Joyn 8:43 - The New Testament in the Babanki language

⁴³ Byìʼì ghò a ghə̀ŋ ko zhʉ kɨ kənyʉ̀ kì a ma gaʼa a? A diʼ byìʼàndo ghə̀ŋ ko kòŋ ə zhʉ.

Joyn 8:43 Referans Kwoze

Joyn 5:43

Mà vi à zhiʼ Tìʼ ghom, ko ghə̀ŋ lu byɨmə mo. Alì, mu wìʼ ə tsen sətsen vi no to fa wen a ngeŋ, a ghə̀ŋ a shisə wen.

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Shwèʼ 7:51

Stifèn gàʼ alə̀ ə̀ gàʼ la, “Ghə̀ŋ viʼi to kətʉ. Ghə̀ŋ shwintə li tìʼì tiʼi vəŋə, be ntosə tətyɨm tyəŋtə sə diʼ tò nə̀ viʼi a və ko kɨ̀ Nyìngòŋ. Ghə̀ŋ tyen li la ghə̀ŋ ko zì ghə̀ŋ zhʉ kənyʉ̀ a Kəzhwì kə ŋwòʼəkə gàʼà to nə̀ vətìʼ vəŋə və mbì.

Joyn 6:60

Ndzɨ̀mtə̀sə bàm ə Yesò ə zhʉ ziʼi na ghenə ə sə gàʼ la, “Əziʼi a ghenə to no nànto. A zizi à byɨmə no ndò byɨmə kənyʉ̀ a kèn a?”

Joyn 8:27

Ghə̀ ə ngàʼa ali, ko ndiʼ la vəwenə kɨli la ghə̀ gàʼa kumə Tì wen.

Lumans 3:11

Nò wìʼ ə mùʼ ko diʼ a ghə̀ diʼi la ghə̀ zhʉ li ə kɨ kənyʉ̀ kə Nyìngòŋ, no wù əmùʼ ə ko kəŋ ə kɨ Nyìngòŋ.

Matìyò 13:15

Viʼi venə dìʼ mu tətof tə vəwenə tə bwaʼli. Vəwenə shwintə li tiʼitiʼi vəwenə be nchiʼtə ashɨ vəwenə, à bwen a lì mu tiʼitiʼi vəwenə zhʉ kɨ nyʉ̀ ashɨ vəwenə be yenə shi a zhʉ ayì vəwenə bwenə vì à mò mà chʉʼ vəwenə.

Joyn 5:25

Ma gaʼa a ghə̀ŋ tò no nəmwèʼè la kətsi kə sə boʼsə vi, ma gàʼ alì mu kə diʼ mu boʼsə li, viʼi vyi a və diʼi to nə̀ viʼi və pfʉkəvə zhʉ gɨ wàyn Nyìngòŋ, alì no ndò yi a ghə̀ ne zhʉ gɨ wen ghə̀ ne tsi.

Joyn 8:33

Ghə̀ ə ngaʼa ali, vəwenə bèm a wen la, “Wù gaʼa la wù zizi wù gyamtə yès fa ngəʼ ko? Yes diʼ viʼi ngwaʼ ngə̀ŋ Ablaham ko ndiʼ la yès ətɨmə diʼ əkòs a wìʼ.”

Joyn 8:39

Vəwenə bwensə la, “yès ə diʼ vunə Ablaham.” Yesò ə bwensə gàʼ a vəwenə la, “Ghə̀ŋ tu ndiʼ vunə Ablaham mu ghə̀ŋ nè to nyʉ̀ vyi a Ablaham ə nè.