Kəmwetə 12:4 - The New Testament in the Babanki language

⁴ Əkwen ə wen ə zhès əshyə mədzɨ̀ŋ ə̀ mùʼ fa tì təshyə tə taʼ ə̀ mòʼ shìsə a nse. Nyàm ə fànsə ayì tɨmə a shɨ ə̀ wùwì yì a ghə̀ sə̀ diʼ a məbwi lì sə̀ bvʉ̀tə̀ ə pfiʼ wàyn ayì a ghə̀ a bwi lì.

Kəmwetə 12:4 Referans Kwoze

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Kəmwetə 9:19

Kədyòʼ kə təlyəŋ atì ə̀ ndìʼ à vəwenə təchʉ̀ nə̀ à vəwenə a tənkwèn. Təkwèn tə vəwenə ndìʼ to nə̀ zhusə, kiʼ ətʉ. Tə̀ nlyomsə viʼi nə̀ təwentə.

Kəmwetə 9:10

Sə nkìʼ tənkwèn to nə̀ təŋam be kiʼ tənchə. Kədyòʼ kə̀ ndìʼ a təkwèn ayì kwʉ̀ʼʉ̀ əchə wìʼ ə ghə̀ zhʉ lɨ̀m a vəsàŋ vətàyn.

Kəmwetə 8:7

Ntsɨ̀ŋ ngə̀ŋ ə̀ Nyìngòŋ ə̀ mbì toŋ ə̀soŋ ə wen, awoŋ nə̀ əzhiʼ zìtə̀ ə shiʼi a nse mu və fɨ̀ŋ li nə̀ mənlyuŋə. Ə̀fo a vyi shiʼi a lì ə̀ nyùʼ əshyə nse kə mùʼ fa tì ə̀ bàs ə taʼ, ə̀ bè nè tò ndə̀ŋndəŋ nə̀ nkòʼ bè nyùʼ agəŋ ə zhʉghə no a tsèm.

1 Bità 5:8

Ghə̀ŋ ə nyʉ̀ʼ bvɨtə be ghaʼ təwen ətəŋtə byìʼì ando wù kəbàyn ghə̀ŋ a diʼ Deblə̀ nyoʼo kaʼa to nə̀ nyàm ə kəbo, bufə, kəŋ wìʼ ə mì.

Kəmwetə 17:18

Ghə̀ mbe gàʼ la wùwì yì a mà yen lì dìʼ ntə̀ʼ ghoʼo yì a ghə̀ soʼo təfòyn tə mbi.

Kəmwetə 8:8

Kənkùmtə̀ kə ntsɨ̀ŋ ngə̀ŋ ə̀ Nyìngòŋ toŋ ə̀soŋ ə wen, və mòʼ kəfo a mù kə diʼ tò nə̀ pfèn a ghə̀ bolə̀ nə̀ əzhiʼ,

Kəmwetə 8:9

əshyə mù, əmùʼ fa tì təshyə tətaʼ, ə̀fo zhwisəvə no tsèm a və ndìʼ a shyə mù ayì ə pfʉkə, vənkanuʼ ə bè byɨ̀fkə a shyə mù ayì no vətsèm.

Kəmwetə 8:10

Ntsɨ̀ŋ ngə̀ŋ ə̀ Nyìngòŋ tsen bè tòŋ əsoŋ ə wen, vəwenə ndiʼ vətaʼ, fədzɨ̀ŋ fə ghoʼo fə lù fa kàŋ ə̀ fə̀ŋ a nse baynə tò nə̀ kənkàʼtə̀. Fə fəŋ a lì ə̀ chìʼ təshyə mù mə nchomə̀ əmùʼ, fa tì təshyə tətaʼ nə̀ a kə shi a mu nfʉ.

Kəmwetə 8:11

Əzhiʼ fədzɨ̀ŋ ayi ə̀ ndìʼ, məlwì əshyə mù əmùʼ, fa tì təshyə tətaʼ kaʼsə sə̀ lwilwi. Viʼi pfʉkə no vəghoʼo byìʼàndo vəwenə nyʉ̀ mu mə nlwimə a mì.

Kəmwetə 8:12

Ntsɨ̀ŋ ngə̀ŋ ə̀ Nyìngòŋ tsen toŋ ə̀soŋ ə wen à ndiʼ vəkàʼ, kəfo kə pfèn ə̀ byɨsə shyə mùʼ fa təshyə tətaʼ ə̀ chwìchwì nə̀ əsàŋ bènə̀ mədzɨ̀ŋ nè chwìchwì ko bè bayn a kətemə kə zhʉ kə mùʼ fa tì ntemə taʼ ə̀ nə̀nchwì ə̀ bè nè kèn la sàŋ wenə mədzɨ̀ŋ ə bayn li a kətemə kə zhʉ kə mùʼ fa tì ntemə taʼ ə̀ nəntʉʼʉ.

Kəmwetə 12:7

Fà yì a bàm, əghoŋ ə fʉ̀ a kàŋ, Kətʉ kə ntsɨŋsə a və toŋtə nə̀ Mayikel wenə̀ ntsɨ̀ŋsə wen soyn nyàm ə fànsə yì, nyàm ə fànsə ayì wenə̀ wenə tsɨŋ sə wensə bè bwensə soyn vəwenə,

Kəmwetə 13:2

Nyàm ətoʼ ayì a mà ə̀ nyenə lì ə̀ mfʉsə̀ nyàm ə̀ kəbo, aghʉ ə wen diʼ to nə̀ aghʉ ə bi toʼ, əchʉ wen diʼ to nə̀ əchʉ abìkəŋ. Zhù ə byɨ yì ku kəfwon nə̀ kədyòʼ ə ghoʼoghə à wen.

Kəmwetə 13:4

Viʼi vətsèm ə sə̀ ghoʼsə̀ zhù ə byɨ yì fambwo ghə̀ ə nku li àdyoʼ ə wen à nyàm ətoʼ yì la ghə̀ ə nsoʼo. Vəwenə mbe ghoʼsə̀ nyàm ətoʼ yì gàʼà la, “A lè dìʼ ndo a nə̀ nyàm ghèn a? A lè zì à soyn ndo əsoyn ə wen a?”

Kəmwetə 16:13

Mà yen əzhwi byɨvə tsenəvə taʼ a və kə̀ʼə̀ to nə̀ təsenətə fʉ̀ ə̀ vì fa əchʉ ə̀ əzhù ə byɨ nə̀ fa əchʉ ə nyàm ətoʼ bènə̀ fa əchʉ nshə̀ʼtə̀ kənlobtə.

Kəmwetə 20:2

Ghə̀ ghaʼ nyàm ə fànsə yì, no zhù ə mu yì a diʼì Deblə̀ à be diʼ Satan ə̀ kwiʼ wen nə̀ mfɨŋ yì a tì ngʉ̀ʼsə nkam.