Kòlòsyàns 2:23 - The New Testament in the Babanki language

²³ Təsoʼ tentə kəʼə to sə tə fɨsə ətof. Tə kəʼə to sə tə ne la wu kòŋ Nyìngòŋ no nànto əbe gumlə, be kiʼi kədyòʼ a wu kwi wen. Ali ko ghə̀ le kiʼi no kənyʉ̀ kətsen ə gyamtə wìʼ la ghə̀ ə nghaʼa əwen wen kumə nyʉ̀ ə njòsə wen a Nyìngòŋ ko kòŋ.

Kòlòsyàns 2:23 Referans Kwoze

1 Timotì 4:8

Kə bo kiʼ se a wu sətsen ə mwòmsə ə nzaŋsə ə wen wu, alì mu wu sətsen mwòmsə ə kɨ kənyʉ̀ kə Nyìngòŋ, mu wu kiʼi se tò təshyə tətsèm. Kə diʼ alə byìʼì ando wu kiʼ ntsìnə̀ yi luwen a Nyìngòŋ sə diʼ mu ghə̀ ghʉ li, ə lu bè kiʼ to mə ntsìnə̀ a ghèn no məzhʉ ntsèm.

Kòlòsyàns 2:18

Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

1 Timotì 4:3

Viʼi a venə ə ziʼi viʼi la kə vəwenə ə bè lam bè gàʼa la vəwenə ə bamə tənkì tə fozhɨvə tə tsentə. Alì mu Nyìngòŋ shɨtə əfo a venə la viʼi və byɨməvə ə a və kɨ li nəmwèʼè, və nku kəzòŋ à wen və zhɨ̀,

Kòlòsyàns 2:22

Təsoʼ tentə əgaʼa kumə to əfo, a və diʼ ə byɨf. A diʼ to nyʉ̀ ə viʼi a və ghʉ ə sə jèʼe ziʼi.

Efisyàns 5:29

Wìʼ ə ko ntəmə ə bàynə̀ əwènə wen. Ghə̀ ne shɨtə zhɨ, be tùʼmə̀ nə̀ əwenə wen to ndə̀ŋndəŋ ando Klistò ə tùʼmə̀ nə̀ ngə̀ŋ Nyìngòŋ.

Lumans 13:14

Ghə̀ŋ boŋsə ghaʼ to ntsìnə̀ ə fi yì a Bobo Yesò Klistò ə ku li a ghə̀ŋ a fo ghòŋ. Kə vəghəŋ na kù ji la njòsə əwen ə vəghəŋ sə tisə vəghəŋ, kwetə tèbe ghò ando sə kòŋ, vəghəŋ ə ne to ne.