Joyn 9:35 - The New Testament in the Babanki language

³⁵ Yesò ə zhʉ̀ li la və dzɨ̀m li ə shisə wìʼ yi a ghə̀ tə chʉʼ li fa ngə̀ŋ ntsentə, ə kəŋ ə dyʉ̀ nə̀ wen, ə bèm a wen la, “Wù lə byɨmə li a wàyn Wìʼ a?”

Joyn 9:35 Referans Kwoze

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

1 Joyn 5:13

Mà nyòʼò kənyʉ̀ kènkə a ghə̀ vyi a ghə̀ŋ ə byɨmə a zhiʼ wàyn Nyìngòŋ ndi ghə̀ŋ kɨ la ghə̀ŋ kiʼi əbwòŋ yi a ghə̀ ko lu mè.

Joyn 10:36

a lu be kwitə no ndò to ando Bobo sə diʼ mù ghə̀ ntsuʼli mò a wen a wù ə ntɨm a mbyi a? Kə le diʼ alə̀, ghə̀ŋ sə be ghamə mò a gho gaʼa la mà telə Nyìngòŋ, byìʼì ando ma gàʼa la ma diʼ wàyn wen a?

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

1 Joyn 5:10

No ndò a ghə̀ byɨmə à wàyn Nyìngòŋ ə kɨ kənyʉ̀ akènkə tò a wen a tyɨm. Wìʼ a ghə̀ ko byɨmə Nyìngòŋ, ə ne li wen a wù ndzɨ̀ŋ byìʼàndo ghə̀ ko byɨmə kənyʉ̀ a Nyìngòŋ ə gàʼà byìʼì wàyn wen.

1 Joyn 5:5

A zì a zhɨ ndo ə̀ zhɨ mbi əchò wìʼ a ghə̀ byɨmə la Yesò dìʼ wàyn Nyìngòŋ a?

1 Joyn 4:15

A byɨmə tè ndò ə̀ be nshə̀ʼtə̀ la Yesò dìʼ Wàyn Nyìngòŋ mu ghə̀ dìʼ wenə̀ Nyìngòŋ a kənyʉ̀ kə mùʼ.

Lumans 10:20

Azayà ə gaʼa to no a ndayn ko ghə̀ lù fàyn kənyʉ̀ la, Nyìngòŋ ə gàʼ la: “Viʼi yen li mò, ko ndiʼ la və tə ə kəŋ mò. Ma diʼi li wenə ghomə a viʼi, ko ndiʼ la və tə ə bèmə mò.”

Lumans 1:4

Nyìngòŋ ə nlùsə Bobo vəghəŋ Yesò Klistò a ghèn fa pfʉ ə diʼ adyòʼ la ghə̀ diʼ to no Wàyn Nyìngòŋ, kiʼi Kəzhwì kə Nyìngòŋ.

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Joyn 20:28

Tòmos ə toŋtə wen ə gàʼ la, “Bobo ghom, Nyìngòŋ ghòm!”

Joyn 11:27

Matà byɨmə ə gàʼ la, “Ma byɨmə a Bobo la wù diʼ wìʼ yì a və tsuʼli ghʉ, à diʼ wù Wàyn Nyìngòŋ yi a ghə̀ ndiʼ lə vi a mbyi.”

Joyn 6:69

Luwen yes ə byɨmə, be kɨ la, wù diʼ Wù Laynə Nyìngòŋ a wu vi fa kaŋ.”

Joyn 5:14

Yesò ə ne be yen ə wen a ngə̀ŋ Nyìngòŋ ə gàʼ a wen la, “Wù to li luwen. Kə wù bè a nè mbyɨ, a bwen ali kənyʉ̀ kə a fʉ̀ a wù, to chò kwaʼa a yi.”

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Joyn 1:34

Ma diʼ mu ma yen li kənyʉ̀ na kènkə ando kə fʉ, ə sə shə̀ʼtə̀ a ghə̀ŋ la wìʼ na ghèn diʼ wàyn Nyìngòŋ.”

Joyn 1:18

Wìʼ ə ko tɨmə yen Nyìngòŋ. A diʼ to wàyn Nyìngòŋ yì əmùʼ a ghə̀ diʼi nkàyntə̀ Nyìngòŋ, mu nyʉ̀ʼ to a ben nə̀ Bobo, a ghə̀ diʼi li to ando Nyìngòŋ diʼ a viʼi.

Ŋwàʼlə̀ Mak 1:1

Kènkə diʼ kənzìtə kə ntɨm jùŋə Yesò Klistò, ə Wàyn Nyìngòŋ.

Matìyò 16:16

Simon Bità bwènsə̀ la, “Adìʼ ə wìʼ yì a Nyìngòŋ ntsuʼ li ə̀ ghʉ, wàyn Nyìngòŋ yì a ghə̀ faŋə̀ tò ghan mùʼ lì.”

Matìyò 14:33

Ndzɨ̀mtə̀sə bàm wen shìsə a sə ndiʼ a nkanuʼ mù sə gumlə wen gàʼà la,“Nəmwèʼè, wù diʼ wàyn Nyìngòŋ.”

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

Joyn 9:22

Tìʼ wen wenə lì wen ə ngàʼa alə byìʼàndo vəwenə ə nfwaynə viʼi Jus venə. Vəwenə ndiʼ mu və ə ghʉ̀ li la no ndò a ghə̀ byɨmə la Yesò diʼ wìʼ ə yi a və tsuʼ li ghʉ̀, mu və a dzɨ̀m ə wen, ko ghə̀ lu be kwen tebè a ngə̀ŋ ntsèntə̀.

Joyn 9:34

Viʼi a vi ə gàʼ la, “Wù diʼ alə̀ mu və nə̀ bwi wù a ntìntìn mbyɨsə, wù kwi kuʼ to tsu ə sə kəŋ ə ziʼi yès.” To ando vəwenə gàʼa ali no zhʉ̀ko ə dzɨ̀m shisə wen fa ngə̀ŋ ntsèntə̀.

3 Joyn 1:10

Mà ne vì no a zhʉ kò ə shə̀ʼtə̀ ə kuʼ nə̀ nyʉ̀ vyi a ghə̀ nè, nyʉ̀ fansəvə byɨvə, benə ndzɨŋ shì, a ghə̀ gàʼà byìʼì yes. Ghə̀ ko sè tò a na kì, ghə̀ tyenə la ghə̀ ko shisə vəlèmə̀, be tàmə̀ viʼi vyi a və kəŋə nshisə vəwenə, dzɨ̀mə̀ vəwenə shìsə̀ fa ntsèntə̀ viʼi və byɨməvə.

Shwèʼ 8:37

Filib bwènsə̀ à wen la, “Və zì və ku mu à wù a zhʉ a wù byɨmə nə̀ tyɨmə wu no tsèm.” Wù shyèʼ ayì byɨmə ə̀ gàʼ la, “Mà byɨmə la Yesò Klistò dìʼ wè Nyìngòŋ.”