Kòlòsyàns 2:4 - The New Testament in the Babanki language

⁴ Ma gaʼa nyʉ̀ venə a ghə̀ŋ, ndiʼ və ne kə no to wìʼ lù lobtə ghə̀ŋ nə̀ gaʼa ə fwomə ghə̀.

Kòlòsyàns 2:4 Referans Kwoze

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Matìyò 24:4

Yesò gàʼ à vəwenə la,“Ghə̀ŋ tuʼmə la kə wìʼ lù lobtə ghə̀ŋ.

2 Joyn 1:7

Viʼi ndzɨ̀ŋsə no vəghoʼo ə fʉ li sə jèʼè tò mbi tsèm à diʼ viʼi a və ko byɨmə la Yesò ə mvi li a nse a wèn ə wìʼ. Nki wìʼ ayi diʼ wù ndzɨ̀ŋsə be diʼ wù kəbàyn ə̀ Klistò.

Ŋwàʼlə̀ Mak 13:22

Və Klistò və kənlobtə̀ bènə̀ nshyə̀ʼtə̀ sə kənlobtə̀ lu fʉ̀ a tʉʼ ayì ə ndìʼì chwitə be mwòmə̀ nyʉ̀ kanəvə ndi mwòmsə̀ əyen la vəwenə zì və dzɨŋsə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lo.

Kəmwetə 20:8

ghə̀ fʉ ə̀ vì ə̀ dyʉ̀ ə lobtə təloʼ tə təshyə tə mbi tèn təkàʼ andiʼ Gog wenə̀ Magog la vəwenə tsentə a kəshi kə mùʼ ə̀ soyn. Viʼi təloʼ avenə lu ghoʼo to nə̀ kəsese kə̀ a mu mə nghoʼomə̀.

2 Timotì 3:13

Viʼi və byɨvə nə̀ viʼi vyi a və diʼi la və dìʼ kəfo, diʼ ne ə byɨfə dyʉ̀ tò nə̀ mbì, lobtə viʼi, viʼi vətsenvə be lobtə vəwenə.

2 Timotì 2:16

Kə wù ə nzhʉtə ə gàʼ ə kəndzɨ̀ŋtə̀ yi a və gaʼa a mbyì a shə̀ byìʼì ando ghə̀ kò ku ə ghoʼsə à Nyìngòŋ. Tənkì tə əgaʼa a tentə tə ne tò la viʼi ghʉsə jì shì a Nyìngòŋ ə kəŋ.

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

Shwèʼ 20:30

Zhʉ ne vì a viʼi ne fʉ̀ tò fà ghə̀ŋ a ntìntìn nzhò ndzɨ̀ŋsə, gùfə̀ viʼi vəbyɨməvə la və dzɨ̀mtə̀ vəwenə.

Kəmwetə 20:3

Ghə̀ kwiʼ a lì ə̀ mòʼ shìʼsə nə̀ wen a nkwòŋ yì ə̀ shɨ̀tə̀ shwìn əchʉ yì à wen kətʉ ndi kə ghə̀ be à lobtə viʼi əzaʼa fa zhʉ a ngʉ̀ʼsə sènsə nkam ə me li. Əzhʉ aghenə ne cho ə və zàytə wen to fəshitə̀ fə zhʉ alə̀.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

1 Joyn 2:26

Mà nyòʼò kènkə à ghə̀ŋ bìʼì viʼi vyi a və lu lobtə ghə̀ŋ.

1 Joyn 2:18

Məntsi mə̀ kəmwetə boʼsə li a vunə vwomə. Ghə̀ŋ ə zhʉ li la wù kəbàyn ə̀ Klistò diʼ lu vì, viʼi kəbàyn ə̀ Klistò diʼ mu və vi li luwèn no vəghoʼo. A le ji a vəghəŋ ə kɨ la məntsi mə̀ kəmwetə boʼsə li.

Kòlòsyàns 2:18

Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

Gàlesìyà 2:4

Kənyʉ̀ a kèn la və shətə ndyə̀ Taytùs ə fʉ mu à lùsə viʼi və byɨməvə kənlobtə vətsenvə tsu, a və vi nyoʼtə kwen a yès a ntìntìn ə sə mwòmsə ə yen la yes ə tsi ntsìnə̀ yi a yes ə tsi fa yes a ngəŋsə yo və Yesò Klistò a kənyʉ̀ kəmùʼ ale lo. Vəwenə ə kəŋ to ji ə bwensə nè yès ndiʼ əkòs a əsoʼ ə viʼi Jus.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

1 Kolìntyàns 2:4

Ma ko nziʼi be shə̀ʼtə̀ ntɨm ə jùŋ nə̀ ətof ə mu ghə̀ lù fa wìʼ, a diʼ ətof ə ten wìʼ tenə la ghə̀ byɨmə kənyʉ̀, ali ma nshə̀ʼtə̀, kə diʼi mwetə kədyòʼ kə kəzhwì kə Kəŋwoʼkə.

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.