Kəmwetə 14:4 - The New Testament in the Babanki language

⁴ Viʼi avenə ndìʼ vi a vəwenə nko byɨsə təwen tə vəwenə wenə̀ və ki; à dìʼ vəwenə a vəwenə dzɨ̀mtə̀ wàyn bi ənjɨ̀ no fe a ghə̀ dyʉ̀; à dìʼ vəwenə a və̀ ndìʼ mu və zen li kətʉ kə vəwenə fà Wùmə̀nsòŋ vəwenə sə diʼ mbì ashɨ nkòʼ à Nyìngòŋ wenə̀ wàyn bi ənjɨ̀.

Kəmwetə 14:4 Referans Kwoze

Kəmwetə 3:4

Alì viʼi vətsenvə bù dìʼ tò və tyetə a Saldìs a vəwenə ghʉ ə̀ ndisə vəwenə sə̀ laynə. Vəwenə lu mòʼ ə ndisə fəfəsə yo vəwenə njèʼè a muʼu byìʼàndo vəwenə layn li ə nkwʉʼ.

2 Kolìntyàns 11:2

Ghə̀ŋ ə̀ kɨ la ma shɨmtə ghə̀ŋ no nànto ndə̀ŋndəŋ to ando Nyìngòŋ ə shɨmtə. Mà sə diʼ mù ma fas li ə ku ghə̀ŋ a lɨm, a diʼ Yesò, kəŋ la kə ghə̀ŋ ne nkiʼ əmbyɨ no fa mpfen azhʉ̀ a ma kù ghə̀ŋ a wen.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.

Joyn 12:26

No ndo sətsen ə nshyèʼ a mò, mu ghə̀ diʼ ə dzɨ̀mtə̀ ghom diʼ yowù ə shwèʼè ə mò ne diʼ to akəshi kə mùʼ. Tìʼ ghom ə na ku əmoʼtə a wìʼ yi a ghə̀ shyèʼ a mò.”

Joyn 10:27

Byi shomsə ə zhʉ̀ gɨ ghom, dzɨ̀mtə̀ mò, ma kɨ səwensə.

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

1 Kolìntyàns 6:20

Nyìngòŋ sə diʼ mù ghə̀ zen li ghə̀ŋ ə lòʼ. Ghə̀ŋ lyɨ̀ li təwen ə təŋtə ə nè nyʉ̀ tsu a və ku əkuʼsə a Nyìngòŋ.

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

Efisyàns 1:14

Kəzhwì kə ŋwoʼkə a ki kə diʼ nchwi ə diʼ la zhʉ ə lu kwʉ̀ʼ, a vəghəŋ a kiʼi kəfo kì a Nyìngòŋ əghʉ a viʼi wen, ali nakènkə nè yes kɨ la Nyìngòŋ ne nè no a ndò a diʼ wù wen ntsentə diʼ to fa wen ngəŋ. Vəghəŋ kuʼsə Nyìngòŋ byìʼì kədyòʼ kə wen.

1 Kolìntyàns 16:15

Ghə̀ŋ kɨli Sɨ̀tèfanàs a vəlemə vwomə, wenə viʼi ngwaʼ ə wen diʼi mbìsə viʼi əbyɨmə Akayà. Vəwenə ku li təwen tə vəwenə sə gyamtə viʼi Nyìngòŋ. Ma sə sensə ghə̀ŋ la,

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Joyn 13:37

Bità ə bèm a wen la, “Mà zizi ko ma lu dyʉ̀ luwen byìʼì ghò a Bobo? Ma zizi ma pfʉ̀ byìʼì wù.”

Matìyò 25:1

Yesò bè mò ngàyn ə tsen gàʼà la, “Wàyn Wìʼ lu sə mbwènə̀ vì, soʼo Fòyn Nyìngòŋ ndiʼ tò nə̀ fətitì fə ngòynsə ki sətsensə ə̀ wum, a sə nlù dyʉ̀ sə kə̀ʼtə̀ wùlɨm lam a ghə̀ ndiʼi vì. Vəwenə sə ndyʉ̀ no ndò lyɨ̀ kənkàʼtə̀ kəwen.

