Bib sou entènèt

Paj dakèy
Bib sou entènèt
Kòlòsyàns 3:11

Kòlòsyàns 3:11 - The New Testament in the Babanki language

¹¹ Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Gade chapit la Kopi

tounen moute ⬆

Kòlòsyàns 3:11
54 Referans Kwoze

1 Kolìntyàns 12:13

Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

Lumans 10:12

Nyìngòŋ diʼ Bobo a viʼi və tsèm. Nəkwoŋ ko diʼ fa wù ə Jus nə̀ wù kətɨm. Ghə̀ bwaʼsə no ndò yi a ghə̀ loynə ə gyamtə fa wen.

Efisyàns 3:6

Kənyʉ̀ kə kaynəkə a kì a və ə mo fa ambì ə diʼ la, viʼi ə ətɨm vyi a və byɨmə ntɨm ə jùŋ lu tsèntə zhɨ̀ fòyn ə Nyìngòŋ wenə viʼi Islel ə be tsèntə diʼ əbàs to a ntìntìn əwèn ə mùʼ, be diʼ lù tsèntə ə kiʼi mbwaʼsə yì a Nyìngòŋ ə ghʉ li chò fa a Yesò Klistò.

Efisyàns 1:23

Ngə̀ŋ Nyìngòŋ na ghèn diʼ to nə̀ əwenə Yesò. Ngə̀ŋ Nyìngòŋ a ghèn diʼ no nkàyntə̀ Yesò, a ne wen la no tèbe gho ndiʼ, no tèbe fè.

Lumans 3:29

Nyìngòŋ diʼ Nyìngòŋ a viʼi Jus, diʼ Nyìngòŋ a viʼi ətɨm.

Gàlesìyà 5:6

Kə diʼ alə̀ byìʼì ando vəghəŋ sətsen ə ndiʼ vəghəŋ və Yesò Klistò, kò wìʼ shətə li ndyə̀ wen kò ghə̀ ko shətə, na kì kə ko kiʼi tebè kənyʉ̀ ə nè. Kənyʉ̀ kə tokə diʼ to la, wìʼ na ndiʼi əbyɨmə ə wen chò fa ji a ghə̀ ne koŋə viʼi fa tsu.

Joyn 17:23

Ma jɨ̀mə̀ ə ndiʼ to kənyʉ̀ kə mùʼ yo vəwenə, yowù diʼ to a kənyʉ̀ kə mùʼ ndiʼ vəwenə kaʼkə ndiʼ to a kənyʉ̀ kə mùʼ no fa vəwenə ngeŋsə, ndi nè la mbyi kɨ la wù tə ə tɨm mo, ə kòŋ vəwenə to ndə̀ŋndəŋ ndo wù kòŋ mò.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

1 Kolìntyàns 7:19

Ə shɨtə ndyə̀ wìʼ ko ə faŋ ke shɨtə, kə ko kiʼi kənyʉ̀ ə nè. Kənyʉ̀ kə tokə diʼ to ə ghʉ̀ təsoʼ tə Nyìngòŋ.

Shwèʼ 15:17

viʼi vətsenvə vi a àdìʼ viʼi tɨm nkəŋə əyen mo. Viʼi avenə diʼ vi a mà tsuʼ li la vəwenə ndiʼ vwomə.

Kòlòsyàns 2:10

Ghə̀ŋ ko be gho no kənyʉ̀ kətsenkə a tyi ə Klistò. Ghə̀ diʼ kətʉ̀kə ə zhwi ə tsèm vi a və soʼo be kiʼi kədyòʼ.

Lumans 1:14

Ma diʼ wù ə shwèʼè Nyìngòŋ, ko andiʼ la ma kiʼ kənyʉ̀ kə ngeŋ ə mò. Ma diʼ ə nshə̀ʼtə̀ ntɨm ə jùŋ a viʼi vyi a və tsì a kayn nə̀ viʼi a və kumə tsi to tsi. Ma shyèʼ a viʼi vyi a və nyenə la à diʼ viʼi və tofəvə, shyèʼ a viʼi a və yenə la adiʼ nkoyn.

