Kòlòsyàns 1:5 - The New Testament in the Babanki language

⁵ Ghə̀ŋ ne alə̀ byìʼì ando ghə̀ŋ kəʼtə kɨ əfo vi a Nyìngòŋ ə ghʉ̀ a ghə̀ŋ akàŋ. A ndiʼ ando viʼi nshə̀ʼtə̀ ntɨm ə jùŋ nəmwèʼè a ghə̀ŋ a ambì, ghə̀ŋ zhʉ kənyʉ̀ kumə fo a vyi a ghə̀ŋ kəʼtə lə.

Kòlòsyàns 1:5 Referans Kwoze

Efisyàns 1:13

Nyìngòŋ ə shisə li ghə̀ŋ viʼi Efesùs ə bwòŋsə̀ ghə̀ŋ chò fa a Yesò ando ghə̀ŋ zhʉ ntɨm ə jùŋ yì a ghə̀ diʼi nəmwèʼè ə byɨmə. A ndiʼ ando ghə̀ŋ mbyɨmə, ghə̀ chʉ̀tə̀ ghə̀ŋ nə̀ Kəzhwì kə Ŋwoʼkə kì a ghə̀ ə nghʉ̀,

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

1 Bità 2:2

Ghə̀ŋ ə boŋsə diʼ to nə̀ vunə və bwaʼ və, nyʉ̀ʼ no zhʉ̀ko kəŋ ə nyoŋ nkàyntə̀ zhwin, a diʼ kənyʉ̀ kə Nyìngòŋ, ndiʼ ghə̀ŋ faŋ ə kwi to kwi zaʼa fa tʉʼ a ghə̀ŋ lù kiʼi əbwòŋ.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

1 Kolìntyàns 15:19

Vəghəŋ sətsen ə ndiʼ mu və kù li təwen tə vəghəŋ a Yesò la ghə̀ gyamtə vəghəŋ, ghə̀ diʼ ə gyàmtə̀ kumə to ntsìnə̀ yì a vəghəŋ ntsì a mbyi luwèn, a kə ne bòŋ la ghə̀ kusə shinsə a vəghəŋ chò ando və kusə no tèbè ando ə tsen a mbyi ashen.

Hibùlù 7:19

Əsoʼ ə Mosìs nko kiʼi tebè kədyòʼ ə nè la wìʼ diʼ wù kənyʉ̀ kətɨməkə ashɨ Nyìngòŋ. Alì luwen, kənyʉ̀ kə kədyàŋ a və kɨ kə kuʼmə chò əsoʼ, a kə diʼi ji la vəghəŋ nkwèntə boʼsə dyʉ̀ a Nyìngòŋ.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

1 Joyn 3:3

No tè ndò a ghə̀ ŋwʉʼ ghʉ ətyɨm ə wen à wen ə ghʉ ngə̀ŋ kətʉ ə wen nə̀ laynə no tè ando Klistò ə laynə.

Gàlesìyà 5:5

Kəzhwì kə Nyìngòŋ kə nè la vəghəŋ kɨ nəmwèʼè la vəghəŋ lu ətɨmə akayn ashɨ Nyìngòŋ byìʼì əbyɨmə ə vəghəŋ.

2 Kolìntyàns 5:19

Kənyʉ̀ ki a yès gàʼa diʼ la Nyìngòŋ ə mbaʼtə ntsìnə̀sə viʼi mbyi wenə vəwenə byìʼì kənyʉ̀ ki a Yesò ə nè. Ghə̀ lyesə li nku mbyɨsə viʼi ə be ku ntɨm a ghèn a yès viʼi ntɨm la yès ə nshə̀ʼtə̀ la ghə̀ kəŋ la viʼi vətsèm baʼtə̀ ntsìnə̀sə vəwenə, wenə və Nyìngòŋ.

Shwèʼ 23:6

A sə ndiʼ ando Bol nyen li la fa ntìntìn viʼi a və ndìʼ a ntsèntə̀ ayì, vətsenvə ndìʼ Və Falàsi, vətsenvə diʼ Vəsadùsis, ghə̀ mù zɨ̀mə no a gɨ to la, “Vəlèmə̀ vwomə, mà dìʼ alə̀ diʼ wu Falàsi, mu vətìʼ vwomə bè ndìʼ tò Və Falàsi. Və soʼo mò a shèn luwèn byìʼàndo mà byɨmə la Nyìngòŋ lu nè viʼi lu fà pfʉ.”

1 Bità 3:15

Ghə̀ŋ ə boŋsə gumlə Yesò to nə̀ Bobo a ghə̀ŋ a tətyɨm. Ghə̀ŋ ne nyʉ̀ʼ, bvɨtə ə bwensə no ndò azhʉ̀ a ghə̀ bèmə kənyʉ̀ kumə əbyɨmə yì a ghə̀ŋ kiʼi a Yesò. Ghə̀ŋ sə nè alə̀ ghə̀ŋ ə bwaʼmə, be gumlə.

