Bib sou entènèt

Kəmwetə 2:9 - The New Testament in the Babanki language

⁹ Mà kɨ ngəʼsə shìsə a ghə̀ŋ ə yenə. Mà kɨ la ghə̀ŋ ə femə alì diʼ viʼi vəghoʼ kəvə a kəzhwì. Mà kɨ ənyʉ̀ byɨvə a viʼi a və lyɨ̀ la vəwenə diʼ vəjew alì kèn la vəwenə ghʉ tə ziʼi tə viʼi Jus ə gàʼà byìʼì ghə̀ŋ. Vəwenə diʼ viʼi ə nòyn ə̀ Satan.

Gade chapit la Kopi

tounen moute ⬆

Kəmwetə 2:9
29 Referans Kwoze

Kəmwetə 3:9

Ghə̀ŋ zhʉtə a! mà a nè viʼi ntsèntə̀ Satan vi a və jèʼè lobtə̀ gàʼà la vəwenə diʼ vəjew lì, ə vəwenə vi ə̀ làŋtə à ghə̀ŋ a shɨ ə̀ yèn la mà kòŋə̀ ghə̀ŋ.

2 Kolìntyàns 8:9

Ghə̀ŋ kɨli kòŋ ə kaynəghə yì a Bobo vəghəŋ Yesò Klistò tə kòŋ vəghəŋ. Ghə̀ ndiʼ wu ə ghoʼo ə kaʼkə wù kəfem byìʼì ghə̀ŋ ndiʼ kəfem kəwen kə ne, ghə̀ŋ kiʼi əghoʼ ə Nyìngòŋ.

Lumans 9:6

Ma ko gaʼa alə ə fʉ̀ la Nyìngòŋ ə ko ə ne kənyʉ̀ ki a ghə̀ ə ghʉ̀. Jòʼ, Kə diʼ la, à ko diʼ viʼi Islel və tsèm a Nyìngòŋ ə tsuʼ a viʼi wen.

2 Kolìntyàns 6:10

Yès ə saŋlə to saŋlə no tèbe a tyi ngəʼsə. Və lyɨ yès a viʼi kəfem ali yès ne viʼi əghoʼ a vəwenə əbyɨmə. Yès diʼ tò sə yès əko kiʼi kəfo, ali kiʼi to əfò ə tsèm.

1 Timotì 6:18

Gaʼa la vəwenə ə ne ə nyʉ̀ jùŋvə bè dìʼ viʼi və ghoʼkəvə cho fa nyʉ̀ vyi a vəwenə ə nè, mwòmsə̀ ku bè gətə əfo vi a vəwenə ə kiʼi wenə viʼi vətsenvə.

Ŋwàʼlə̀ Luk 4:18

Kəzhwì kə Bobo kə diʼ à mò a kətʉ, byiʼ ando ghə̀ tsuʼ li mò la ma shə̀ʼtə ntɨm jùŋ a viʼi a və femə a kəzhwì. Ghə̀ tɨm li mò la mà laʼà à viʼi vyi a və ghaʼtə li la kətsi kə kwʉʼli ə və ghʉsə vəwenə, be ntɨm mo la mà laʼà à nshɨfə la kətsi kə kwʉʼli ə vəwenə yenə shi, ə be shisə viʼi vyi a və nyàblə̀ nə̀ vəwenə li fa ngəʼ,

Kəmwetə 2:2

Mà kɨ əshyèʼ ə̀ ghəŋə. Mà kɨ li ando ghə̀ŋ ə shwèʼè nə̀ kədyoʼkə bènə̀ jì a ghə̀ŋ ə kə̀ʼtə̀ nə̀ tətyɨm tə zhʉtə fa tsu. Mà kɨ la ghə̀ŋ ə ko ghʉ̀sə viʼi tətyɨm tə byɨtə, be mwòmsə dìʼ laynsə viʼi vyi a vəwenə gàʼà la vəwenə diʼ viʼi ntɨm ə̀ Yesò alì kènla vəwenə diʼ ə yen la vəwenə diʼ viʼi ə ndzɨ̀ŋsə.

Ŋwàʼlə̀ Luk 6:20

Ghə̀ tsoʼsə ashɨ wen ə ki ndzɨ̀mtə̀sə bàm wen ə gàʼ à vəwenə la: “Mbwaʼmə diʼ a ghə̀ŋ viʼi a və ko təmə byɨmə byìʼàndo soʼ foyn Nyìngòŋ kiʼ ghə̀ŋ.

