Kəmwetə 3:3 - The New Testament in the Babanki language

³ Ghə̀ŋ bwensə̀ kwòʼtə̀ ənyʉ̀ vyi a və ndìʼsə̀ ghə̀ŋ tsu bènə̀ ə̀vi a ghə̀ŋ ə̀ nzhʉ. Ghə̀ŋ kwitə tətyɨm ə təŋtə fà ghə̀ŋ ə mbyɨsə nè ənyʉ̀ a vyi. Ghə̀ŋ sətsèn ə̀ fàŋ ke lùkə̀, mà bvʉ̀tə̀ vì à ghə̀ŋ tò nə̀ tsòŋ kèn la ghə̀ŋ a kɨ zhʉ a mà vì.

Kəmwetə 3:3 Referans Kwoze

Kəmwetə 2:5

Ghə̀ŋ kwoʼtə jì a ghə̀ŋ ə̀ ndìʼ fa tsu a mbì mibu ə fəŋ, ə̀ kwitə tətyɨm ə təŋtə fà ghə̀ŋ ənyʉ̀ byɨvə nshyèʼè ando ghə̀ŋ ə̀ nshwèʼè a mbì. Ghə̀ŋ sətsèn ə̀ fàŋ ke kwitə tətyɨm ə təŋtə fà ghə̀ŋ ə mbyɨsə, mà à vì ə̀ lyèsə̀ kəfo kəŋkə̀ kì a və shɨtə̀ sə tomə kənkàʼtə̀ à yi kətʉ lì fà yi kəshi.

2 Bità 3:10

Alì Nyìngòŋ lu bvɨtə vì a kətsi a wìʼ ko ə kɨ, to nə̀ tsòŋ. A lu ndiʼ a kətsi na yi, kəfo kə zɨ̀mə fa kàŋ, ə kàŋ sàm, ə zhiʼi ə nyʉʼ no tèbe ghò yi a ghə̀ diʼi tsu, nse be mè boʼsə no tèbe nə̀ ghò yi a ghə̀ diʼi tsu.

1 Tèsàlonyà 5:2

Yes ə gàʼa alə̀ byìʼì ando ghə̀ŋ ə kɨ fa ghə̀ŋ ngeŋsə la, kətsi kì a Bobo lu bwenə vi lu kwʉ̀ʼ, ko wìʼ ə kɨ, ghə̀ lu vi ndə̀ŋndəŋ ando tsòŋ nə̀ vi nətʉʼ.

Kəmwetə 16:15

Mà zhʉ ando wìʼ ə gàʼà la, “Ghə̀ŋ zhʉtə a! mà vì a nə̀ tsòŋ. Əsaŋlə ne ə ndiʼ à wìʼ a ghə̀ ŋwʉʼ no a əzhʉ ə̀ kò bvʉ̀tə̀ nə̀ ndisə à wen a wen ndi kə ghə̀ ne jèʼ kənàʼ ntsuʼ a ntìntìn ə̀ viʼi.”

Matìyò 25:13

Yesò gàʼ a lì mù gàʼ la, Ghə̀ŋ sə ŋwʉʼ lì, ghə̀ŋ ntsi kə̀ʼə̀ byìʼàndo ghə̀ŋ ko kɨ̀ kətsi ko zhʉ yi a Wàyn Wìʼ lu bwènə̀ vì.”

Hibùlù 2:1

Ənyʉ̀ na venə ə diʼi la vəghəŋ ə diʼ ə be ə tuʼtə̀ ə ghaʼ kənyʉ̀ na kènkə a vəghəŋ zhʉ̀ lə ndi vəghəŋ na faŋ kò və lə ə ndì.

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

Ŋwàʼlə̀ Mak 13:36

Ghə̀ŋ faŋ ke mbvʉtə̀, ghə̀ à sə kəblə̀ vì ə̀ yèn ghə̀ŋ, ghə̀ŋ bʉnə̀.

Ŋwàʼlə̀ Mak 13:33

Ghə̀ŋ ntùʼmə̀ be bvʉ̀tə̀ byìʼàndo ghə̀ŋ ko kɨ zhʉ a nyʉ̀ avenə lu lyɨ kəshi.

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.

2 Bità 3:1

Kenkə diʼ kənkùmtə̀ kə ŋwàʼlə̀ ə mò a ghə̀ŋ a doŋ shomsə jùŋsə, a diʼ tèbe a tyì ghə̀ ko mu ma dzɨŋtə li ghə̀ŋ nə̀ nyʉ̀ a ghə̀ŋ diʼ kɨ ndi ghə̀ŋ bwensə kwòʼtə nyʉ̀ a vyi nə̀ əkwoʼtə ə laynə ghə̀.

Kəmwetə 3:11

Mà sə̀ laʼtə̀ ə bwènə̀ vì, ghə̀ŋ tuʼù ə̀ ghàʼ tò əziʼi yi a ghə̀ŋ sə̀ kiʼ ndi kə wìʼ lù sòʼ əmoʼtə ghəŋə.

Kəmwetə 2:25

Mà gàʼà tò la ghə̀ŋ ə nshɨ̀tə̀ nè tò kənyʉ̀ a ghə̀ŋ tə nè əzaʼa azhʉ a mà bwènə̀ vì.

2 Bità 1:13

Kə diʼ no nkayn la mà ə ndzə̀ŋtə̀ ə nyʉ̀ a vyi a ghə̀ŋ zaʼa fa kətsi a mà lù pfʉ ndi ghə̀ŋ ə kwoʼtə.

2 Timotì 1:13

Shɨtə ghaʼ nəmwèʼè a ghèn a mà ziʼi à wù lə ə nziʼi à viʼi vətsenvə. Wù sə ə ne ənyʉ̀ a venə, wu shɨ̀tə̀ ghaʼ byɨmə ə wu nə̀ əkòŋ yi a vəghəŋ ə kiʼi à Yesò Klistò.

Kəmwetə 3:2

Ghə̀ŋ lukə lì fa mbəynsə ntùʼmə̀ nə̀ əbyɨmə tyetə yi a ghə̀ŋ bù kiʼi, a bwen a lì mu ghə̀ŋ a myètə pfʉkə byìʼàndo mà yen li la əshwèʼ ghəŋə ko kwʉ̀ʼ a shɨ Nyìngòŋ ghom.

Kəmwetə 22:7

Yesò gàʼ la, “Ghə̀ŋ zhʉtə, ma vi to luwen. Njùŋ nə̀ diʼ a viʼi vyi a və zhʉ ə wʉ̀ nyʉ̀ vyi a və diʼi a ŋwàʼlə̀ ntɨm Nyìngòŋ ə ashə.”