Kəmwetə 16:10 - The New Testament in the Babanki language

¹⁰ Ntsɨ̀ŋ ngə̀ŋ ə̀ Nyìngòŋ tsen ə sə ndiʼ sətàyn shʉ̀ʼ ə̀ shìʼsə kəkaŋ kə wen a kwi kəfwoyn ə̀ nyàm ətoʼ yì, kəshi kì a ghə̀ ə̀ nsoʼo tsu lì fen no kətsèm. Viʼi vi a və̀ ndìʼ à wen ə̀soʼ fòyn ayì sə lèmə̀ lɨmə vəwenə a əlɨ̀m yi a vəwenə nzhʉ.

Kəmwetə 16:10 Referans Kwoze

Kəmwetə 9:2

Fədzɨ̀ŋ a fìfə bòʼ əchʉ̀ ə nkwòŋ ayi, fələʼ fə tsenfə fʉ̀ ə̀ kùʼ fa tsu kə̀ʼə̀ tò sə fə fʉ̀ fa əchɨ əzhiʼ ghoʼoghə. Fələʼ afìfə fʉ̀ ə̀ fènsə̀ shi kènla chwìchwì bè baynə shiʼì.

Matìyò 8:12

Və lu bòŋsə̀ dzɨ̀m vunə ntuʼ vyì a və diʼ ndiʼ tsu, ə vəwenə fʉ̀ dyʉ̀ a tyì kəbəŋ kəfenəkə a və ne ndì sə̀ʼtə̀, pfiʼ asoŋ vəwenə.”

Kəmwetə 18:23

Wìʼ ko lu be yen əbayn ə kənkàʼtə̀ ghə̀ baynə a ntə̀ʼ ghèn. Wìʼ ko lu be zhʉ gɨsə viʼi və laməvə a shyə̀. Viʼi mbàʼànkùm ə̀ ndìʼ no viʼi vəghoʼkəvə a nse, wù be lobtə̀ viʼi nə̀ əshəŋə fənyoʼ.

Kəmwetə 17:17

Kə diʼ alə̀ byìʼàndo Nyìngòŋ ə ghʉ li à vəwenə tətyɨm la vəwenə tsentə̀ nè tò kənyʉ̀ a ghə̀ kəŋə. Vəwenə ku kədyòʼ à nyàm yì la ghə̀ ə nsoʼo əzaʼa fa zhʉ a ənyʉ̀ no tsèm a Nyìngòŋ ə̀ ngaʼà ə kwʉʼ li.

Matìyò 22:13

Fòyn mù gàʼ à viʼi shwèʼ wen la, “Ghə̀ŋ kwiʼ akwoŋ wen bènə̀ afwen wen shìsə̀ wen mòʼò dyʉ̀ a kəbəŋ kə fenəkə a kəshi a ghə̀ a nlyuŋlyuŋ dì tsu be pfiʼi asoŋ wen.”

Kəmwetə 18:21

Ntsɨ̀ŋ ngə̀ŋ ə̀ Nyìngòŋ ghoʼo tsen mù lyɨ̀ ə ngùʼ ghoʼo tsen ə̀ tem a tì ə̀mu ə̀ gàʼ la, “A lè ando və lu lyɨ̀ Babilòyn ə ntə̀ʼ ə ghoʼo ghèn ə tem ə shiʼsə no nə̀ kədyoʼkə kèn la və be lu yenə wen.

Ŋwàʼlə̀ Luk 13:28

Ghə̀ŋ lu yen Ablaham nə̀ Izìk nə̀ Jàkob bènə̀ nshə̀ʼtə̀ sə ghoʼkə sə no sətsèm a kəshi kə fòyn Nyìngòŋ ghə̀ŋ mu lyuŋlə dì, be pfiʼi asoŋ ghəŋə mù və shwinəli chʉ̀ ghə̀ŋ ə màʼà ghə̀ŋ a kəbəŋ.

Matìyò 24:51

ə̀ lyomsə wen no a ji byɨ ə̀ we wen a nòyn viʼi vyi a və bɨ̀lə̀ ashɨ viʼi nə̀ nè nyʉ̀, wenə̀ vəwenə nlyuŋlyuŋ dì be pfiʼi asoŋ.”

Kəmwetə 17:9

“Kènkə diʼ mu wù yi ə ntofə wù à kwòʼtə̀ ə̀ kɨ: Ətʉ venə sòmbo dìʼ pfensə sòmbo, à diʼ səwensə a wùwì ghèn ə ŋwʉʼ à yi ətʉ.

Matìyò 13:50

ə mòʼ vəwenə a kəshi kə zhìʼ, vəwenə nlyuŋlyuŋ dì be pfiʼi asoŋ tsu.

Matìyò 13:42

ə̀ mòʼ vəwenə a kəshi kə zhìʼ ə vəwenə nlyuŋlyuŋ dì be pfiʼi asoŋ.

Kəmwetə 18:2

Ghə̀ zɨmə̀ gàʼ no əgɨ̀ ə to la, “Ghə̀ ə fəŋ li, Babilòyn ntə̀ʼ ə ghoʼo yì ə fəŋ li! A sə̀ diʼ kəshi a vədeblə̀ nə̀ zhwì byɨvə nə̀ mənyin mə kəmɨ̀ŋ mə mbyɨ ə tsi tsu no ntsèm.

Kəmwetə 11:10

Viʼi vi a və̀ ntsi a nse sə saŋlə̀ be zhɨ təwen tə vəwenə byìʼì əpfʉ ə viʼi avenə. Vəwenə sə ku be shi ə̀fo fà vəlèmə byìʼàndo nshə̀ʼtə̀sə sə̀ ghoʼokə asènsə sə̀ bò sə pfʉkə li mu sə̀ nku ngəʼ ghoʼo à viʼi a nse.

Kəmwetə 11:8

Təbven tə vəwenə tə ne faŋ tò a ji ə to a ntə̀ʼ ghoʼo yì a və̀ mbantə Bobo ə̀ vəwenə tsu a kəntò. Viʼi vətsenvə toŋtə̀ ntə̀ʼ ayì nə̀ Sodòm ko nə̀ Ijìb.

Kəmwetə 11:2

alì kə a shyə̀ʼ fətin fə ngə̀ŋ Nyìngòŋ ə ghoʼo byìʼe və ku li à viʼi ə tɨm la vəwenə tuʼlə̀ byɨ̀sə ntə̀ʼ ŋwoʼə a vəsàŋ njʉ̀sə̀ bò a məwum ə̀ nkàʼ.”

1 Bità 2:17

Ghə̀ŋ ə gumlə viʼi vətsèm no nkayn, kòŋ vəlemə vəŋə ə viʼi və byɨməvə, fwaynə Nyìngòŋ, be gumlə fòyn ghoʼo yi a ghə̀ soʼo ghə̀ŋ.

Kəmwetə 8:12

Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen à ndiʼ vəkàʼ, kəfo kə pfèn ə̀ byɨsə shyə mùʼ fa təshyə tətaʼ ə̀ chwìchwì nə̀ əsàŋ bènə̀ mədzɨ̀ŋ nè chwìchwì ko bè bayn a kətemə kə zhʉ kə mùʼ fa tì ntemə taʼ ə̀ nə̀nchwì ə̀ bè nè kèn la sàŋ wenə mədzɨ̀ŋ ə bayn li a kətemə kə zhʉ kə mùʼ fa tì ntemə taʼ ə̀ nəntʉʼʉ.