Kəmwetə 9:2 - The New Testament in the Babanki language

² Fədzɨ̀ŋ a fìfə bòʼ əchʉ̀ ə nkwòŋ ayi, fələʼ fə tsenfə fʉ̀ ə̀ kùʼ fa tsu kə̀ʼə̀ tò sə fə fʉ̀ fa əchɨ əzhiʼ ghoʼoghə. Fələʼ afìfə fʉ̀ ə̀ fènsə̀ shi kènla chwìchwì bè baynə shiʼì.

Kəmwetə 9:2 Referans Kwoze

Shwèʼ 2:19

Mà lu ne nyʉ̀ kanəvə a kàŋ ə be dìʼ chwitə a nse. Viʼi lu yen mənlyuŋ nə̀ zhiʼ bènə̀ mbòʼ fələʼ.

Kəmwetə 14:11

Fələʼ fəzhiʼ fì a vəwenə a yen ə ngəʼ tsu ə kuʼu tò kuʼu a kàŋ əzaʼa no fa ze. Viʼi avenə a və ghoʼsə̀ nyàm ə̀ toʼ yì nə̀ kənshyə̀ʼsə̀ kə wen mu və ku li kəchwitə kəzhiʼ wen ko lu kiʼi ənzhʉ̀tə tè nə̀nchwì ko nəntʉʼʉ.”

Kəmwetə 8:12

Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen à ndiʼ vəkàʼ, kəfo kə pfèn ə̀ byɨsə shyə mùʼ fa təshyə tətaʼ ə̀ chwìchwì nə̀ əsàŋ bènə̀ mədzɨ̀ŋ nè chwìchwì ko bè bayn a kətemə kə zhʉ kə mùʼ fa tì ntemə taʼ ə̀ nə̀nchwì ə̀ bè nè kèn la sàŋ wenə mədzɨ̀ŋ ə bayn li a kətemə kə zhʉ kə mùʼ fa tì ntemə taʼ ə̀ nəntʉʼʉ.

Kəmwetə 9:17

Ghèn dìʼ ji a mà ə̀ nyèn təlyəŋ tì a jòm yì a ghə̀ mfʉ à mò a kə̀ʼ lì; viʼi vyi a və̀ nyɨŋ a kwi təlyəŋ tətyɨm tə vəwenə ə nkìʼ ə nkɨ̀ŋsə ghòŋ sə bàŋə̀ tò nə̀ əzhiʼ, nyìmə̀ to nə̀ məkàyn be nyòʼlə̀ nyòʼlə. Ətʉ təlyəŋ atì ə̀ nkə̀ʼə̀ to nə̀ ətʉ ve abìkəŋ. Əzhiʼ nə̀ fələʼ nə̀ məkàyn fʉ̀ fà təwentə a təchʉ̀.

Kəmwetə 9:1

Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen ə və ndiʼ vətàyn, mà yen fədzɨ̀ŋ fə lù fa kàŋ ə̀ fə̀ŋ a nse ə̀ və ku kənzàs kəchʉ̀ ə nkwòŋ tsen a ghə̀ shwemə shiʼi dyʉ̀ tò dyʉ̀ à wen.

Kəmwetə 9:11

Ngùməsə a shìsə̀ nkìʼ fòyn a ghə̀ soʼo səwensə, à diʼ ntsɨ̀ŋ yì a ghə̀ tùʼmə̀ nə̀ nkwòŋ yì a ghə̀ shwemə shiʼi dyʉ̀ tò dyʉ̀ lì. Əzhiʼ ə wen a əgàʼ ə Hibùlù ə̀ ndìʼ Abadòn, diʼ a əgàʼ ə Glis la Abolon.

Kəmwetə 16:10

Ntsɨ̀ŋ ngə̀ŋ ə̀ Nyìngòŋ tsen ə sə ndiʼ sətàyn shʉ̀ʼ ə̀ shìʼsə kəkaŋ kə wen a kwi kəfwoyn ə̀ nyàm ətoʼ yì, kəshi kì a ghə̀ ə̀ nsoʼo tsu lì fen no kətsèm. Viʼi vi a və̀ ndìʼ à wen ə̀soʼ fòyn ayì sə lèmə̀ lɨmə vəwenə a əlɨ̀m yi a vəwenə nzhʉ.