Kəmwetə 20:8 - The New Testament in the Babanki language

⁸ ghə̀ fʉ ə̀ vì ə̀ dyʉ̀ ə lobtə təloʼ tə təshyə tə mbi tèn təkàʼ andiʼ Gog wenə̀ Magog la vəwenə tsentə a kəshi kə mùʼ ə̀ soyn. Viʼi təloʼ avenə lu ghoʼo to nə̀ kəsese kə̀ a mu mə nghoʼomə̀.

Kəmwetə 20:8 Referans Kwoze

Kəmwetə 16:14

Əzhwi byɨvə avenə ndìʼ vədeblə̀ a və̀ njèʼè dìʼì əchwitə kanəvə. Əzhwi a vyi ə̀ njèʼè dyʉ̀ no à təfòyn tə tsèm a mbi ə tsèntə vəwenə a kəshi kə mùʼ ə vəwenə baʼtə̀ soyn a kətsi kə ghoʼokə Nyìngòŋ ə Tìʼ àdyoʼ ə̀ tsèm.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.

Kəmwetə 20:3

Ghə̀ kwiʼ a lì ə̀ mòʼ shìʼsə nə̀ wen a nkwòŋ yì ə̀ shɨ̀tə̀ shwìn əchʉ yì à wen kətʉ ndi kə ghə̀ be à lobtə viʼi əzaʼa fa zhʉ a ngʉ̀ʼsə sènsə nkam ə me li. Əzhʉ aghenə ne cho ə və zàytə wen to fəshitə̀ fə zhʉ alə̀.

Hibùlù 11:12

A le kənyʉ̀ kì a kə nè, Ablaham kiʼi vunə, və ghoʼo chò mədzɨ̀ŋ mì a mə diʼi akàŋ, be ghoʼo chò kəsese kì a kə diʼi a fwàyn a wìʼ ko zizi ghə̀ taŋ no tèbe ando ghə̀ ndiʼ mu ghə̀ dwinə li ə sə laynsə diʼ sə ghə̀ pfʉ li.

Kəmwetə 7:1

Kənyʉ̀ kə tsen a mà ə̀ mbè yen ə̀ ndìʼ ntsɨ̀ŋsə ngə̀ŋ Nyìngòŋ sə̀ kàʼ sə ti a təshyə tə mbi tèn tə kàʼ. Vəwenə nti a lì ghaʼa fwof fa təshyə tèn tə kàʼ ndi kə ghə̀ à chò fa nse, ko fa mù, ko ə nə̀ʼ fəkòʼ.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.