Biblia Todo Logo
Bib sou entènèt

- Piblisite -




Kəmwetə 6:2 - The New Testament in the Babanki language

2 Mà sə ki ə̀ yèn əlyəŋ ə fəfəghə tsenghə, wìʼ diʼ à yi kətʉ kiʼ fənchyə. Və ku ə̀sòʼ ə təfòyn à wen, ghə̀ nyɨŋ ə̀ fʉ̀ to nə̀ wìʼ a ghə̀ lu ə ntemə ghoŋ zhɨ tò zhɨ be diʼ ə tem ə zhɨ.

Gade chapit la Kopi




Kəmwetə 6:2
22 Referans Kwoze  

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.


Mà sə ki ə̀ kɨ̀blə̀ yèn mbòʼ ə fəfə, wìʼ ŋwʉʼ a kwi mbòʼ, ayì diʼ to nə̀ Wàyn ə̀ Wìʼ. A ndiʼ wìʼ yi a və ntsuʼli ghʉ, mu ghə̀ chiʼ ə̀sòʼ ə təfòyn à wen kətʉ mu və shɨ̀tə̀ nə̀ gul. Ghə̀ ə nkiʼ fənyì fə sɨm fə lyɨməfə à wen kəvu.


Ntsɨ̀ŋ ngə̀ŋ ə̀ Nyìngòŋ tsen bè tòŋ ə̀soŋ ə wen à ə̀ ndiʼ ntsɨ̀ŋsə sòmbo a sə toŋ li. Mà zhʉ gɨsə sə̀ tosə fa kàŋ sə gàʼà la, “Bobo vəghəŋ wenə̀ Klistò kìʼ kədyòʼ ə nsoʼo mbi luwèn, be diʼ ne ə nsoʼo tò soʼo no mətsi ntsèm.”


Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”


Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.


Tinsə viʼi vyi a və ko kɨ̀ wù tə mfwi, alì əzhʉ kwʉʼ li ə wù diʼ ətoŋ fwi ghə̀ wù, əzhʉ mbè nkwʉʼ ə soʼ viʼi vəpfʉkəvə. Zhʉ be nkwʉʼ ə wù taʼ viʼi shyèʼ ə̀ wù, andiʼ nshə̀ʼtə̀sə sə̀ ghoʼokəsə wù, nə̀ viʼi vyə no vətsèm a və ghoʼsə̀ əzhiʼ ə̀ wu, vətovə nə̀ vəbwaʼvə tò ndə̀ŋndəŋ. Əzhʉ̀ be kwʉ̀ʼ ə wù byɨsə viʼi vyi a və byɨsə viʼi ə nse.”


Kə diʼ alə̀ byìʼì ando Yesò zizi ko ghə̀ lu faŋ ke nsoʼo to soʼo ə zaʼa ando ghə̀ a mòʼ viʼi kəbayn wen no vətsèm a nse, ə tomtə aghʉ a vəwenə a kətʉ.


Vəsugyèʼ və kàŋ ə mòʼ ndisə sə̀ fəfə be ŋwòʼə̀, ə̀ kùʼ a kwi təlyəŋ tə fəfətə sə̀ dzɨ̀mtə̀ dyʉ̀ nə̀ wen.


Yesò vìtə̀ boʼsə vəwenə mù gàʼ la “Nyìngòŋ ku li adyòʼ à mò no tsèm a kàŋ bènə̀ a nse la mà nsoʼo viʼi.


Ngùməsə ashìsə ndìʼ to nə̀ təlyəŋ a tə bvʉ̀tə̀ ə dyʉ̀ a ghòŋ sə nkìʼ ə̀fo à vəwenə a tʉ və diʼ a nə̀ təsòʼ tə təfòyn a və shɨtə̀ nə̀ gul


Swiv nou:

Piblisite


Piblisite