Kəmwetə 3:14 - The New Testament in the Babanki language

¹⁴ Ghə̀ bè gàʼ à mò la, “Nyòʼo à ntsɨ̀ŋ ə̀ ngə̀ŋ ə̀ Nyìngòŋ yì a ghə̀ ə diʼì a ntsèntə̀ viʼi və byɨməvə a Ladesiyà la: Ghèn diʼ ə ntɨm a ghə̀ lu fà wìʼ yì a dzàŋə̀ nə̀ Amèyn, à diʼ ə̀ wen diʼ wu jùŋ yì a diʼì wu yen nəmwèʼè byìʼì Nyìngòŋ. Nyìngòŋ ə̀ nshɨ̀tə no ghò a mbi ə chò fà wen.

Kəmwetə 3:14 Referans Kwoze

Kòlòsyàns 1:15

Wìʼ zizi ko ghə̀ lu yen Nyìngòŋ. Wàyn wen diʼ kədèmdèm kə wen. Ghə̀ diʼ kənfɨsə kə Nyìngòŋ. Mibu Nyìngòŋ nsə nè no ghò mu ghə̀ nsə diʼ. Ghə̀ di Wàyn mbì ə Nyìngòŋ.

Kəmwetə 1:5

Boŋə tyɨm bènə̀ mbwaʼmə̀ be diʼ à ghə̀ŋ fà Yesò Klistò ə wu yenə nəmwèʼè, à dìʼ mbì wìʼ a və nlùsə wen fa əpfʉ, à be soʼo wen soʼo təfòn tə mbi tèntə. Ghə̀ kòŋə̀ vəghəŋ. Ghə̀ shisə̀ li vəghəŋ fà vəghəŋ ə mbyɨsə chò fa wen ə mənlyuŋ a ghə̀ mpfʉ a kəntò ə̀ shʉ̀ʼ.

Kòlòsyàns 1:18

Ghə̀ diʼ kətʉ̀ kə viʼi və byɨməvə no və tsèm a diʼ to wenə wen. Ghə̀ ndiʼi mbì ə bwensə lù fa pfʉ, ə sə soʼo no gho yi.

2 Kolìntyàns 1:20

A diʼ wen a ghə̀ nè no ghò na yi a Nyìngòŋ ə nghʉ kə kwʉ̀ʼ. A lə kənyʉ̀ ki a vəghəŋ nə̀ ngàʼa la, “Amèyn” chò fa a wen azhiʼ, kuʼsə Nyìngòŋ.

Kəmwetə 3:7

“Nyòʼo à ntsɨ̀ŋ ə̀ ngə̀ŋ Nyìngòŋ yì a ghə̀ diʼì a Fìlàdefìyà la: ənyʉ̀ venə gàʼ wìʼ yì a ghə̀ ŋwòʼə̀, diʼ nəmwèʼè be kiʼ kənzàs kə ngə̀ŋ fòyn Devìt a ghə̀ sətsen ə bòʼò kò ndiʼ la wìʼ zi ghə̀ shwìnə̀, be shwìnə̀ ko ndiʼ la zi ghə̀ bòʼò.

Kəmwetə 22:13

Ma diʼ Alfà be diʼ Omegà, mu à le kəzìtə̀ nə̀ kəmwètə kə nyʉ̀ ə tsèm.”

Kəmwetə 19:11

Mà sə kɨ̀blə̀ yen ando əkaŋ ə boʼmə̀, əlyəŋ ə fəfə ghə̀ tsenghə tɨmə à mò a shɨ. Əzhiʼ wìʼ a ghə̀ ə̀ ŋwʉʼ à yi kwì ə̀ ndìʼ, “Wu jùŋ yì a diʼì nəmwèʼè a ndiʼ Yesò Klistò.” Ghə̀ soʼo to ji tɨmə soynə viʼi kəbàyn ə wen.

Kəmwetə 22:6

Ntsɨŋ Nyìngòŋ ayi ə mu gàʼ a mò la, “Ənyʉ̀ venə a mà gàʼa lə ne diʼ to no nəmwèʼè, kwʉ̀ʼʉ̀ ando no ndo byɨmə. Bobo Nyìngòŋ yi a ghə̀ kù kəzhwì kə wen a nshə̀ʼtə̀ sə ghoʼsə tɨmə Ntsɨŋ Nyìngòŋ la ghə̀ diʼ nyʉ̀ vyi a və sə kəŋ ə fʉ̀ a viʼi və shyèʼ və nə̀ Nyìngòŋ ndiʼ vəwenə nə̀ kɨ.”

Kəmwetə 21:6

Ghə̀ ngaʼa li mbe gaʼa a mò la, “Ənyʉ̀ ə tsèm ə kuʼu li! Ma diʼ Alfà be diʼ Omegà, mu à lə kəzìtə̀ nə̀ kəmwètə kə nyʉ̀ ə tsèm. Ma na ku mu no tèbè a ndò yi a ətoŋ mu nə̀ zɨmtə wen, a ghə̀ nyʉ ə faŋ kò ghə̀ lə lòʼ kəfo. Mu na mèyn ə na fʉ̀ fa, ə ghoʼomə yi a ghə̀ nè viʼi tsi.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 2:1

Ghə̀ gàʼ la, “Nyoʼo à ntsɨ̀ŋ ngə̀ŋ Nyìngòŋ a ngə̀ŋ ntsèntə̀ viʼi və byɨməvə a Efesùs la, Ghèn diʼi ntɨm fà wìʼ yì a ghə̀ ghaʼà mədzɨ̀ŋ mì sòmbo à wen ə kəvu kə kwoŋ ə toghə sə jèʼè kaʼa fa tì ə̀fo vi sòmbo a və tomtə̀ ə̀ nkàʼtə̀ tsu mu və shɨ̀tə̀ nə̀ gul lì.

Kòlòsyàns 4:16

Ghə̀ŋ dzàŋ ŋwàʼlə̀ ghèn a ghə̀ŋ a ntìntìn, ghə̀ŋ nè və dyʉ̀ dzàŋ a ənòyn ə viʼi və byɨməvə vi a və diʼ a Làdisìyà. Ghə̀ŋ bè dzàŋ yi a mà nyoʼo, ghə̀ diʼ ə lù fa Làdisìyà ə vi a ghə̀ŋ.

Kòlòsyàns 2:1

Ma kəŋ la ghə̀ŋ kɨ ando ma ntaŋkə li ne shwèʼè no nə̀ kədyoʼkə a ghə̀ŋ viʼi və byɨməvə və, ə be ə shwèʼè a viʼi vyi a və tsi a loʼ Làdisìyà no vətsèm nə̀ vi a nkàyntə̀ vəwenə ko tɨmə yen mò.

Joyn 1:3

Nyìngòŋ ə shɨtə ə fo ə tsèm ə chò fa wen, mu à mbwen fa wen mu və ko nshɨtə no tèbe ghò yi a və ndiʼ mù və shɨtə li.

Joyn 8:14

Yesò ə gàʼ a vəwenə la, “no tebe ando ma gaʼa byìʼì ngeŋ ə ghom, kənyʉ̀ ki a ma gaʼa diʼ to no nəmwèʼè, byìʼàndo ma kɨli kəshi kì a mà lu fa tsu, ə be kɨ kəshi kì a ma dyʉ̀ tsu. Alì, wìʼ fa ghə̀ŋ ə ko kɨ la, mà lu fa fe lò, sə dyʉ̀ fe lo.