Kəmwetə 5:6 - The New Testament in the Babanki language

⁶ Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.

Kəmwetə 5:6 Referans Kwoze

Kəmwetə 5:12

Vəwenə nzhɨmə ndzàŋ no a gɨ to la, “Wàyn bi ənjɨ̀ a və̀ nzhwi ə kwʉʼ li ə̀ me əkiʼi kədyòʼ nə̀ əghoʼ, nə̀ ətof, nə̀ gumlə, nə̀ əghoʼsə bènə̀ ə mbwaʼmə̀.”

Joyn 1:29

Ətʉ̀ʼ ə nlayn li, Joyn yen Yesò ando ghə̀ ə vi, ghə̀ diʼi wen a viʼi ə gàʼ la, “Ghèn diʼ wàyn BYI Njɨ̀ Nyìngòŋ yi a ghə̀ ne shi mbyɨsə viʼi mbyi!

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Joyn 1:36

ghə̀ nyen li Yesò ando ghə̀ chò ə gàʼ a vəwenə la, “A chò wàyn BYI Njɨ̀ Nyìngòŋ le!”

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Shwèʼ 8:32

Kəshi kə ŋwàʼlə̀ kì a ghə̀ ndzò ndìʼ kènkə la; “Ghə̀ nko kiʼ no tò kənyʉ̀ kə tyetəkə əgàʼ. Ghə̀ ndìʼ to nə̀ byi njɨ̀, a və gùftə̀ ədyʉ̀ shyə, ko to nə̀ we byi njɨ̀ a zhʉ a və komə nyɨŋsə fà wen a wèn.

Kəmwetə 22:3

Nò tèbe gho yi a Nyìngòŋ ə sə diʼ mù ghə̀ telə li ko lu ndiʼ tebè a ntə̀ʼ na yi. Kətsi kə fòyn Nyìngòŋ ə nə̀ ə ndiʼ a ntə̀ʼ na ghèn, We njɨ̀ ə boŋ diʼ. Viʼi və shyèʼ və Nyìngòŋ ə lu nə̀ gumlə Nyìngòŋ a ntə̀ʼ na ghèn.

Kəmwetə 22:1

Fa yi abàm, Ntsɨŋ Nyìngòŋ na yì ə be diʼ mu mi a mò a ghə̀ kù tsi, ghə̀ baynə to alə to nə̀ kənkàʼtə̀. Mu a mi nə̀ fʉ̀ vi fa kəkɨ kə fòyn Nyìngòŋ ə wenə We Njɨ̀,

Kəmwetə 21:23

Ntə̀ʼ na yì ko kəŋ tebè la chwìchwì kò sàŋ nə̀ baynə tsu byìʼì ando əbayn ə Nyìngòŋ nə̀ diʼ tsu, We Njɨ̀ ə be diʼ làm tsu.

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.

Kəmwetə 6:16

ə̀ sə zɨmə̀ dzàŋə̀ pfensə nə̀ təghu gàʼà la, “Ghə̀ŋ fəŋkə à yès ə kətʉ ə̀ lyòmtə̀ yès fà wìʼ ghèn a ghə̀ ŋwʉʼ a kəfwon lə̀ bènə̀ fa ngəʼ a wàyn bi ənjɨ̀ diʼ ə ku à yès byìʼ tin ə fwi ə wen.

Ŋwàʼlə̀ Luk 1:69

Ghə̀ kuli mbwòŋsə̀ ghoʼo a vəghəŋ à diʼ wù ngwaʼa ngə̀ŋ Devìt, wù shə wen,

Kəmwetə 4:8

Əfo avenə no tsèm ə̀ nkìʼ təvò ə̀ ntʉ̀fəntʉ̀fə, kiʼ ashɨ tò ə̀wen ə̀ tsèm nə̀ à vəwenə tì wèn. Vəwenə nzhɨmə ndzàŋsə tò məzhʉ̀ ntsèm, zhɨmə nəntʉʼʉ nə̀ nə̀nchwì la, “Wu ŋwoʼə, wu ŋwoʼə, wu ŋwoʼə dìʼ tìʼ àdyoʼ ə̀ tsèm, Ghə̀ ə̀ ndìʼ, diʼ luwèn be diʼ ə lu vì!”

Kəmwetə 5:11

Mà bè sə ki ə̀ yèn ə ntsɨ̀ŋsə ngə̀ŋ ə̀ Nyìngòŋ və taŋə lè, ando sə tɨmə̀ ə̀ kaʼ kəfwon kì əboʼsə nə̀ ə̀fo zhwisəvə vi bènə̀ vəchəʼ vi.

Kəmwetə 5:13

Mà zhʉ no tè ghò a ghə̀ diʼì a kàŋ nə̀ a nse nə̀ a loʼ ə̀ vəmpfʉ və nse nə̀ a mù mə nghoʼomə̀ bènə̀ a mbi ə̀ tsèm zhɨmə la, “Ə wen yì a ghə̀ ŋwʉʼ a kəfwon bènə̀ wàyn bi ənjɨ̀, və diʼ əbwaʼsə̀ ghə̀ŋ, gumlə̀ ghə̀ŋ, ghoʼsə̀ ghə̀ŋ nə̀ kədyòʼ no məzhʉ ə̀ ntsèm.”

Kəmwetə 5:14

Ə̀fo zhwisəvə vi ə̀ kàʼ gàʼ la, “Amèyn” Vəchəʼ vi fəŋkə a nse ə̀ ghoʼsə Nyìngòŋ wenə̀ wàyn bi ənjɨ̀ a ndiʼ Yesò Klistò lì.

Kəmwetə 14:1

Mo Joyn sə ki ə̀ kɨ̀blə̀ yèn wàyn bi njɨ̀ ghə̀ ti a pfèn Zayòn wenə viʼi wen nkam nə̀ sə ghɨ nə̀ njʉ̀sə̀ kàʼ a məwum ə̀ nkàʼ. Vəwenə ndìʼ mu vəwenə nyòʼò li əzhiʼ wen nə̀ əzhiʼ Tìʼ wen à vəwenə təchʉ̀ tətʉ.

Kəmwetə 21:22

Ma ko yen ngə̀ŋ Nyìngòŋ a ntə̀ʼ na yi byìʼì ando ngə̀ŋ Nyìngòŋ tsu ndiʼ to no Bobo Nyìngòŋ, ə Tiʼi ədyoʼ ə tsèm no nə̀ ngə̀ŋ wen wenə We Njɨ̀.