Matìyò 8:19

Sə laʼtə ndìʼsə̀ soʼ tsen vì a Yesò ə toŋtə wen ə gàʼ la, “Ndìʼsə̀, mà a dzɨ̀mtə̀ wù ə dyʉ̀ no fe a wù dyʉ̀.”

1 Timotì 4:3

Viʼi a venə ə ziʼi viʼi la kə vəwenə ə bè lam bè gàʼa la vəwenə ə bamə tənkì tə fozhɨvə tə tsentə. Alì mu Nyìngòŋ shɨtə əfo a venə la viʼi və byɨməvə ə a və kɨ li nəmwèʼè, və nku kəzòŋ à wen və zhɨ̀,

1 Kolìntyàns 7:28

Alì mu wù sətsen ə lam, ko kə andiʼ la wù nè li mbyɨ, mu wàyn ə wùwì sətsen ə lam, ko kə a ndiʼ la ghə̀ nè li mbyɨ. Ali viʼi a və lamkə li lu kiʼi ngəʼsə a mbyi ashə̀, a diʼ ngəʼ a sensə a ma mwomsə ə bʉʼsə ghə̀ŋ fa tsu.

Matìyò 19:12

Nyʉ̀ diʼ no ghoʼo a və zì və ne la kə wìʼ à lam. Vətsenvə diʼ kò və lù nlamə mu və bwi vəwenə anə̀ əkànə. Vətsenvə diʼ mu à nè viʼi la vəwenə ndiʼ əkàn. Andiʼ a tʉʼ Yesò viʼi təloʼ tə tsenəvə diʼ mu və tyen lam byìʼì soʼo Fòyn Nyìngòŋ. No ndò a ghə̀ zì ghə̀ byɨmə ə ntsi ando nyʉ̀ venə gàʼà ghə̀ tuʼù zhʉ̀tə.”

Efisyàns 5:27

Ghə̀ ə nè alə ndi ghə̀ sə lyɨ̀ ngə̀ŋ Nyìngòŋ a nə̀ wùwì əfi ə lam ə wen, ghə̀ ndiʼ ko və ghamə wen, laynə, ko ndiʼ la ghə̀ kiʼi kəməŋ, ko ndiʼ la ghə̀ kiʼi kəlas, ko ndiʼ la ghə̀ kiʼi əmbyɨ ə tsèn.

Hibùlù 12:23

Ghə̀ŋ boŋ li vi akəshikə kəzhɨ ə tsèntə vye vəlemə və tovə vətsenvə ashɨ Nyìngòŋ. A diʼi ntsentə viʼi və byɨməvə a Nyìngòŋ ə nyoʼ li təzhiʼ tə vəwenə a ŋwàʼlə̀ akàŋ. Ghə̀ŋ vi li ashɨ Nyìngòŋ yi a ghə̀ soʼo viʼi vətsèm. Ghə̀ŋ vi li ashɨ ə viʼi və juŋəvə vi a Nyìngòŋ ə nè li la vəwenə nlaynə kwʉ̀ʼ.

Kəmwetə 21:22

Ma ko yen ngə̀ŋ Nyìngòŋ a ntə̀ʼ na yi byìʼì ando ngə̀ŋ Nyìngòŋ tsu ndiʼ to no Bobo Nyìngòŋ, ə Tiʼi ədyoʼ ə tsèm no nə̀ ngə̀ŋ wen wenə We Njɨ̀.

Kəmwetə 21:23

Ntə̀ʼ na yì ko kəŋ tebè la chwìchwì kò sàŋ nə̀ baynə tsu byìʼì ando əbayn ə Nyìngòŋ nə̀ diʼ tsu, We Njɨ̀ ə be diʼ làm tsu.