Kəmwetə 4:4 - The New Testament in the Babanki language

⁴ Əfwoyn ə tsenəvə ndìʼ njʉ̀sə̀ kàʼ a məwum ə̀ mbò mu və nyɨŋ li ə̀ nkaʼ kəfwon kì, vəchəʼ njʉ̀sə̀ kàʼ a məwum ə̀ mbò ŋwʉʼ tsu mu vəwenə mòʼ vədàlə və fəfəvə nchiʼ təsòʼ mu və shɨ̀tə̀ nə̀ gul à vəwenə tʉ.

Kəmwetə 4:4 Referans Kwoze

Kəmwetə 11:16

Vəchəʼ vi məwum əbò a njʉ̀sə̀ kàʼ a və̀ŋwʉʼ a Əfwoyn vi a shɨ ə̀ Nyìngòŋ shiʼi a nse nə̀ kəʼ ə̀ sə ghoʼsə̀ wen

Matìyò 19:28

Yesò gàʼ à vəwenə la, “Mà gàʼà à ghə̀ŋ nəmwèʼè la a lu ndiʼ a mbi fi, a zhʉ a Wàyn Wìʼ ŋwʉʼʉ li à wen a kəfwoyn nə̀ ghoʼo wen, a dìʼ a zhʉ ayì a ghə̀ŋ vi njʉ̀sə̀ bò a ŋwʉʼʉ a fwoyn njʉ̀sə̀ bò ə nsoʼo ngwàʼsə loʼ Islel shì njʉ̀sə̀ bò.

Kəmwetə 4:10

Vəwenə nzhɨmə a lì no zhʉ kò, vəchəʼ vi njʉ̀sə̀ kàʼ a məwum ə̀ mbò laŋtə̀ a shɨ wìʼ yì a ghə̀ ŋwʉʼ a kəfwoyn lì ghoʼsə̀ wen yì a ghə̀ ə diʼì no məzhʉ ə̀ ntsèm. Vəwenə mbe tsuʼtə̀ təsòʼ tə təfòn ə̀ vəwenə tì mòʼò a mbì kəfwon kì zhɨmə ndzàŋ la,

Kəmwetə 7:11

Ntsɨ̀ŋsə ngə̀ŋ Nyìngòŋ no sə̀ tsèm sə tɨmə̀ kàʼ kəfwon kì wenə̀ vəchəʼ vi bènə̀ ə̀fo ə zhwisəvə vi sə̀ ŋàŋlə dyʉ̀ nə̀ təkə̀ʼ tə vəwenə a nse ghoʼsə̀ Nyìngòŋ,

Kəmwetə 20:4

Fà yi bàm, mà yen Əfwoyn, bè nə̀ Viʼi a və̀ ŋwʉʼ a Əfwoyn avenə, ndìʼ mu və ku li kədyòʼ à vəwenə la vəwenə nsoʼo viʼi vətsenvə. Mà bè yèn əzhwi ə viʼi vyi a və tin tə tʉ vəwenə byìʼàndo vəwenə nshə̀ʼtə̀ əgàʼ ə Nyìngòŋ be dìʼì nəmwèʼè yì a Yesò ə̀ ndìʼsə̀. A ə̀ ndìʼ viʼi a və̀ ntyenə la vəwenə ko a ə̀ nghoʼsə̀ nyàm ətoʼ yì ko kənshyə̀ʼsə̀ kə wen kì ə̀ mù sə̀ diʼ kènla vəwenə shi li kəchwitə kə nyàm ətoʼ kì à vəwenə təchʉ̀ tətʉ ko à vəwenə a kwoŋ. Vəwenə bwènsə̀ lù fa pfʉ ə̀ sə̀ soʼo wenə̀ və Klistò a ngʉ̀ʼsə nkam.

Kəmwetə 5:14

Ə̀fo zhwisəvə vi ə̀ kàʼ gàʼ la, “Amèyn” Vəchəʼ vi fəŋkə a nse ə̀ ghoʼsə Nyìngòŋ wenə̀ wàyn bi ənjɨ̀ a ndiʼ Yesò Klistò lì.

Kəmwetə 5:8

A ə̀ ndìʼ ando ghə̀ ə̀ nshi əbʉʼ ə ŋwàʼlə̀ ayi, ə̀fo zhwisəvə vi ə̀ kàʼ nə̀ vəchəʼ vi njʉ̀sə̀ kàʼ a məwum ə̀ mbò fəŋkə à wen ə shɨ. No ndò ə̀ nkìʼ əlyuŋ nə̀ kəkaŋ kə a və shɨtə̀ nə̀ gul mu kələŋ kə lwin li tsu à diʼ təjɨ̀m tə viʼi və byɨməvə.

Ŋwàʼlə̀ Luk 22:30

ndi ghə̀ŋ zhɨ bè nyʉ a mò kəchiʼ a mò soʼ fòyn, ghə̀ŋ be ne ŋwʉʼʉ a foyn ngwàʼsə Islel shìsə njʉ̀sə̀ bò.”

