Kəmwetə 14:2 - The New Testament in the Babanki language

² Mà zhʉ gɨ̀ ghə̀ kù fʉ vì fa kàŋ tò sə à kù ə̀fəŋ ə ghoʼoghə, bwankə̀ to nə̀ əghʉ. Gɨ̀ ayì ə̀ nkù to nə̀ təlyuŋ a viʼi vi ə bʉʼʉ.

Kəmwetə 14:2 Referans Kwoze

Kəmwetə 5:8

A ə̀ ndìʼ ando ghə̀ ə̀ nshi əbʉʼ ə ŋwàʼlə̀ ayi, ə̀fo zhwisəvə vi ə̀ kàʼ nə̀ vəchəʼ vi njʉ̀sə̀ kàʼ a məwum ə̀ mbò fəŋkə à wen ə shɨ. No ndò ə̀ nkìʼ əlyuŋ nə̀ kəkaŋ kə a və shɨtə̀ nə̀ gul mu kələŋ kə lwin li tsu à diʼ təjɨ̀m tə viʼi və byɨməvə.

Kəmwetə 1:15

Aghʉ ə wen ə so to nə̀ kəkas a və nyuʼu a chɨ kə̀ mbuŋ. Gɨ̀ wen kù to nə̀ ə̀fəŋ ə mù mə nghoʼomə̀.

Kəmwetə 15:2

Mà mbe ə̀ nyèn kəfo kə kə̀ʼə̀ to nə̀ ə̀mu mə ghoʼomə̀, baynə lyəŋsə̀ to nə̀ kənki kə ashɨ a və fə̀ŋə̀ nə̀ əzhiʼ. Mà mbe yèn viʼi a və soyn ə̀ nzhɨ nyàm ətoʼ yì a ghə̀ fʉ̀ ə̀ kuʼ ə̀ vì fa ə̀mu lì wenə̀ kənshyə̀ʼsə̀ kə wen əboʼsə nə̀ ətaŋ ə zhiʼ wen, və ti a mbyɨ̀ ə̀mu mə ghoʼomə̀ mì kiʼ təlyuŋ tə Nyìngòŋ à vəwenə avu.

Kəmwetə 11:15

Ntsɨ̀ŋ ngə̀ŋ ə̀ Nyìngòŋ tsen bè tòŋ ə̀soŋ ə wen à ə̀ ndiʼ ntsɨ̀ŋsə sòmbo a sə toŋ li. Mà zhʉ gɨsə sə̀ tosə fa kàŋ sə gàʼà la, “Bobo vəghəŋ wenə̀ Klistò kìʼ kədyòʼ ə nsoʼo mbi luwèn, be diʼ ne ə nsoʼo tò soʼo no mətsi ntsèm.”

Kəmwetə 18:22

Wìʼ ko lu be zhʉ ando və bʉʼʉ təlyuŋ ko əzhʉ ando və toŋə fəndoŋ nə̀ təsoŋ fà ntə̀ʼ ghèn. No wìʼ muʼ a ghə̀ shwèʼè ə̀fo nə̀ avu ko lu be ndiʼ wenə̀ wen. Və ko lu be zhʉ ando wìʼ ə bvʉ̀ kəbayn ashyə̀.

Kəmwetə 11:12

Nshə̀ʼtə̀sə sə̀ ghoʼkəsə asènsə sə̀ bò bwènsə̀ lù fa pfʉ ə̀ zhʉ gɨ̀ ə to tsen a ghə̀ gàʼà fʉ̀ fa kàŋ la, “Ghə̀ŋ kuʼ ə̀ vì ashə̀!” Vəwenə kuʼ ə̀ shwe a tì mbòʼsə viʼi kəbàyn ə̀ vəwenə ti ki.

Kəmwetə 6:1

A ə̀ ndìʼ tò a zhʉ aghèn, mà yen ando wàyn bi ənjɨ̀ ə bɨtə̀ mbì mɨ̀ŋ fa tì vəmɨ̀ŋ vi sòmbo. Mà zhʉ ando kəfo kə zhwisəkə kətsenkə fa tì ə̀fo zhwisəvə vi ə̀ kàʼ ə bwankə̀ to nə̀ ghʉ ə̀ gàʼ la, “fʉ̀ ə̀ vì!”

Kəmwetə 1:10

A ndìʼ a kətsi yì a və ghoʼsə̀ Bobo, kəzhwì kə Nyìngòŋ kə ghaʼ mo; mà zhʉ gɨ̀ ə to tsen gàʼ ə̀ vì fà mò a bàm tò nə̀ ə̀soŋ

Kəmwetə 8:7

Ntsɨ̀ŋ ngə̀ŋ ə̀ Nyìngòŋ ə̀ mbì toŋ ə̀soŋ ə wen, awoŋ nə̀ əzhiʼ zìtə̀ ə shiʼi a nse mu və fɨ̀ŋ li nə̀ mənlyuŋə. Ə̀fo a vyi shiʼi a lì ə̀ nyùʼ əshyə nse kə mùʼ fa tì ə̀ bàs ə taʼ, ə̀ bè nè tò ndə̀ŋndəŋ nə̀ nkòʼ bè nyùʼ agəŋ ə zhʉghə no a tsèm.

1 Kolìntyàns 13:1

Mà sətsen ə nkɨ ə gàʼ təgàʼ tə viʼi to a tənkì a tənkì nə̀ tə gàʼà tə ətsɨŋsə Nyìngòŋ, alì ko andiʼ la ma kiʼi əkòŋ, a mà na nyaŋlə to tiʼitiʼi ə viʼi to nə̀ ngèm azhʉ̀ a və kumə buʼtə to buʼtə.