Lumans 12:12

Ghə̀ŋ saŋlə kumə nyʉ̀ vyi a ghə̀ŋ kɨ la və diʼ ambì. Ngəʼsə nvi a ghə̀ŋ, ghə̀ŋ wensə to wensə be jɨ̀mə̀ to məzhʉ̀ ə tsèm.

Lumans 5:3

Vəghəŋ ə nsaŋlə̀ to saŋlə a ntìntìn ngəʼ yi a vəghəŋ ə yenə byìʼì ando vəghəŋ ə kɨ la ngəʼ ə vi nə̀ ghaʼa tyɨmə.

1 Timotì 1:13

Nyìngòŋ ə kusə shinsə ə ne ənyʉ̀ a venə à mò no te ando ma nlu sə ziʼi ənyʉ̀ ə byɨvə byìʼì wen, bè nyàblə̀ nə̀ wen, telə̀ wen, byìʼì ando ma ə nko təmə ə diʼ wù ə byɨmə, ken la ma nkɨ li kənyʉ̀ a ma ənè.

1 Tèsàlonyà 3:4

Ghə̀ŋ nkɨli nyʉ na vyi byìʼì ando à ə ndiʼ ando vəghəŋ ə mbo diʼ to a muʼ, yes ə shə̀ʼtə̀ a ghə̀ŋ to fa chʉʼ na ghèn la, və be lù ku ngəʼ a vəghəŋ, kə tə jèʼ ə kwʉʼ to ando ghə̀ŋ ə kɨ.

2 Kolìntyàns 8:2

Vəwenə tə nyenə ngəʼ no nànto cho fa mwomsə ə kaynəghə a ghə̀ tə vi a vəwenə ali vəwenə sə bo kiʼi to saŋlə ə ghoʼo ghə̀ ə nku no nànto ə tomsə shyèʼ ə Nyìngòŋ. Vəwenə tə nku ali, sùtə̀ femə no nànto.

Lumans 8:35

A zizi a ghəsə no ghò ə gə̀sə̀ vəghəŋ fa kòŋ ə Yesò a? A zizi a gə̀sə̀ ngəʼsə a ghə̀ byɨfə mu, nyʉ̀ ando və to mu, kəghʉ̀ kə vəghəŋ a və tsuʼ mu, jɨŋ a ghə̀ ku vəghəŋ mu, kəfem mu, pfʉ a ghə̀ shwetə vəghəŋ mu, no əpfʉ̀ yì a ghə̀ diʼ lù vi a vəghəŋ mu?

Kəmwetə 7:14

Mà bwènsə̀ à wen la, “Ba, à kɨ̀ tò wù.” Ghə̀ mù gàʼ à mò la, “Venə diʼ viʼi a və cho li fa tì ngəʼsə sə̀ fàynsə sə̀. Vəwenə nshʉ li vədàlə və vəwenə ne mənlyuŋ mə wàyn bi ənjɨ̀ və sə fəfə fəfə.

Ŋwàʼlə̀ Luk 22:65

Vəwenə bè sə telə wen gàʼà ngwaʼ à nyʉ̀ byɨvə a wen.

Ŋwàʼlə̀ Luk 12:21

Yesò mù gàʼà myetə la, “A lè ndo kə diʼi à viʼi vyi a və ghʉ ghoʼo vəwenə à vəwenə ngə̀ŋ ali kò vəwenə lə̀ kwʉʼ ashɨ Nyìngòŋ.”

Lumans 2:17

Ghə̀ŋ viʼi Jus ə naynə gàʼa la ghə̀ŋ tsi to a soʼ, vye Nyìngòŋ ə diʼ akayn.

Shwèʼ 26:11

Mà nku ngəʼ à vəwenə no a aloʼ ntsèntə̀sə no tsèm no a məzhʉ̀ ntsèm be mwòmsə̀ la vəwenə tyen byɨmə vəwenə à Yesò. Mà mbàynə̀ vəwenə no a jì a mà nlu dyʉ̀ a təloʼ tə tɨm ku ngəʼ à vəwenə tsu.

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.

Kəmwetə 2:24

Ghə̀ŋ vətsenvə diʼ a Tatiliyà a ghə̀ŋ tyen li təziʼi tə byɨtə a tèntə, ghə̀ŋ ko ziʼi ənyʉ̀ vyi a viʼi vətsenvə dzàŋə̀ nə̀ ənyʉ̀ lyomtəvə Satan. Mà sə gàʼà à ghə̀ŋ la mà ko be a ku kəbyèʼè kətsenkə à ghə̀ŋ.

Swiv nou:

Lyen patwone

Piblisite

Piblisite