ndiʼ la ghə̀ ndiʼ kəkòs mibu Bobo dzàŋə wen mu ghə̀ sə diʼ fa ngeŋ, ndə̀ŋndəŋ ando ghə̀ sə dzàŋ wìʼ, ghə̀ diʼ fa ngeŋ, ghə̀ sə diʼ kəkòs a Yesò.

Shwèʼ 20:32

A nə̀ luwèn mà ku li ghə̀ŋ a kəvu Nyìngòŋ nə̀ Ntɨm jùŋ byìʼì boŋə tyɨmə wen, a ghə̀ kiʼì à viʼi a ntùʼmə̀ nə̀ ghə̀ŋ. Nyìngòŋ a ngyàmtə̀ ghə̀ŋ, bwaʼsə̀ ghə̀ŋ nə̀ fo jùŋvə vi a ghə̀ ghʉ̀ tò à viʼi wen no vətsèm.

Hibùlù 11:6

Wìʼ faŋ ke nkiʼi əbyɨmə ko ghə̀ a ne kənyʉ̀ kə ne Nyìngòŋ saŋlə. No ndò a ghə̀ kəŋ ə nkuʼsə Nyìngòŋ, diʼ ə byɨmə la ghə̀ diʼ, bwaʼsə viʼi vyi a və kəŋ kɨ Nyìngòŋ.

Hibùlù 10:35

Kə ghə̀ŋ ə kwitə tə tyɨmə ətəŋtə fa a ghə̀ŋ a əbyɨmə yi a ghə̀ŋ kiʼi a Nyìngòŋ. Ghə̀ŋ a kiʼi əmoʼtə azhʉ̀ a ghə̀ŋ zhəʼtə to a wen ə Nyìngòŋ.

Efisyàns 6:6

Kə ghə̀ŋ a zhʉ fa vəwenə to azhʉ̀ a və yenə ghə̀ŋ byìʼì ando ghə̀ŋ kəŋ la və ə kɨ la ghə̀ŋ shwèʼè akàyn. Ghə̀ŋ ə̀ zhʉ to fa vəwenə to nə̀ viʼi shwèʼ ə Klistò, to ndə̀ŋndəŋ ando Nyìngòŋ ə kəŋ.

Matìyò 5:46

Ghə̀ŋ sətsèn kòŋə̀ tò viʼi vyi a və kòŋə̀ ghə̀ŋ, Nyìngòŋ lu ku mòʼtə̀ jùŋ ghə̀ à ghə̀ŋ byìʼì ghò? Gàʼ a kò viʼi vyi a və tinə kənsè nè tò ndə̀ŋndəŋ?

Matìyò 5:12

Və sə nè nyʉ̀ a venə, ghə̀ŋ saŋlə tò saŋlə byiʼàndo mòʼtə̀ ghoʼo ghə̀ kə̀ʼtə̀ ghə̀ŋ a kàŋ. A ndiʼ tò alì a və ntsuʼ aghʉ nshə̀ʼtə̀ sə ghoʼkəsə sə mbìsə.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

Kòlòsyàns 2:18

Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

1 Kolìntyàns 3:8

Wìʼ yi a ghə̀ we nə̀ wìʼ yi a ghə̀ chi diʼ to ndə̀ŋndəŋ, no ando diʼ lù kiʼi əmòʼtə wen ando ghə̀ tə nshwèʼè.

Ŋwàʼlə̀ Luk 6:35

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

Matìyò 6:16

“Ghə̀ŋ sə ə bamə əchʉ̀, kə ghə̀ŋ ə nkə̀ʼə̀ a shinsə a nshinsə ando viʼi kəmbɨ̀lə̀ nə̀ nè. Vəwenə nə̀ sə ə bamə əchʉ̀, vəwenə sə kasə əkə̀ʼ ndi viʼi ə nyenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Matìyò 6:5

“Ghə̀ŋ nə̀ sə jɨ̀m, kə ghə̀ŋ ə wamə ne a diʼ viʼi vətsenəvə. Vəwenə ə kòŋ ə nlù ə tɨmə a aloʼ ntsèntə̀sə jɨ̀mə̀, bè jèʼè jɨ̀mə̀ a mbyɨ̀sə jì sə, kəŋ la viʼi ə̀ nchò yen vəwenə. Ma gaʼa a ghə̀ŋ nəmwèʼè la viʼi a venə sə dìʼ mù və kiʼi li mwetə əmòʼtə ə vəwenə.

Lumans 14:18

Wìʼ yi a ghə̀ shyèʼ a Yesò, tsi a ji na ghèn nè la Nyìngòŋ ə saŋlə, viʼi be kòŋ wen.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Matìyò 10:41

A tùʼmə̀ no ndo nə̀ wìʼ byìʼì ando wìʼ a yi ə diʼ nshə̀ʼtə̀ Nyìngòŋ, ghə̀ a kiʼi əmòʼtə to nə̀ nshə̀ʼtə̀ Nyìngòŋ, à shisə tə ndo shisə wìʼ byìʼì ando wìʼ a yi ə diʼ ti akayn ashɨ ə Nyìngòŋ, ə ghə̀ a kiʼi əmòʼtə ə wù kənyʉ̀ kətɨməkə a yì.

Hibùlù 9:15

A lə kənyʉ̀ ki a Yesò diʼ wìʼ yi a ghə̀ bàtə məkàyn mə mfimə̀ ə ne la viʼi vi a Nyìngòŋ dzàŋ kiʼi mbwaʼsə yì a ghə̀ ghʉ̀ mu ghə̀ faŋ li to nəmwèʼè. Kə diʼ alə̀ byìʼì ando Yesò ə npfʉ̀ li ə bwoŋsə̀ viʼi fa mbyɨsə yi a vəwenə ne achʉʼ ə məkàyn mə mumə̀.

1 Kolìntyàns 11:23

Kənyʉ̀ kì a ma zhʉ fa Nyìngòŋ a diʼ to kəwenkə ma ziʼi ghə̀ŋ tsu. Kə diʼ la, a ndiʼ nətʉʼ kətsi yi a və mbaʼlə̀ Bobo Yesò, ghə̀ lyɨ̀ li kəbayn kə məka,

1 Bità 1:4

ə be kiʼi əghoʼ a kàŋ to ando Nyìngòŋ ə nghʉ̀ li mu ghə̀ zizi ko ghə̀ lu fwè, ko byɨf, ko kwitə əkə̀ʼ. Ə ghoʼ na ghənə ə diʼ a ghə̀ŋ ə viʼi Nyìngòŋ.