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Kəmwetə 19:4

Vəchəʼ vi njʉ̀sə̀ kàʼ a məwum ə̀ nkàʼ wenə̀ ə̀fo zhwisəvə vi ə̀ kàʼ shiʼi a nse ə̀ ghoʼsə Nyìngòŋ a ghə̀ ə̀ ŋwʉʼ a kəfwoyn ə̀ gàʼ la, “Kə diʼ tò a lì, vəghəŋ ghoʼsə Nyìngòŋ.”

Kəmwetə 7:9

Fà yì a bàm, mà kɨ̀blə̀ ə̀ yen ənòyn ə viʼi və tsenə və taŋə lè mu vəwenə mòʼ vədàlə və fəfəvə nə̀ əzaŋ à vəwenə avu və ti a shɨ ə̀ kəfwoyn kì bènə̀ wàyn bi njɨ̀ yì. Viʼi a vyi ə̀ ndìʼ tənkì tə viʼi no tətsèm, mu və fʉ̀ fa təshyə tə loʼ tətsèm, be gàʼà tò təgàʼ tətsèm.

Kəmwetə 19:14

Vəsugyèʼ və kàŋ ə mòʼ ndisə sə̀ fəfə be ŋwòʼə̀, ə̀ kùʼ a kwi təlyəŋ tə fəfətə sə̀ dzɨ̀mtə̀ dyʉ̀ nə̀ wen.

Kəmwetə 6:11

Və mù kù vədàlə və fəfəvə à vəwenə no vətsèm ə̀ gàʼ à vəwenə la vəwenə be zhʉ̀tə̀ fəshitə̀ ə zaʼa a zhʉ a viʼi a vyi ne be zhwilə vəlèmə̀ vəŋə vi a wenə̀ vəwenə tə̀ ndiʼ ghə̀ŋ və wenə mu kuʼ a muʼu kuʼ ə̀ kwʉ̀ʼ.

Kəmwetə 9:7

Ngùməsə ashìsə ndìʼ to nə̀ təlyəŋ a tə bvʉ̀tə̀ ə dyʉ̀ a ghòŋ sə nkìʼ ə̀fo à vəwenə a tʉ və diʼ a nə̀ təsòʼ tə təfòyn a və shɨtə̀ nə̀ gul

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 3:18

Mà mù sə tyɨftə ghə̀ŋ la ghə̀ŋ zen ə nkàyntə̀ gul fà mò ndi ə ndiʼ viʼi ə ko ə̀ bè zèn vədàlə və fəfəvə mòʼ chiʼtə təwen ə təŋtə tsu ndi ə lyòmtə̀ kətʉ kə diʼikə kì a ghə̀ŋ kiʼi byìʼì ənàʼ ntsuʼ ə vəŋə. Ghə̀ŋ be zèn kəfʉ ə̀ wè à ghə̀ŋ əshɨ ndi ə be ə nyenə əshi

Kəmwetə 4:6

Andìʼ a lì mo be diʼ a mbì kəfwoyn akì baynə to nə̀ awoŋ. Ə̀fo zhwisəvə tsenəvə ndìʼ ə̀kàʼ ə̀kàʼ no təshyə tə kəfwon tətsèm kiʼ ashɨ à vəwenə no ghoʼo fa bàm bènə̀ fa mbì.

Kəmwetə 5:6

Mà yen Bobo Yesò Klistò a ghə̀ ndi to wàyn bi ənjɨ̀, ghə̀ ti a kəshi yì a kəfwon kì ə̀ nti tsu lì mu ə̀fo zhwisəvə vi nə̀ vəchəʼ vi ə nyɨŋ li ə nkaʼ wen. Wàyn bi ənjɨ̀ ayì ə̀ nkìʼ ə ndoŋsə sòmbo bènə̀ ashɨ sòmbo andiʼ əzhwi ə Nyìngòŋ sòmbo a ghə̀ ə̀ ntɨmə̀ a mbi ə̀ tsèm. Wàyn ə̀ bi njɨ̀ ayì ə̀ nkə̀ʼə̀ tò sə və shyə li.

Kəmwetə 5:11

Mà bè sə ki ə̀ yèn ə ntsɨ̀ŋsə ngə̀ŋ ə̀ Nyìngòŋ və taŋə lè, ando sə tɨmə̀ ə̀ kaʼ kəfwon kì əboʼsə nə̀ ə̀fo zhwisəvə vi bènə̀ vəchəʼ vi.

Kəmwetə 14:3

Viʼi a vyi nkamsə ghɨ nə̀ njʉ̀sə̀ kàʼ a məwum ə̀ nkàʼ ə̀ nzɨmə̀ ndzàŋ ə fi kènla wìʼ zì ghə̀ ziʼi əzhɨm əchò tò vəwenə vi a və sə̀ diʼ mu və zen li kətʉ kə vəwenə fa mbi. Vəwenə nzhɨmə ndzàŋ ayì a shɨ kəfwoyn nə̀ ə̀fo zhwisəvə vi ə̀kàʼ bènə̀ vəchəʼ.