Joyn 15:5

“Ma diʼ fəkòʼ, ghə̀ŋ diʼ tətam. Wìʼ sətsen faŋ a mo wen, ma be a faŋ a wen, ghə̀ a kumə ashɨ, to kədə̀ŋ. A bwèn fa mo, ghə̀ŋ zizi ko ghə̀ŋ lu nè kənyʉ̀.

Shwèʼ 28:4

Viʼi loʼ a vyi yen ando zhù ayì ə ghàŋə a kəvu Bol ə̀ gàʼ la, “Wìʼ ghèn zì ghə̀ ndiʼ alə zhwi viʼi. Ghə̀ nyɨŋ li mfʉ̀ fà mù, alì Ndòyn dìʼ à wen a kətʉ, ghə̀ dìʼ alə̀ a pfʉ tò pfʉ.”

Shwèʼ 28:2

Viʼi loʼ a vyi gyàmtə̀ yès no a nkàyn ə̀ shɨ̀tə̀ zhiʼ à yès byìʼàndo əghʉ nzìtə̀ li əvì, kətaʼ kə sə̀ diʼ no nànto.

Joyn 14:23

Yesò ə bwensə a wen la, “No ndò a ghə̀ kòŋə mo, ghə̀ ne zhʉ əziʼi ə ghomə. Wìʼ yi kòŋ mo, Tìʼ ghom be a kòŋ wen, yo wen be vi tsèntə tsi yo wìʼ na yì.

2 Joyn 1:9

A ndyʉ̀ tè ndò nə̀ mbì, ə faŋ ke ntsi ando əziʼi Klistò ə gàʼà, mu ghə̀ ko diʼ wenə Nyìngòŋ. A ntsi tè ndò ando əziʼi ayi gàʼà dìʼ wenə Nyìngòŋ be diʼ wenə wàyn.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Efisyàns 6:8

Ghə̀ŋ kɨli la wìʼ ə sətsen nè no tèbe jùŋ ə kò, kò ghə̀ diʼ kəkòs kò ghə̀ ko diʼ, Nyìngòŋ ə lù ku əmòʼtə wen.

Efisyàns 3:17

ndi əbyɨmə ə ghəŋə nè Klistò ə nshɨtə tsi a ghə̀ŋ tətyɨm. Ma jɨ̀mə̀ la əkòŋ ghəŋə a Nyìngòŋ ne ghə̀ŋ kòŋ təwen ə təŋtə kwi ə to tò nə̀ fəkoʼ a ghaŋ yi dyʉ̀ li a nse be diʼ to nə̀ ngə̀ŋ a kəchɨ ki ə to a nse.

1 Kolìntyàns 14:11

Mà sətsèn ə nzhʉ ko ma kɨ tebè kənyʉ̀ a wìʼ gàʼà, a mà ndiʼ wù kətɨm a wìʼ na yì, ghə̀ be diʼ wù kətɨm a mò.

Lumans 3:22

Nyìngòŋ ə ne lyɨ no ndo a wù kənyʉ̀ kətɨməkə chò fa wen a əbyɨmə a Yesò Klistò, nəkwoŋ ko be lu ndiʼ a wu ə tsen.

Efisyàns 2:14

Byìʼe no nkàyntə̀ Klistò ne wèn ə wen vi li ne mbwaʼmə a vəghəŋ, ə ne la viʼi Jus nə̀ viʼi ətɨm ndiʼ to a kənyʉ̀ kə mùʼ. Ghə̀ tsəʼsə li ghomə yì a ghə̀ tə ə gə̀sə̀ vəghəŋ ne la vəwenə əbyɨfə lì to no nə̀ ə wèn ə wen.

Efisyàns 2:15

Ghə̀ ntsəʼsə li no təsoʼ tə viʼi Jus nə̀ nyʉ̀ a vəwenə ghʉ no tə tsèm ndi ə fʉsə̀ fa viʼi və bò na venə to wù fi mùʼ a kənyʉ̀ kə mùʼ wenə vəwenə, a ji ghèn nə̀ mbwaʼmə.

Swiv nou:

Lyen patwone

Piblisite

Piblisite