Kəmwetə 19:10 - The New Testament in the Babanki language

¹⁰ Mo Joyn shiʼi a nse la ma kəŋə ghoʼsə wen alì ghə̀ gàʼ à mò la, “Kə a mwòm! mà bè dìʼ wù shyèʼ ə̀ Nyìngòŋ to nə̀ wù əboʼsə nə̀ vəlèmə̀ vyə vi a və̀ nshɨ̀tə̀ ghàʼ nəmwèʼè yì a Yesò ə̀ ndiʼì. Ghoʼsə Nyìngòŋ.” Nəmwèʼè ayì a Yesò ə̀ nlù dìʼ a ndayn dìʼ kənyʉ̀ a kə gyàmtə̀ nshə̀ʼtə̀sə sə̀ghoʼkəsə la sə̀ nshə̀ʼtə̀ kənyʉ̀ kə Nyìngòŋ.

Kəmwetə 19:10 Referans Kwoze

Joyn 5:39

Ghə̀ŋ ziʼi Ŋwàʼlə̀ Nyìngòŋ byìʼàndo ghə̀ŋ kwòʼtə la ghə̀ŋ na yen ji a ghə̀ŋ ne kiʼi bwoŋ yi a ghə̀ ko lu mè. A diʼ to ŋwàʼlə̀ Nyìngòŋ na ghèn a ghə̀ gaʼa kumə mò.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Kəmwetə 4:10

Vəwenə nzhɨmə a lì no zhʉ kò, vəchəʼ vi njʉ̀sə̀ kàʼ a məwum ə̀ mbò laŋtə̀ a shɨ wìʼ yì a ghə̀ ŋwʉʼ a kəfwoyn lì ghoʼsə̀ wen yì a ghə̀ ə diʼì no məzhʉ ə̀ ntsèm. Vəwenə mbe tsuʼtə̀ təsòʼ tə təfòn ə̀ vəwenə tì mòʼò a mbì kəfwon kì zhɨmə ndzàŋ la,

Kəmwetə 12:17

Nyàm ə fànsə ayì fwisə tin à wùwì yì ə̀ lù ə̀ dyʉ̀ əzìtə̀ əghoŋ à viʼi ngwàʼa ngə̀ŋ wùwì ayì, andiʼ viʼi vətsèm vi a və ghʉ təsoʼ tə Nyìngòŋ be shə̀ʼtə̀ ənyʉ̀ a Yesò ə̀ ndiʼi a ndayn.

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.

1 Joyn 5:10

No ndò a ghə̀ byɨmə à wàyn Nyìngòŋ ə kɨ kənyʉ̀ akènkə tò a wen a tyɨm. Wìʼ a ghə̀ ko byɨmə Nyìngòŋ, ə ne li wen a wù ndzɨ̀ŋ byìʼàndo ghə̀ ko byɨmə kənyʉ̀ a Nyìngòŋ ə gàʼà byìʼì wàyn wen.

Hibùlù 12:25

Ghə̀ŋ tuʼmə li kə wìʼ fa ghə̀ŋ a tyen la ghə̀ ko diʼ nzhʉ fa Yesò. Vunə Islel ə tyen li ə zhʉ fa wìʼ yi a ghə̀ nshə̀ʼtə̀ əsoʼ ə Nyìngòŋ a vəwenə a nse ə kwen a ngəʼ. Kə lə diʼi la vəghəŋ sətsen tyen ə zhʉtə gɨ Yesò mu ghə̀ lu fa kàŋ, ko vəghəŋ lu faŋ ke kwen a ngəʼ.

Matìyò 4:10

Yesò gàʼ à wen la,“Bwènə̀ fa mò a bàm a Satan! Və nyòʼ li a ŋwàʼlə̀ Nyìngòŋ la,‘Wù diʼi ə gumlə tò Bobo Nyìngòŋ wù bè shyèʼ tò a wen.’”

Kəmwetə 14:7

Ntsɨ̀ŋ ngə̀ŋ ə̀ Nyìngòŋ ayì ə̀ nzɨmə̀ gàʼà no a gɨ̀ to la, “Ghə̀ŋ ə̀ nghoʼsə̀ Nyìngòŋ byìʼe əzhʉ kwʉʼ li ə ghə̀ soʼ viʼi. Ghə̀ŋ ghoʼsə̀ wen yì a ghə̀ ə̀ nshɨ̀tə̀ kaŋ nə̀ nse nə̀ ə̀mu mə ghoʼomə̀ bènə̀ ashɨ a mu nfʉ fa tsu.”

Kəmwetə 15:4

Tìʼ, a lè à faŋ ndo ke mfànə̀ be ghoʼsə̀ əzhiʼ ə̀ wu a? Adìʼ tò wunyɨŋ diʼ wu ŋwòʼə. Viʼi təloʼ tə tsèm ə lù vi ghoʼsə̀ wù byìʼàndo viʼi vətsèm ə yen li a ndayn la əshyèʼ wu diʼ əshwèʼ ə tɨməghə.”

