Joyn 9:39 - The New Testament in the Babanki language

³⁹ Yesò ə mu gàʼ a wen la, “Mà vi a mbyi ashə ə làynsə a shɨ viʼi, ə nè la viʼi və fyɨfkəvə ə yenə, viʼi a və yenə, kə və be yenə.”

Joyn 9:39 Referans Kwoze

Joyn 3:19

Nyìngòŋ ə lu soʼo viʼi byìʼàndo əbayn ə tə vì a mbyi, viʼi ko kòŋ, ali əkòŋ to kəbəŋ kə fenəkə, byìʼàndo vəwenə ə nè mbyɨsə.

Joyn 12:46

Mà vi a mbyi to nə̀ əbayn ndiʼ wìʼ faŋ kò ghə̀ lə be ndiʼ a kəbəŋ kə fenəkə, mu ghə̀ byɨmə li a mò.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Joyn 8:12

Yesò ə ne be sə ngaʼa a viʼi Falàsi ə gàʼ la, “Ma diʼ əbayn mbyi. No ndo a ghə̀ dzɨ̀mtə̀ mo, mu ghə̀ a kiʼi əbayn a wen a ntsìnə̀, ko ghə̀ ə be a njèʼ fa kəbəŋ kəfenəkə”.

1 Joyn 2:11

Alì a mbàynə̀ no tè ndò bàynə̀ lèmə̀ wen mu ghə̀ tsi a mfɨnə̀ be jèʼè tò tyì mfɨnə̀ ayì. Ghə̀ ko kɨ tè kəshi a ghə̀ dyʉ̀ tsu byìʼàndo mfɨnə̀ ayì ə fyifsə̀ li ashɨ wen.

Ŋwàʼlə̀ Luk 4:18

Kəzhwì kə Bobo kə diʼ à mò a kətʉ, byiʼ ando ghə̀ tsuʼ li mò la ma shə̀ʼtə ntɨm jùŋ a viʼi a və femə a kəzhwì. Ghə̀ tɨm li mò la mà laʼà à viʼi vyi a və ghaʼtə li la kətsi kə kwʉʼli ə və ghʉsə vəwenə, be ntɨm mo la mà laʼà à nshɨfə la kətsi kə kwʉʼli ə vəwenə yenə shi, ə be shisə viʼi vyi a və nyàblə̀ nə̀ vəwenə li fa ngəʼ,

Ŋwàʼlə̀ Luk 1:79

Ghə̀ a ku bayn a viʼi a və ŋwʉʼ a nfɨnə̀, bènə̀ à kəlyɨŋ kə pfʉ ndi be diʼ jì bwaʼmə a vəghəŋ.”

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

2 Kolìntyàns 2:16

A diʼ a viʼi vyi a və lèkə̀, a diʼ kəlemtə a kə zhwi. Alì a diʼ a viʼi a Nyìngòŋ ə bwòŋsə, kəlemtə na kì kə ə fwomə, ku əbwòŋ yì a ghə̀ ko lu mè. No wìʼ ko kwʉ̀ʼʉ̀ ə nè nki əshyèʼ a ghenə.

Joyn 9:25

Ghə̀ be bwensə la, “Ko ghə̀ diʼ wu nyʉ̀ ə byɨvə, kò ghə̀ ko diʼ, ma kɨ to kənyʉ̀ kə mùʼ la, ma ko tə yenə əshi ə sə yenə luwen!”

Joyn 8:15

Ghə̀ŋ soʼo nə̀ ətof ə mbi, ma ko soʼo tebè wìʼ.

Joyn 3:17

Nyìngòŋ ə ko ə ntɨm wàyn wen a mbyi la ghə̀ vi byɨbsə viʼi mbyi, ghə̀ ntɨm la ghə̀ vi, ghə̀ bwòŋsə viʼi e chò fa wen.

Ŋwàʼlə̀ Luk 13:30

Ma sə gàʼà a ghə̀ŋ la, à lu ndiʼ a tʉʼ ayì, viʼi vyì a vəwenə diʼì a bàm luwen, lu ndiʼ a mbì, ə vyi a və diʼ a mbì luwen, lu ndiʼ a bàm.”

Ŋwàʼlə̀ Luk 7:21

Vəwenə nsə vì alì, Yesò chʉʼʉ viʼi a zhʉ ayì no və ghoʼo fa tənkì tə təkwaʼa tìtə a vəwenə nkwaʼa nə̀ təwentə be dzɨ̀mə̀ zhwì byɨvə, be nè la nfyɨf ghoʼvə bwènsə̀ yen shi.

Ŋwàʼlə̀ Luk 2:34

Simon bwaʼsə vəwenə mù gàʼ a Mèli la “Zhʉtə à! Nyìngòŋ tsuʼli wàyn la ghə̀ byɨsə bè bwòŋsə nghoʼo viʼi a loʼo Islel. Ghə̀ lu ndiʼ nchwi fa Nyìngòŋ a və lu ngàʼlə byìʼì wen,

Matìyò 11:5

Nfyɨ̀f bwènsə̀ yenə shi, və ngesə̀ fwen jèʼè tò a nkàyn, viʼi kənsòtə̀ to, mpfʉ sə tʉ sə zhʉ shi, və bwènsə̀ lùsə̀ viʼi vəpfʉkəvə, be shə̀ʼtə̀ ntɨm jùŋ a viʼi a və femə.

Matìyò 6:23

Ali, mu ashɨ a wu sətsèn ə faŋ ke ndiʼ a nkàyn, wù a jèʼè tò a ntìntìn mfɨnə̀ nə̀ wenə wu no tsèm. Ke la diʼi la ashɨ ə wu sətsèn ə nə̀ faŋ ke ku bayn no fa mpfen, ə wù a ndiʼ no a ntìntìn mfɨnə̀ ə kaynə!

2 Tèsàlonyà 2:10

Ghə̀ lu ə kiʼ ətyɨm ə byɨghə, dzɨŋsə viʼi vyi a və diʼ ə pfʉkə, to a jisə a jisə. Vəwenə lu pfʉkə byìʼì ando vəwenə ko tə kòŋ ə zhʉ̀ ntɨm yì a ghə̀ diʼi nəmwèʼè kùmə̀ Bobo vəghəŋ ndiʼ Nyìngòŋ ə bwoŋsə vəwenə.

Matìyò 15:14

Ghə̀ŋ ghʉsə vəwenə tò a lì, vəwenə diʼ mfyɨ̀f alì kəŋ ndìʼì jì a vətsenvə. Kənfyɨf kə sətsèn ə ndìʼì jì a kətsenkə, vəwenə à tsèntə̀ fəŋkə a nkwòŋ no vətsèm.”

Joyn 12:31

Əzhʉ kwʉʼ li Nyìngòŋ be byɨbsə viʼi mbyi byìʼì mbyɨsə vəwenə be dzɨ̀mə̀ shisə fòyn mbi luwen.