Kòlòsyàns 3:22 - The New Testament in the Babanki language

²² Ghə̀ŋ viʼi vi a ghə̀ŋ shwèʼè to ne əkosə, ghə̀ŋ zhʉ fa vətìʼ və əshwèʼè ghə̀ŋ vi a və diʼi a nse no nyʉ̀ ə tsèm. Kə ghə̀ŋ ne kənyʉ̀ azhʉ̀ a ghə̀ŋ kəŋ la vəwenə yen ə kòŋ ghə̀ŋ. Ghə̀ŋ nshwèʼè nə̀ tyɨm ə ghəŋə no tsèm to nə̀ viʼi vyi a və əfwaynə Nyìngòŋ.

Kòlòsyàns 3:22 Referans Kwoze

Gàlesìyà 1:10

Kə le diʼi luwen la, ma ne kənyʉ̀ ki a viʼi nkòŋ mò mu ki a Nyìngòŋ a kòŋ lo? A le diʼ la ma ne la viʼi ə nsaŋlə̀ mu? Mà sətsen ə nkəŋ ə ne la viʼi ə nsaŋlə̀, ko ma be a ndiʼ wù ə shwèʼè ə Klistò.

1 Tèsàlonyà 2:4

Yes ə mbòŋsə̀ gaʼa to ando Nyìngòŋ ə kəŋ byìʼì ando ghə̀ tə ə tsuʼ yes la yes shə̀ʼtə̀ ntɨm ə jùŋ ghèn, ko yes lu shə̀ʼtə̀ tebè fa ji yi a viʼi kəŋ. Yes ə shə̀ʼtə̀ ə nè la Nyìngòŋ ə saŋlə byìʼì ando ghə̀ kɨli tətyɨm təŋtə.

Kòlòsyàns 3:20

Voyndyə, ghə̀ŋ zhʉ to fa vətiʼi vəŋə no a nyʉ̀ ə tsèm byìʼì ando nakèn kə na nè la Nyìngòŋ ə saŋlə.

Ŋwàʼlə̀ Luk 6:46

“Byìʼì ghò a ghə̀ŋ dzàŋ mò la ‘Bobo, Bobo,’ məzhʉ tsèm, kènla ghə̀ŋ nè kənyʉ̀ kì a ma gàʼà ghə̀ŋ a?

Filimùyn 1:16

Ə zìtə̀ fa luwen, ghə̀ ko be diʼ a wù to nə̀ kəkòs kə, ghə̀ a ndiʼ a yowù to nə̀ lèmə̀ yowù a yowù ə kòŋ byìʼì ando vəghəŋ vəwenə ə kiʼi əbyɨmə ə mùʼ. Ma kòŋ wen, ali wù diʼ ə ne kòŋə̀ wen chò ando ma kòŋ. Wù ne kòŋ wen to nə̀ kəkòs ə kyəkə, be kòŋ wen to nə̀ wìʼ yi a ghə̀ əbyɨmə li a Bobo.

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

Shwèʼ 2:46

Vəwenə vi zhùŋtə̀ à ngə̀ŋ Nyìngòŋ tò mətsì ntsèm. Vəwenə nè fʉ̀, və sə jèʼè zhɨ tò à ngə̀ŋ a ngə̀ŋ be saŋlə̀ a kənyʉ̀ kə mùʼ,

Ŋwàʼlə̀ Luk 7:8

Ma gàʼ alə̀ byìʼàndo nkàntə̀ mò shyèʼè a ti viʼi, kiʼ vəsugyèʼ à mò ati. Mà gàʼ à ghèn la, ‘Dyʉ̀!’ ghə̀ dyʉ̀ tò dyʉ̀, ə gàʼà à wutsen la, ‘Vi!’ ghə̀ vi tò vi. Mà gàʼ à wù shyèʼ mò la, ‘Ne alə̀!’ ghə̀ nè tò alì.”

Matìyò 8:9

Mà gàʼà alə̀ byìʼàndo ma shyèʼè a tyì viʼi be kiʼ, vəsugyèʼ à mò a tyì. Ma gàʼ à ghèn la, ‘Dyʉ̀,’ ghə̀ dyʉ̀ tò dyʉ̀, gàʼ à ghə̀ tsen la, ‘Vi,’ ghə̀ vi tò vi. Ma be gàʼ à wù shyèʼ mò la, ‘Ne alə̀,’ ghə̀ be nè tò nè.”

Matìyò 6:22

“Ashɨ ə wìʼ ə diʼ to nə̀ làm a wen a wèn. Ashɨ ə wu sətsèn ə ndiʼ a nkàyn, ə wenə wu ə tsèm sə diʼ nə̀ baynə.