Shwèʼ 10:43

A dìʼ byìʼì wen a nshə̀ʼtə̀sə ghoʼkəsə no sətsèm nlù gàʼ la, à byɨmə tè ndò à wen, Nyìngòŋ a lyesə nyʉ̀ byɨvə wen byìʼì Yesò.”

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Ŋwàʼlə̀ Luk 24:44

Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Ŋwàʼlə̀ Luk 1:19

Ntsɨŋ Bobo yì gàʼ la “A diʼ mo Gabliyà a ghə̀ ŋwʉʼ a mbyɨ Nyìngòŋ. A təmə wen tɨm mo la ma vi shə̀ʼtə̀ ntɨm jùŋ ghèn à wù.

Ŋwàʼlə̀ Mak 5:22

Tò a zhʉ ayì, kətʉ kə ngə̀ŋ ntsèntə̀ kətsenkə a və ndzàŋə̀ wen nə̀ Jailùs vì ə̀ yèn Yesò no a zhʉ̀ kò ə̀ fə̀ŋ à wen a shɨ

Shwèʼ 13:27

Viʼi vi a və ntsi a Jelusalèm nə̀ viʼi a və nsoʼo vəwenə nko kɨ la Yesò ndìʼ Mbwòŋsə̀: Vəwenə mbe zhʉ kò vəwenə lu nkɨ nyʉ̀ vyi a nshə̀ʼtə̀ sə ghoʼkəsə nlù nyòʼ ə̀ ghʉ, və sə dzàŋə̀ no mətsi mə nzhʉtə mə̀ vəwenə ntsèm. Alì vəwenə nè la nyʉ̀ vyi a nshə̀ʼtə̀sə nlù nyòʼ byìʼì Yesò kwʉʼ no tsèm a ji la vəwenə nzhwi li wen.

1 Joyn 5:21

Kə ghə̀ŋ a nkiʼ kənyʉ̀ kə tsenkə nè wenə vənyìngòŋ a vunə vwomə.

1 Tèsàlonyà 5:15

Kə wìʼ fa ghə̀ŋ nə̀ bwensə mbyɨ nə̀ mbyɨ, ghə̀ŋ mwomsə ə nè nyʉ̀ ə jùŋə və a ghə̀ŋ təwen, be nè a viʼi və tsèm.

Efisyàns 5:15

Ghə̀ŋ ə ntùʼmə̀ li a ji yi a ghə̀ŋ tsi fa tsù. Kə ghə̀ŋ nè ntsi to nə̀ nkoynə, ghə̀ŋ ə̀ ntsi to nə̀ viʼi və tofəvə.

2 Kolìntyàns 8:7

Ghə̀ŋ diʼ mu ghə̀ŋ shə̀tə̀ li mbyɨmə ə sə be shə̀tə̀ shə̀ʼtə̀ kənyʉ̀ kə Nyìngòŋ be kiʼ ətof no nànto. Ghə̀ŋ shətə li ghʉ kətʉ ə kəŋkə̀ a kənyʉ̀ kə Nyìngòŋ ə sə be kòŋ yès no nànto. Ghə̀ŋ shətə li ghaʼ kəku na kenkə a diʼi shyèʼ ə jùŋghə na ghenə.

Ŋwàʼlə̀ Mak 7:25

Wùwì tsen ndìʼ tsu kiʼ wàyn a ghə̀ nkìʼ kəzhwì kə byɨkə. Ghə̀ nè zhʉ̀ tò zhʉ la Yesò dìʼ a ngə̀ŋ ayì ə̀ vì fə̀ŋ à wen a shɨ mù sə sensə̀ wen la ghə̀ dzɨ̀m shìsə̀ kəzhwì kə byɨkə akì. Andìʼ a lì wùwì aghèn ndìʼ wù kətɨm mu və bwi wen a Fònisiya a loʼ Sylia.

Efisyàns 5:33

Luwen le no wulɨm ko kòŋ wi wen ndə̀ŋndəŋ ando ghə̀ kòŋ wèn ə wen. No wùwì ko be gumlə lɨmə wen.

Kəmwetə 1:1

Ŋwàʼlə̀ ghèn dìʼ byìʼì ənyʉ̀ a Yesò Klistò ə̀ ndìʼi a ndayn. Nyìngòŋ ə̀ nku ənyʉ̀ avenə la ghə̀ diʼ à viʼi shwèʼ ə wen ənyʉ̀ vyi a və sə̀ laʼtə̀ ə fʉ̀. Klistò ə̀ ne Joyn kɨ ənyʉ̀ avenə chò fà ntsɨ̀ŋ ə̀ wen a ghə̀ ntɨmə̀ à Joyn.

Kəmwetə 19:9

Ntsɨ̀ŋ ngə̀ŋ Nyìngòŋ mù gàʼ à mò la, “Nyoʼo kənyʉ̀ kènkə la, ‘Njùŋ dìʼ à viʼi vyi a və laʼà la vəwenə vi ə̀ zhɨ əlam ə wàyn bi ənjɨ̀.’” Ghə̀ bè gàʼ à mò la, “əgàʼ ghenə lù fà Nyìngòŋ, diʼ nəmwèʼè.”