1 Kolìntyàns 13:13

Luwen, nyʉ̀ venə ə tàʼ, à lə əbyɨmə nə̀ kənyʉ̀ kì a vəghəŋ ə ki kəʼtə kəwenkə, kɨ nəmwèʼè la və lu ndiʼ, nə̀ kòŋə ə diʼ mu və faŋ li to nəmwèʼè ali no kənyʉ̀ ki a kə to chò a ntìntìn nyʉ̀ a ghèn diʼ əkòŋ.

Shwèʼ 24:15

Mà kìʼ tò ndə̀ŋndəŋ kwòʼtə̀ a vəwenə be kìʼ la Nyìngòŋ lu nè viʼi vəjùŋvə nə̀ vəbyɨvə lu fà pfʉ no vətsèm.

1 Timotì 1:15

Kənyʉ̀ a kenkə la Yesò Klistò ə nlu vi a mbyi ə bwòŋsə̀ viʼi və byɨvə ə diʼi to no nəmwèʼè, wìʼ ə zi ko ghə̀ lə tensə. Mà dìʼ tò no fòyn a ntìntìn ə̀ viʼi və byɨvə a venə.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

Lumans 10:8

Və nyòʼò li la, “kənyʉ̀ kə Nyìngòŋ kə boʼsə a ghə̀ŋ. Kə diʼ a ghə̀ŋ təchʉ̀ be diʼ a ghə̀ŋ a tətyɨm.” A diʼ kəwenkə a yès ə shə̀ʼtə̀ la ghə̀ŋ zhʉ ə byɨmə.

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

Ŋwàʼlə̀ Luk 12:33

Ghə̀ŋ baʼlə fo vəŋə no tsèm əku ko yì à viʼi kəfem. Ghə̀ŋ shìtə mbò vəŋə a və zì kò və lu byɨf ndi və wye ghoʼo yi a wìʼ zì kò ghə̀ lu zhɨ myetə ə ghʉ a ghə̀ŋ a kàŋ, a kəshi a və zì kò və lu fàftə, byìʼe tsoŋ zì kò ghə̀ lu zaʼa tsu, ko ndiʼ la mbèmbè zì və lə zaʼa tsu əpfiʼ byɨbsə.

Shwèʼ 13:26

“Vəlèmə̀ vwomə, vunə Ablaham, bènə̀ viʼi tɨm no vətsèm a və diʼ a shyə̀, ghoʼsə̀ Nyìngòŋ, ntɨm jùŋ ghèn a ghə̀ vì nə̀ bwòŋ à viʼi dìʼ mu və tɨm à vəghəŋ.

2 Kolìntyàns 6:7

Nyìngòŋ ə ku li kədyòʼ a yès, yès sə shə̀ʼtə̀ to kənyʉ̀ ki a kə diʼi nəmwèʼè a viʼi. Əfo ghòŋ vi a yès ə soynə nə̀ wenəvə be kɨŋtə təwen ə tyestə tsu diʼ ando yès ə tsi a jisə tɨməsə.

Gàlesìyà 2:5

Yès ə nko ə byɨmə kənyʉ̀ na ki no tebe a fəshinə fəzhʉ no fa mpfen, byìʼì ando yès ə kəŋə la ntɨm ə jùŋ ə ghèn a diʼ nəmwèʼè lə faŋ to ghayn ə mùʼ a ghə̀ŋ.

Gàlesìyà 2:14

A sə diʼ ando mà yen la vəwenə ne nyʉ̀, ko diʼ nyʉ̀ ə tɨməvə to ando ntɨm ə jùŋ yì a ghə̀ diʼi nəmwèʼè ə nziʼi, ma gàʼ a Bità to ashɨ ə viʼi və tsèm ə bèm la, “Wù jeʼ ale ə ndiʼ wù ə Jus, tsi to nə̀ wù kətɨm, boŋsə kaynə la viʼi kətɨm ə ntsi to nə̀ viʼi Jus a?

Efisyàns 4:21

Kə diʼ to no nəmwèʼè la ghə̀ŋ ə nzhʉ li nyʉ̀ kumə Klistò, və be ziʼi ghə̀ŋ nə̀ nyʉ̀ vyi a və diʼi nəmwèʼè kumə Klistò.

2 Bità 1:12

Ali, mà ndzə̀ŋtə̀ nyʉ̀ a venə to dzəŋtə a ghə̀ŋ no tèbe ando ghə̀ŋ ə kɨ li be diʼ mu ghə̀ŋ ghaʼ li nyʉ̀ a venə a və diʼi nəmwèʼè lə, və əto.